មូលហេតុនេះហើយ ទើបគេនៅតែប្រើឈ្លើងមកព្យាបាលជំងឺ

អំឡុងពេលរដូវក្ដៅនេះ មានជំងឺមហារីកប្រភេទកម្រមួយហៅថា “synovial sarcoma” វាកើតទៅលើអ្នកនាង Ellie Lofgreen នៅមន្ទីរពេទ្យ the University of Utah។ គ្រូពេទ្យបានបញ្ចប់ការវះកាត់យកដុំសាច់ចេញមួយដុំនៅក្បែរជង្គង់របស់នាង ក្នុងការវះកាត់នោះមានការបញ្ចូលដែកទៅក្នុងជើងដោយគ្រប់ដណ្ដប់វាជាមួយសាច់ដុំនិងស្បែកពីភ្លៅរបស់អ្នកជំងឺ មួយសន្ទុះក្រោយមកបរិវេណសាច់ដុំក៏ចាប់ផ្ដើមប្រែពណ៌ទៅជាស្វាយ ដោយសារតែវាមានបញ្ហាគ្រូពេទ្យក៏សម្រេចចិត្តប្រើ “ឈ្លើង” មកព្យាបាល។ 

ផ្ទុយពីសភាពគួរឲ្យខ្ពើម ឈ្លើងមានអត្ថប្រយោជន៍ចំពោះការព្យាបាលសម័យទំនើបជាខ្លាំងដូចជាការវះកាត់កែសម្ភស្សន៍និងការវះកាត់ជួសជុលរាងកាយឡើងវិញតាំងពីឆ្នាំ២០០៤មកម្ល៉េះ ស្របនឹងនោះរដ្ឋបាល​ចំណីអាហារ​និង​ឪ​ស​ថសហរដ្ឋអាមេរិកបានទទួលស្គាល់ថាឈ្លើងជាឧបករណ៍កាត់បន្ថយការកកស្ទះនៃសរសៃឈាម និងស្តារលំហូរឈាមក្នុងដំណើរការរលាកពិតប្រាកដមែន។ ឈ្លើងមានដល់ទៅ ៦០០ប្រភេទបូករួមទាំងឈ្លើងដែលមិនបឺតឈាម ក្នុងចំណោមឈ្លើងទាំង៦០០ប្រភេទនោះភាគច្រើនគេប្រើឈ្លើងប្រភេទ the European Hirudo medicinalis និងMediterranean Hirudo verbena មកព្យាបាល ពួកវាមានចង្កូមបី ចង្កូមនីមួយៗមានធ្មេញប្រហែល១០០ សរុបទាំងអស់មានធ្មេញ៣០០សម្រាប់ខាំជញ្ជក់ឈាមពីសាច់អ្នកជំងឺ។ ឈ្លើងពេទ្យទាំងអស់ប្រើពេលចិញ្ចឹម១ឆ្នាំទៅ២ឆ្នាំទើបអាចយកមកប្រើការបាន ដូច្នេះគេបង្អត់អាហារវាដល់ទៅរាប់ឆ្នាំឯណោះមុនយកមកប្រើប្រាស់ជៀសវាងវាមិនបឺតឈាមពេលចាំបាច់។

ក្រៅពីការប្រើប្រាស់ឈ្លើងដើម្បីជញ្ជក់ឈាម គេត្រូវការប្រើប្រាស់សមាសធាតុដូចជា hirudin និង calin ដែលមាននៅក្នុងទឹកមាត់ឈ្លើងជួយឈាមមិនអោយកក និងមានផ្ទុកនូវសារធាតុស្រដៀងនឹងអ៊ីស្តាមីនធ្វើអោយសរសៃឈាមរីកធំ និងធ្វើអោយលំហូរឈាមប្រសើរឡើងផងដែរ៕

ប្រែសម្រួលដោយ៖ វារី

ចុចអាន៖ ត្រសក់សមុទ្រ ឬ ឈ្លើង មានតម្លៃថ្លៃកប់ពពក ជាងអាហារដទៃ ដោយសារមូលហេតុនេះហើយ

ចុចអាន៖ តែប៉ុណ្ណេះ អ្នកចង់ដើរព្រៃតែខ្លាចសត្វទាក លែងមានបញ្ហាធំទៀតហើយ