មូលហេតុ ៧ យ៉ាង នៃ “ការគេងមិនលក់” និងវិធីព្យាបាលយ៉ាងមានប្រសិទ្ធភាព

មនុស្សអាចមានបញ្ហា ក្នុងការគេង ហើយត្រូវចំណាយពេលយូរដើម្បីឲ្យគេងលក់ ហើយខ្លះអាចភ្ញាក់ញឹកញាប់ នៅពាក់កណ្ដាលយប់ជាដើម។

ទោះ​យ៉ាងណា ការ​គេង​មិន​លក់ ​មិន​មែន​ជា​ជំងឺ​នោះ​ទេ វាគ្រាន់តែ​ជា​បញ្ហា​គេង​មិន​លក់​ ហើយ​យើង​ក៏​អាច​មាន​ដំណោះស្រាយ​ចំពោះ​បញ្ហា​នេះ​ បាន​ដូចគ្នា។

មូលហេតុ​នៃ​ការ​គេង​មិន​លក់​ អាចបណ្តាលមកពីកត្តាជាច្រើនដូចជា៖

១ បណ្ដាលមកពីភាពតានតឹងពីការងារ ឬបញ្ហាគ្រួសារ។

២ ជំងឺរាងកាយដូចជា ឈឺក្បាល ឈឺខ្នង ឈឺសន្លាក់ ជំងឺផ្លូវចិត្ត ដូចជាជំងឺធ្លាក់ទឹកចិត្ត។

៣ ការប្រើថ្នាំមួយចំនួនដូចជា ថ្នាំ​បញ្ចុះ​សំពាធឈាម ថ្នាំ​ស្តេរ៉ូអ៊ីត ថ្នាំ​ផ្ដាសាយ តឹងច្រមុះ ជាដើម។

៤ ប្រើសារធាតុរំញោចដូចជា ជាតិ​កាហ្វេ​អ៊ីន ជាតិ​នីកូទីន អាល់កុល។

៥ លក្ខខណ្ឌ​បរិស្ថាន​មិន​សមស្រប ដូចជា​សំឡេង​ខ្លាំង ពន្លឺ​រំខាន សីតុណ្ហភាព​ក្ដៅ​ពេក ឬ​ត្រជាក់​ពេក។

៦ ការផ្លាស់ប្តូរកាលវិភាគគេងដូចជា ពី​ការ​ធ្វើ​ដំណើរ ផ្លាស់ប្ដូរ​ការងារ​ ថ្ងៃ-​យប់។

៧ កង្វះអ័រម៉ូនដូចជា Melatonin អ័រម៉ូន​លូតលាស់ អ័រម៉ូន​ភេទ កង្វះ​សារធាតុ​ចិញ្ចឹម វីតាមីន និង​សារធាតុ​រ៉ែ ដូចជា​ស័ង្កសី វីតាមីន B5 និង tryptophan ជាដើម។

កាលបើបានដឹងពីមូលហេតុច្បាស់លាស់ហើយ អ្នកអាចដោះស្រាយ​វា​បានដូចខាងក្រោម ៖

-ផ្លាស់ប្ដូរ​អាកប្បកិរិយា​ផ្ទាល់ខ្លួន​របស់​អ្នក។

-ចូលគេងហើយភ្ញាក់ទាន់ពេល កុំគេងពេលថ្ងៃ ជៀសវាងតែ កាហ្វេ ជាតិនីកូទីន អាល់កុល ហាត់ប្រាណ​ជាប្រចាំ។

-ចៀសវាង​ការ​ធ្វើ​លំហាត់​ប្រាណ ៣-៤ ម៉ោង​មុន​ពេល​ចូលគេង កុំ​ញ៉ាំ​អាហារមានជាតិហឹរឬមុតៗពេក ​មុន​ពេល​ចូលគេង។ អាច​សម្រាក​មុន​ពេល​ចូល​គេង ​ដោយ​ការអាន​សៀវភៅ ឬ​ស្ដាប់​តន្ត្រីជាដើម៕

ប្រែសម្រួល៖ សាង ស្រីល័ក្ខ

ចុចអាន៖គិតច្រើនពិបាកគេង ​សាកល្បងសម្រួលខួរក្បាល តាមវិធីងាយៗប៉ុន្មាននេះ

ចុចអាន៖របៀបផ្ដោតអារម្មណ៍ឲ្យបានល្អ ដោយប្រើបច្ចេកទេសទាំង ៤