រុក្ខជាតិស្ត្រេសចេះបញ្ចេញសំឡេង គ្រាន់តែមនុស្សមិនអាចស្ដាប់ឮ

ថ្មីៗនេះក្រុមអ្នកស្រាវជ្រាវរកឃើញថារុក្ខជាតិមានទុក្ខនិងស្ត្រេសចេះយំ ហើយសំឡេងយំទាំងនោះមានលក្ខណៈខុសៗគ្នាដូចជា ពោតផ្ទុះ ច្របាច់ថង់ពពុះប្លាស្ទិក ឬឆ្កឹះក្រចកជាដើមយោងទៅតាមប្រភពនៃការឈឺចាប់ ។

ចំណែកអ្នកដែលអាចស្ដាប់ឮសំឡេងយំមានសត្វកណ្ដុរ មេអំបៅ ឬសត្វល្អិតជាច្រើនទៀតបើពួកវាស្ថិតនៅចម្ងាយ ២.៧ ទៅ ៤.៨ ម៉ែត្រពីរុក្ខជាតិ ។ Lilach Hadany អ្នកដឹកនាំការពិសោធន៍បាននិយាយថា ផ្កាដ៏ស្រស់ស្អាតជាច្រើនផ្ដុំគ្នាអាចបង្កឲ្យមានសំឡេងតម្លង់ ប៉ុន្តែបញ្ហាតែមួយគត់គឺមនុស្សមិនអាចស្ដាប់ពួកវាឮទេ ។

បច្ចុប្បន្នសហគមន៍រុក្ខជាតិកំពុងចាប់អារម្មណ៍យ៉ាងខ្លាំងចំពោះសារដែលរុក្ខជាតិផ្ញើឲ្យគ្នាទៅវិញទៅមក និងប្រព័ន្ធអេកូឡូស៊ីជុំវិញពួកគេ ហើយគេជឿជាក់ថាលទ្ធផលស្រាវជ្រាវអាចមានឥទ្ធិពលខ្លាំងទៅលើវិស័យកសិកម្មផងដែរ ។

ដូច្នេះការប្រើប្រាស់ឧបករណ៍ចាប់សញ្ញាអាចជាជំនួយឲ្យមនុស្សដឹងពីតម្រូវការរុក្ខជាតិបានត្រឹមត្រូវ និងទាញយកប្រយោជន៍ពីព័ត៌មានទាំងអស់នោះ ៕

ប្រែសម្រួល ៖ វារី

ចុចអាន ៖ ជប៉ុន រកឃើញរុក្ខជាតិចម្លែកម្ដងទៀត ក្រោយដាច់ពូជរយៈពេល ៣០ ឆ្នាំ