Connect with us

KPT+

បើឧស្សាហ៍ភ្លេចគួរ យកចិត្តទុកដាក់ញ៉ាំអាហារទាំងនេះ

បានផុស

នៅ

រវល់ច្រើន ស្ត្រេសច្រើន គិតច្រើនពេកម្ង៉ៃៗ រហូតធ្វើឲ្យគុណភាពការចងចាំធ្លាក់ចុះ។ ការញ៉ាំអាហារដែលមានជីវជាតិ គេងឲ្យបានគ្រប់គ្រាន់ និងហាត់ប្រាណឲ្យបានទៀងទាត់ សុទ្ធតែជួយឲ្យរាងកាយ និងខួរក្បាល ដំណើរការល្អ និងចងចាំបានច្រើន។អ៊ីចឹង យើងគួរយកចិត្តទុកដាក់លើអាហារដែលល្អ និងបំប៉នខួរក្បាលឲ្យបានទៀងទាត់។ ពិចារណាលើចំណីចំណុកប៉ុន្មានមុខខាងក្រោម ឬគិតគូរសម្រាប់មនុស្សចាស់ក្នុងផ្ទះបាន រឹតតែប្រសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១- ត្រី

ពិសេសត្រីសាល់ម៉ុន មានផ្ទុកអូមេហ្គា ៣ ដែលល្អមែនទែនសម្រាប់រាងកាយ និងខួរក្បាល។ អូមេហ្គា ៣ នឹងចូលទៅក្នុងប្រព័ន្ធប្រសាទជាមួយជាតិខ្លាញ់ អាចជួយឲ្យខួរក្បាលដំណើរការល្អ។ ថែមទាំងផ្តល់អុកស៊ីហ្សែនបន្ថែមទៅខួរក្បាល ដែលអាចជួយរក្សាព័ត៌មានចាស់ៗ និងទទួលយកព័ត៌មានថ្មីៗបានយ៉ាងល្អ។ ដូច្នេះ ឱកាសកើតជំងឺវង្វេងចំពោះមនុស្សចាស់ ក៏ធ្លាក់ចុះដែរ បើញ៉ាំសាច់ត្រីដែលមានអូមេហ្គា ៣ ច្រើន។

២- ស៊ុត

ស៊ុតសម្បូរវីតាមីន B12 និងលេកស៊ីន។ វីតាមីន B12 អាចជួយប្រឆាំងសមត្ថភាពថយចុះ របស់ខួរក្បាលដែលតែងកើតឡើងចំពោះអ្នកកើតជំងឺវង្វេង។

៣- សម្លការី

រមៀត ជាគ្រឿងផ្សំដ៏សំខាន់ក្នុងម្សៅការី ដែលសម្បូរដោយសមាសធាតុប្រឆាំងអុកស៊ីតកម្ម ដែលភាពចាស់របស់ខួរក្បាល និងជួយរក្សាដំណើរនៃការយល់ដឹង ពេលវ័យកាន់តែចាស់។ ការីមិនត្រឹមតែល្អសម្រាប់ខួរក្បាលប៉ុណ្ណោះទេ វាថែមទាំងអាចប្រឆាំងជំងឺទឹកនោមផ្អែម និងជំងឺបេះដូង បានទៀតផង។

៤- សូកូឡា

អ្នកវិទ្យាសាស្ត្របានរកឃើញថា សារធាតុប្រឆាំងអុកស៊ីតកម្ម (flavonols) នៅក្នុងកាកាវអាចជួយបង្កើនលំហូរឈាមនៅក្នុងខួរក្បាល។

៥- តែ

តែដែលទើបនឹងឆុងថ្មីៗ មានជាតិ catechins ពណ៌ខ្មៅ។ តែបៃតងក៏ល្អដែរ។ វាមិនត្រឹមតែធ្វើឲ្យខួរក្បាលដំណើរការល្អ បង្កើនការចងចាំល្អប៉ុណ្ណោះទេ តែថែមទាំងប្រឆាំងជំងឺបាក់ទឹកចិត្តទៀតផង។

៦- ទឹកដោះគោ

ទឹកដោះគោ ត្រូវគេចាត់ទុកជាប្រភពអាហារូបត្ថម្ភដ៏ល្អបំផុតសម្រាប់មនុស្សចាស់។ នៅក្នុងទឹកដោះគោ ប្រូតេអ៊ីន មានកាល់ស្យូម និងសមាសធាតុចាំបាច់ជាច្រើនទៀតសម្រាប់ខួរក្បាល។ ផឹកទឹកដោះគោរាល់ថ្ងៃ អាចឲ្យរាងកាយទទួលបានកាល់ស្យូមខ្ពស់ដូចគ្នា។ បើមានអារម្មណ៍តានតឹងពីការងារដែលធ្វើឲ្យគេងមិនលក់ មនុស្សចាស់អាចផឹកទឹកដោះគោក្តៅឧណ្ហៗមួយកែវ ពេលយប់ ដែលវាអាចជួយឲ្យគេងលក់ស្រួល។

៧- ធញ្ញជាតិ

ធញ្ញជាតិ ដូចជា បាយអង្ករសម្រូប នំបុ័ង (មានលាយ) គ្រាប់ធញ្ញជាតិទាំងមូល ស្រូវសាលី ស្រូវបាឡេ (Barley) ជាមួយ folate ខ្ពស់ សុទ្ធតែអាចជួយបង្កើនលំហូរឈាមទៅក្នុងខួរក្បាល។ អាហារដែលមានគ្រាប់ធញ្ញជាតិទាំងមូល មានវីតាមីន B6 thaimine ច្រើន។ Thiamine គឺល្អសម្រាប់អ្នករាល់គ្នាជួយដល់ខួរក្បាល បង្កើនការចងចាំឲ្យកាន់តែប្រសើរ។

៨- ល្ពៅ

ក្នុងចំណោមប្រភេទបន្លែជាច្រើន ល្ពៅជារបស់ដ៏ល្អសម្រាប់សុខភាពខួរក្បាលមនុស្សចាស់។ ល្ពៅមានអាស៊ីដ glutamic ដែលជាសមាសធាតុចាំបាច់សម្រាប់ដំណើរខួរក្បាល។ សមាសធាតុនេះ ដើរតួនាទីសំខាន់សម្រាប់ជំរុញសរសៃប្រសាទដែលជួយពន្លឿនប្រតិកម្ម មេតាប៉ូលីសក្នុងកោសិកាប្រព័ន្ធប្រសាទក្នុងខួរក្បាល។៩- បន្លែបៃតង

ប្រភេទបន្លែបៃតង ដូចជា ស្ពៃក្តោប ខាត់ណា ស្ពៃខ្មៅ សម្បូរវីតាមីន B6 B12 Folate សុទ្ធតែជាសមាសធាតុសំខាន់ក្នុងខួរក្បាល ក្នុងការបំបែកកម្រិត homocysteine ដែលបង្កឲ្យមានការភ្លេចភ្លាំង និងរហូតដល់មានអាការ:វង្វេងវង្វាន់។

១០- គ្រាប់ផ្លែឈើ

គ្រាប់ផ្លែឈើ ដូចជា សណ្តែកដី ពោត ស្រូវមីយេ និងគ្រាប់អាល់ម៉ុន មានអត្ថប្រយោជន៍សម្រាប់ខួរក្បាល។ សណ្តែកដីមានកម្រិត lecithin និង cephalin ដ៏សម្បូរបែប។ យោងតាមការបង្ហាញក្នុងការពិសោធ ការញ៉ាំសណ្តែកដីជាទៀងទាត់អាចជួយឲ្យឈាមរត់កាន់តែល្អ បង្កើនការចងចាំ និងទប់ស្កាត់ភាពចាស់។

១១- ផ្លែឈើ

ខួរក្បាល ត្រូវការជាពិសេសនូវសារធាតុចិញ្ចឹមសំខាន់ៗឲ្យបានគ្រប់គ្រាន់ ដើម្បីរក្សាការចងចាំរយៈពេលវែង ដូចជា ប្រភពអាហារដែលអាចប្រឆាំងអុកស៊ីតកម្ម ដូចជា ចេក ប៉ោម ឬប័រ ជាដើម។ មនុស្សចាស់គួរតែញ៉ាំផ្លែប័រឲ្យបានច្រើន ព្រោះសម្បូរដោយសមាសធាតុ fisetin និង flavonoid ដែលសុទ្ធតែជួយបង្កើនការចងចាំ និងចាំសកម្មភាពអតីតកាលបានយ៉ាងល្អ៕

អត្ថបទផ្ដល់ដោយ៖ Hello Krupet

ចុចអាន៖

ចុចអាន​៖

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៥ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៥ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៥ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៦ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម