KPT+
នុ៎ះ! Airpods និងកាសអត់ខ្សែ អាចធ្វើឲ្យកើតជំងឺមហារីក
អ្នកវិទ្យាសាស្រ្តរាប់រយនាក់ បានចុះហត្ថលេខាលើញត្តិមួយ បញ្ជូនទៅកាន់អង្គការសហប្រជាជាតិ និងអង្គការសុខភាពពិភពលោក ដើម្បីព្រមានគ្រោះថ្នាក់យ៉ាងខ្លាំងនៃ AirPods របស់ក្រុមហ៊ុន Apple។
អ្នកជំនាញ ២៥០នាក់ បានចុះហត្ថលេខាលើញត្តិ ដែលពួកគេជឿជាក់ថា កាសអត់ខ្សែ អាចបណ្ដាលឲ្យកើតជំងឺមហារីក ដោយសារបច្ចេកវិទ្យាប្លូធូស (Bluetooth) ជាផ្នែកមួយនៃរលកប្រេកង់អេឡិចត្រូម៉ាញ៉េទិច អាចបញ្ជូនទិន្នន័យបាន។
អ្នកវិទ្យាសាស្រ្តលើកឡើងថា ការគំរាមកំហែងខ្លាំងនោះ គឺការប្រើប្រាស់ឧបករណ៍នៅជិតនឹងលលាដ៍ក្បាលខាងក្នុង។ “យោងតាមការសិក្សាស្រដៀងគ្នាជាច្រើន បានចេញផ្សាយ យើងមានការព្រួយបារម្ភយ៉ាងខ្លាំងចំពោះផលប៉ះពាល់កំពុងកើនឡើង និងមានគ្រប់ទីកន្លែង ទៅនឹងប្រេកង់អេឡិចត្រូម៉ាញ៉េទិច បណ្ដាលមកពីអគ្គិសនី និងឧបករណីអត់ខ្សែ។ ការចេញផ្សាយបែបវិទ្យាសាស្រ្តថ្មីៗជាច្រើន បង្ហាញថា ប្រេកង់អេឡិចត្រូម៉ាញ៉េទិច ប៉ះពាល់សរីរាង្គរស់នៅ ទាបជាងគោលការណ៍ណែនាំសុវត្ថិភាពថ្នាក់ជាតិ និងអន្តរជាតិជាច្រើន“។
អ្នកវិទ្យាសាស្រ្ត បានកត់សម្គាល់ថា ទីភ្នាក់ងារអន្តរជាតិសម្រាប់ការស្រាវជ្រាវជំងឺមហារីក ថ្មីៗនេះ បានកំណត់ថា ប្រេកង់អេឡិចត្រូម៉ាញ៉េទិច អាចបង្កជំងឺមហារីកលើមនុស្ស។ មិនតែប៉ុណ្ណោះ ជំងឺសរសៃប្រសាទ និងការបំផ្លាញ DNA ក៏មានជាប់ពាក់ព័ន្ធនឹងផលប៉ះពាល់ពីប្រេកង់អេឡិចត្រូម៉ាញ៉េទិចដូចគ្នា។
ទោះបីជាប្រេកង់អេឡិចត្រូម៉ាញ៉េទិចកម្រិតខ្ពស់ អាចបង្កទៅជាកម្ដៅ បណ្ដាលឲ្យរលាក និងប៉ះពាល់កំណើនកោសិកាក្នុងខ្លួនមនុស្ស តែអ្នកវិទ្យាសាស្រ្ត មិនទាន់បានកំណត់ទំហំផលប៉ះពាល់កម្រិតទាប បង្កឡើងដោយឧបករណ៍គ្មានខ្សែ ដូចជា Airpods នៅឡើយ។
ពាក់ព័ន្ធករណីនេះ លោក អាឡិច គ្រីសន័រ អ្នកនាំពាក្យក្រុមហ៊ុន Apple ធ្លាប់បញ្ជាក់នៅឆ្នាំ ២០១៦ ផលិតផលក្រុមហ៊ុន តែងតែរចនា និងតេស្ដសាកល្បង ដើម្បីស្របតាម ឬលើសតម្រូវការសុវត្ថិភាពជានិច្ច៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ប្រើកាសរួមគ្នា ឬឧស្សាហ៍ឲ្យពួកម៉ាកខ្ចីប្រើ អាចបង្កបញ្ហាអីខ្លះ?
ចុចអាន៖ ពេលចាស់ទៅមិនចង់ភ្លេចភ្លាំងច្រើន នៅក្មេងត្រូវអនុវត្តទម្លាប់បែបនេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង