KPT+

មកស្គាល់ព្រះនាងតូច LEONOR អនាគតស្ដេចស្រីនៃប្រទេស អេស្ប៉ាញ

បានផុស

១ សប្តាហ៍ មុន

នៅ

ថ្ងៃព្រហស្បតិ៍ ៧ កក្កដា ២០២២

ដោយ

Leonor គឺជាព្រះនាងនៃប្រទេសអេស្ប៉ាញ ជាអ្នកស្នងរាជ្យនាថ្ងៃអនាគត បន្ទាប់ពីព្រះអង្គ Felipe ទី៦ ទ្រង់មានមាតាជាម្ចាស់ក្សត្រី Letizia និងព្រះបិតាជាព្រះអង្គ Felipe ទី៦។ ចំណែកបងប្អូនវិញ ព្រះនាងមានប្អូនស្រីតែម្នាក់គត់ព្រះនាម Infanta Sofía of Spain ពួកគេទាំងពីរនាក់ មានអាយុខុសគ្នាតែមួយឆ្នាំតែប៉ុណ្ណោះ គឺ ១៥និង១៦ឆ្នាំ។ ព្រះនាង Leonor ទ្រង់ប្រសូត្រនៅថ្ងៃទី៣១ ខែតុលា ឆ្នាំ២០០៥ មានតារានិករជា Scopio។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះនាងដ៏គួរឲ្យស្រលាញ់រូបនេះ មិនត្រូវបានអនុញ្ញាតឲ្យប្រើប្រាស់ទូរស័ព្ទដៃនោះទេ ប៉ុន្តែទ្រង់មានគណនី Instagram មួយឈ្មោះ princess.leonor។ ព្រះនាង Leonor ចេះនិយាយបាន២ភាសា គឺភាសាអង់គ្លេស និងអេស្ប៉ាញមកពីម៉ែដោះ និងម្ចាស់ក្សត្រី Sofia Of Spain (លោកយាយ) ជាអ្នកបង្រៀនផ្ទាល់តែម្ដង។ ចំណែកឯការងារប្រទេសជាតិវិញ ព្រះនាងចាប់ផ្ដើមចូលរួមធ្វើកិច្ចការជាមួយព្រះបិតាបណ្ដើរៗ ខណៈព្រះនាងនឹងក្លាយជាស្ដេចស្រីដំបូងបង្អស់ នៅប្រទេសអេស្ប៉ាញ គិតចាប់តាំងពីឆ្នាំ ១៨០០មក ។

បច្ចុប្បន្នព្រះនាង Leonor កំពុងសិក្សានៅសាលារៀន UWC អាត្លង់ទិច អ្វីដែលគួរឲ្យភ្ញាក់ផ្អើលនោះគឺព្រះនាង Alexia នៃប្រទេសហូឡង់ ក៏កំពុងសិក្សានៅទីនោះដែរ។ យ៉ាងណាក្ដីព្រះនាង Leonor អាចត្រឹមតែទទួលការសិក្សាដើម្បីអនាគតដែលគេរៀបចំឲ្យប៉ុណ្ណោះ ទ្រង់មិនអាចធ្វើអ្វីតាមចិត្តចង់នោះទេ នេះបើតាមម្ចាស់ក្សត្រី Letizia ធ្លាប់បង្ហើបប្រាប់អ្នកសម្ភាសន៍៕

ប្រែសម្រួល៖ វារី