Connect with us

KPT+

ព្រះនាង ៥ អង្គនៃទ្វីបអឺរ៉ុប កំពុងត្រៀមឡើងសោយរាជ្យជាម្ចាស់ក្សត្រី

បានផុស

នៅ

អាណាចក្រនីមួយៗតែងតែទាមទារស្ដេចល្អមួយអង្គ ដើម្បីស្ថិរភាពនគររុងរឿង ជាទូទៅមានតែបុរសប៉ុណ្ណោះជាអ្នកគ្រប់គ្រង ចំណែកឯនារីវិញ សឹងកម្រឃើញណាស់។ ប៉ុន្តែបើមានស្រ្តីជាស្តេច ពិតជាមានឥទ្ធិពលនិងល្បីរន្ទឺ ជាពិសេសព្រះនាង៥អង្គនេះតែម្ដង។

ខាងក្រោមនេះ ជាអនាគតស្ដេចស្រីប្រចាំទ្វីបអឺរ៉ុប កំពុងតែត្រៀមព្រះកាយអាចនឹងក្លាយជាស្ដេចស្រីដ៏មានឥទ្ធិពល មិនចាញ់ស្ដេចស្រីអង្គមុនៗនោះទេ។

១. ព្រះនាងម្ចាស់ Victoria នៃប្រទេសស៊ុយអែត

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះនាងមានព្រះនាមពេញគឺ “ព្រះនាងនៃវេស្ទឺហ្គូតលែន Victoria Ingrid Alice Désirée”។ ព្រះនាងម្ចាស់ Victoria ជាទាយាទស្នងរាជនៅប្រទេសស៊ុយអែត ដែលប្រសូត្រនៅឆ្នាំ១៩៧៧ ទ្រង់គឺជាបុត្រីច្បងរបស់ព្រះអង្គ Carl Gustaf ទី១៦ ជាមួយនឹងម្ចាស់ក្សត្រី Silvia ដោយសារតែប្រវត្តិសាស្ត្រមានការផ្លាស់ប្ដូរ ទើបព្រះនាងមានឱកាសសោយរាជ្យ មិនដូច្នោះ អ្នកដែលបានសោយយរាជ្យគឺជាប្អូនប្រុសរបស់ទ្រង់ឯណោះទេ។

២. ព្រះនាងម្ចាស់ Leonor នៃប្រទេសអេស្ប៉ាញ

ព្រះនាង Leonor មានមាតាព្រះនាម Queen Letizia បិតាព្រះនាម Felipe ទី៦ និងប្អូនស្រីឈ្មោះ Infanta Sofia បច្ចុប្បន្នព្រះនាងកំពុងសិក្សានៅសាលា UWC អាត្លង់ទិក ទោះបីទ្រង់នៅក្មេងពិតមែន ប៉ុន្តែការងារប្រទេសជាតិកំពុងដាក់សម្ពាធឲ្យទ្រង់ជាបណ្ដើរៗហើយ។

៣. ព្រះនាងម្ចាស់ Amalia នៃប្រទេសហូឡង់

ព្រះនាង Amalia ក៏រៀននៅសាលាដូចព្រះនាងម្ចាស់ Leonor ដែរ ទ្រង់មានបិតាជាស្ដេច Willem-Alexander។ ព្រះនាង Amalia សង្ឃឹមថាទ្រង់នឹងចំណាយពេលយូរណាស់ ទម្រាំតែអាចមានសមត្ថភាពស្នងដំណែងពីម្ចាស់ក្សត្រី Maxima ជាមាតាបាន ទ្រង់ថែមទាំងបដិសេធប្រាក់ខែចំនួន ១.៨លានដុល្លារ ដែលត្រូវផ្ដល់ឲ្ យបន្ទាប់ពីខួប១៨ឆ្នាំនេះទៀតផង។

៤.ព្រះនាងម្ចាស់ Elisabeth នៃប្រទេសបែលហ្សិក

ព្រះនាងម្ចាស់រូបនេះជាបុត្រីនៃស្ដេច Philippe និងម្ចាស់ក្សត្រី Mathilde ទ្រង់ក៏ជាសិស្សមួយរូបដែលរៀននៅសាលា UWC ជាមួយព្រះនាង Leonor និងព្រះនាង Amalia ដូចគ្នា។ អ្វីដែលគួរឲ្យភ្ញាក់ផ្អើលនោះគឺ ព្រះនាងមានវាសនាដូចព្រះនាង Victoria ដែរ ព្រោះថាបើមិនមកពីការផ្លាស់ប្ដូរច្បាប់ឲ្យមនុស្សស្រីគ្រងរាជ្យទេ ប្អូនប្រុសរបស់ទ្រង់គឺព្រះរាជបុត្រ Gabriel នឹងក្លាយជាអ្នកស្នងរាជ្យជាមិនខាន។

៥. ព្រះនាង Ingrid Alexandra នៃប្រទេសន័រវែស

បិតារបស់ព្រះនាង Ingrid ជាបុត្រាតែមួយនៃស្ដេច Harald ទី៥ និងម្ចាស់ក្សត្រី Sonja គឺព្រះរាជបុត្រ Haakon ដែលនឹងត្រៀមសោយរាជ្យ ទ្រង់មានបងស្រីព្រះនាង Martha Lousis ដល់ឆ្នាំ១៩៩១ ជាឆ្នាំដែលគេអនុញ្ញាតឲ្យមនុស្សស្រីសោយរាជ្យ Haakon នៅតែអាចរក្សាដំណែងជាអ្នកស្នងរាជ្យដដែល ដូច្នេះហើយ ទើបព្រះនាង Ingrid អាចត្រៀមស្នងរាជ្យបន្ទាប់ពីបិតាបាន។ ជាមួយគ្នានេះដែរ ព្រះនាងកំពុងរៀនបើកយន្តហោះ ហើយថែមទាំងធ្លាប់ធ្វើការជាអ្នកលាងចាននៅភោជនីយដ្ឋានអ៊ីតាលីមួយនៅឆ្នាំ២០២១ទៀតផង៕

ប្រែសម្រួល៖ វារី

ចុចអាន៖មកស្គាល់ព្រះនាងតូច LEONOR អនាគតស្ដេចស្រីនៃប្រទេស អេស្ប៉ាញ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៧ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម