KPT+
អ្នកជំនាញបកស្រាយបន្ថែម ពីការយល់សុបិនរបស់សត្វ ៤ ប្រភេទ
ការសិក្សាពីអារម្មណ៍ សុបិន ការចងចាំ និងការស្រមើស្រមៃរបស់សត្វពិតជាពិបាកលើសការរំពឹងទុក ព្រោះពួកគេមិនអាចនិយាយប្រាប់មនុស្សដោយផ្ទាល់បាន មានតែវិធីសិក្សាសង្កេតប៉ុណ្ណោះ ទើបទទួលចម្លើយពីសត្វ។ ខាងក្រោមនេះជាការបកស្រាយបន្ថែមពីការយល់សុបិនរបស់សត្វ ៤ ប្រភេទ៖
ឆ្មា
ឆ្មាក្នុងស្រុកគឺជាសត្វដំបូងដែលគេស្រាវជ្រាវពីសុបិន លោក Michel Jouvet អ្នកត្រួសត្រាយផ្លូវទីមួយនៃការសិក្សាអំពីការគេងរកឃើញភ័ស្តុតាងនៃការយល់សប្តិរបស់សត្វឆ្មាក្នុងឆ្នាំ ១៩៦០។ នៅពេលគាត់សង្កេតមើលអាកប្បកិរិយារបស់ឆ្មាគេង Jouvet បានឲ្យដឹងថា នៅក្នុងសត្វឆ្មាមានរចនាសម្ព័ន្ធដើមខួរក្បាលហៅថា pons គ្រប់គ្រងការគេងកម្រើកភ្នែកនិងបង្កឲ្យសរសៃឈាមឆ្មាដើរមិនស្រួល (ខ្មោចសង្កត់)។ បន្ទាប់ពីគាត់យកផ្នែក pons ចេញរួច សត្វឆ្មានោះចាប់ផ្ដើមហក់ លោត ប្រមាញ់ដូចវាកំពុងភ្ញាក់យ៉ាងចម្លែក ដូច្នេះហើយ Jouvet ហៅដំណើរការនេះថា “period paradoxical sleep”។
កណ្ដុរ
ចំណែកឯកណ្ដុរវិញ វាអាចចងចាំសួនវង្វេងដែលវាដើរថ្ងៃមិញរហូតដល់ថ្នាក់យល់សុបិនទៀតផង។ ផ្នែកនៃខួរក្បាលកណ្ដុរដែលទទួលខុសត្រូវក្នុងការបង្កើតនិងរក្សាទុកការចងចាំ ចងចាំលំនាំណឺរ៉ូននៃការរុករកសួនវង្វេងពេលវាដឹងខ្លួន ក្រោយមកខួរក្បាលនឹងបង្កើតលំនាំដូចគ្នានេះឡើងវិញ ដោយបង្ហាញថាសត្វកណ្តុរចងចាំផ្លូវសួនវង្វេងពេលវាដេក។ ការសិក្សាខួរក្បាលរបស់សត្វកណ្តុរទាំងនោះបង្ហាញថា នៅពេលដែលវាធ្វើចលនាពេលគេង ខួរក្បាលនឹងបញ្ចាំងរូបភាពសួនសង្វេងដូចគ្នា មានន័យថាសត្វកណ្ដុរពិតជាចេះយល់សុបិនមែន។
ចាប Zebra Finch
ចាបនេះចេះច្រៀងជារឿងធម្មតា ប៉ុន្តែវាមិនមែនកើតមកចេះច្រៀងតែម្ដងទេ មុននឹងចេះច្រៀងវាត្រូវឆ្លងកាត់ការរៀនស្ដាប់ រៀនច្រៀង និងការយល់សប្ដិសិន។ នៅឆ្នាំ ២០០០ អ្នកស្រាវជ្រាវបង្ហាញថា ខណៈពេលដែលសត្វចាបកំពុងដេក ខួរក្បាលរបស់ពួកវាបង្កើតលំនាំចម្រៀងដែលបានឮ និងច្រៀងនៅថ្ងៃនោះឡើងវិញ។ បន្ទាប់ពីការស្រាវជ្រាវបន្ថែមអស់ ២ ទសវត្សរ៍ គេរកឃើញថា ចាប Finch មានរចនាសម្ព័ន្ធដំណេកស្រដៀងនឹងមនុស្ស រួមទាំងការគេងកម្រើកភ្នែកផងដែរ។
ត្រី Zebra
អំឡុងពេលដេក សាច់ដុំត្រីនេះមិនដំណើរការទេ ហើយបង្កើតចង្វាក់បេះដូងលោតខុសប្រក្រតី និងបង្ហាញសកម្មភាពខួរក្បាលដែលមើលទៅដូចពេលកំពុងដឹងខ្លួន។ ភាពខុសគ្នាគួរឱ្យកត់សម្គាល់ពីមនុស្សនិងសត្វដទៃទៀត គឺត្រង់ចំណុច ត្រីនេះមិនកម្រើកភ្នែកទេ។
អ្នកវិទ្យាសាស្ត្រយល់ឃើញថា “ គ្មានអ្វីគួរឲ្យភ្ញាក់ផ្អើលនោះទេ សត្វជាភាវៈរស់មានខួរក្បាលនិងសកម្មភាពដូចមនុស្សដែរ ដូច្នេះការយល់សុបិនជារឿងធម្មតា យើងគ្រាន់តែធ្វើការបញ្ជាក់និងរកភស្តុតាងប៉ុណ្ណោះ”៕
ប្រែសម្រួលដោយ៖ វារី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)