គន្លឹះខ្លះៗជួយឱ្យផ្តោតអារម្មណ៍កាន់តែល្អលើកិច្ចការសំខាន់ៗ
Connect with us
Helistar Cambodia - Helicopter Charter Services

KPT+

គន្លឹះខ្លះៗជួយឱ្យផ្តោតអារម្មណ៍កាន់តែល្អលើកិច្ចការសំខាន់ៗ

បានផុស

នៅ

ពេលឮពាក្យថា ផ្ដោតអារម្មណ៍កាន់តែល្អ គ្នាយើងប្រាកដជានិយាយថា កុំគិតច្រើនទៅចប់បាត់ហើយ! មែនអត់? ប៉ុន្តែនៅទីនេះ វាមានអ្វីដែលច្រើនជាងពាក្យ កុំគិតច្រើនទៅទៀត។ ចង់ដឹងថា ជាអីខ្លះទេ? តោះអានជាមួយគ្នា ពីវិធីផ្តោតអារម្មណ៍កាន់តែល្អលើកិច្ចការសំខាន់ៗ!

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. សរសេរអាទិភាពសំខាន់ៗ ហើយរំឭកវាជាប្រចាំ

Asian-Americans do better at university, but face barriers in the workplace  – IMDiversity

ដើម្បីផ្តោតការយកចិត្តទុកដាក់លើអ្វីមួយឲ្យបានត្រឹមត្រូវ វាចាំបាច់ណាស់ក្នុងការរំឭកខ្លួនរាល់ថ្ងៃពីអ្វីដែលសំខាន់បំផុត។ ស្វែងរកអ្វីដែលចាំបាច់ក្នុងជីវិត ដើម្បីកំណត់គោលដៅឲ្យបានច្បាស់លាស់។ សួរខ្លួនឯងថា តើអ្វីដែលសំខាន់បំផុតសម្រាប់ខ្ញុំនៅឆ្នាំនេះ?

គិតអំពីកិច្ចការទាំងនោះ រួចជ្រើសរើសអាទិភាពសំខាន់ៗ ៤-៥ និងសរសេរទុក ហើយដាក់វានៅកន្លែងដែលអាចមើលឃើញញឹកញាប់ជាងគេ។

២. ​កំណត់អ្វីដែលមិនសំខាន់ រួចកាត់វាចេញ

How the model minority myth holds Asian Americans back at work

ព្យាយាមស្វែងរក ឬរកនឹកសកម្មភាពអ្វីដែលតែងតែធ្វើឲ្យយើងខ្ជះខ្ជាយពេលវេលា ហើយចាប់ផ្ដើមបោះបង់វាចោល។ ត្រូវតែរកឲ្យឃើញនូវទម្លាប់មិនល្អនាំឲ្យយើងខាតពេល ហើយតាំងចិត្តឲ្យមុតមាំថា ឈប់ធ្វើតទៅទៀត។

៣. កាត់ផ្តាច់ការរំខាននានា

Premium Photo | Happy young asian business woman finished her work at  workplace.

ព្យាយាមធ្វើការនៅកន្លែងដែលគ្មានការរំខាន ជាកន្លែងដែលយល់ថា ខ្លួនអាចបំពេញកិច្ចការបានផលផ្លែច្រើនបំផុត។ បើវាជាហាងកាហ្វេ ចូរទៅទីនោះ តែបើវាជាបណ្ណាល័យ នោះក៏ទៅបណ្ណាល័យទៅ។ ប៉ុន្តែបើមិនអាចចៀសកន្លែងខ្លះ គួរស្វែងយល់ពីវិធីដែលអាចការពារអារម្មណ៍កុំបែកឆ្វេងស្ដាំ ហើយរៀនគ្រប់គ្រងពេលវេលារបស់ខ្លួនជាមួយការងារឲ្យល្អបំផុត។

៤. កុំធ្វើកិច្ចការច្រើនមុខក្នុងពេលតែមួយ

Premium Photo | Asian business woman stress because work mistake to be risk  for fired

នៅពេលធ្វើកិច្ចការច្រើនពេកច្របូកច្របល់ចូលគ្នា ពិតជាមិនអាចផ្តោតអារម្មណ៍លើកិច្ចការមួយឲ្យល្អបានទេ ហើយធ្វើឱ្យគុណភាពការងារទាំងអស់ថយចុះ។ ព្យាយាមចៀសវាងធ្វើកិច្ចការច្រើនក្នុងពេលតែមួយ ដោយរៀបចំភារកិច្ចសំខាន់ធ្វើជាមុន។ អនុវត្តការងារម្តងមួយៗ ដោយព្យាយាមផ្តោតតែលើកិច្ចការនីមួយៗឲ្យចប់សិន នោះយើងនឹងឃើញថា គុណភាពនៃការងារចាប់ផ្តើមកើនឡើងគួរឲ្យកត់សម្គាល់។

៥. ជំនួសគំនិតអវិជ្ជមានដោយគំនិតវិជ្ជមាន

Study: Stressed Mom Of Toddlers Cells Age By More Than 11 Years |  theAsianparent

អារម្មណ៍អវិជ្ជមានសុទ្ធតែរំខានដល់ការផ្តោតអារម្មណ៍មិនឲ្យផ្លូវចិត្តលូតលាស់។ ការអាក់អន់ចិត្ត កំហឹង សម្អប់ និងច្រណែនជាដើម មិនដែលធ្វើឲ្យជីវិតមានគុណភាពល្អនោះឡើយ។ ដូច្នេះ រៀនអភ័យទោសចំពោះការប្រមាថមាក់ងាយ និងកំហុសពីអតីតកាល ដោយគ្រាន់តែជំនួសនូវការគិតល្អៗទៅបានហើយ។

៦. ញញឹមទទួលភាពរីករាយជានិច្ច

Premium Photo | Portrait of asian office employee businesswoman wear  protective face mask work in new normal office with interracial colleague  in background as social distance practice prevent coronavirus covid-19.

ចងចាំថា យើងមានសិទ្ធិធ្វើអ្វីដែលខ្លួនស្រឡាញ់ពេញចិត្ត។ ជាការពិតការងារទាំងអស់មិនសុទ្ធតែផ្ដល់ភាពសប្បាយរីករាយនោះទេ ប៉ុន្តែយើងនៅតែអាចជ្រើសរើសទទួលឬមិនទទួលបាន ហើយព្យាយាមបំពេញជីវិតជាមួយនឹងសកម្មភាពដែលខ្លួនចូលចិត្ត។

ការផ្តោតអារម្មណ៍ ពិតជាត្រូវការចំណាយពេលនិងកម្លាំងច្រើនទម្រាំសម្រេចគោលដៅនៅក្នុងជីវិត ប៉ុន្តែយើងមានកម្លាំងគ្រប់គ្រាន់អាចធ្វើវាបានល្អ៕

ប្រែសម្រួល៖ សន្យា

ប្រភព៖ Entrepreneur

ចុចអាន៖ ៣ វិធី​ដើម្បី​បង្វឹក​ខួរក្បាល​ឲ្យ​ឆ្លាតវៃ​ ទោះ​មាន​​ថ្ងៃ​ដ៏​មមាញឹក​យ៉ាងណា

ចុចអាន៖ ប្រើពេល ២៤ ម៉ោងឱ្យមានប្រសិទ្ធភាពសម្រាប់យុវវ័យក្រោម ២៥ ឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services