បើពិតចង់ឲ្យកូនល្អមែន ឪពុកម្តាយគ្រប់រូបមិនគួរប្រដៅកូនតាមវិធី ៤ យ៉ាងនេះទេ
Connect with us
Helistar Cambodia - Helicopter Charter Services

KPT+

បើពិតចង់ឲ្យកូនល្អមែន ឪពុកម្តាយគ្រប់រូបមិនគួរប្រដៅកូនតាមវិធី ៤ យ៉ាងនេះទេ

Published

on

ឪពុកម្ដាយគ្រប់រូបរមែងចង់ឲ្យកូនៗរស់នៅជាក្មេងល្អ ព្រមទាំងមានជីវិតដ៏ប្រសើរមួយនាពេលអនាគត។ ដូច្នេះឪពុកម្ដាយរាល់គ្នាតែងអប់រំបង្រៀនពួកគេតាមវិធីផ្សេងៗដើម្បីធានាថាកូនៗក្លាយជាក្មេងល្អ។ ប៉ុន្តែវិធីខ្លះឪពុកម្ដាយមិនគួរយកមកប្រើដើម្បីស្ដីប្រដៅកូនៗទេ ព្រោះអាចនាំឲ្យពួកគេមានបញ្ហាផ្លូវចិត្តទៅវិញ។

១. ស្តីបន្ទោសកូននៅមុខអ្នកដទៃ

ការប្រៀនប្រដៅកូនចៅគឺជារឿងមួយដ៏ត្រឹមត្រូវដើម្បីតម្រង់ទិសទៅកាន់អនាគតត្រចះត្រចង់។ ផ្ទុយមកវិញ បើស្ដីប្រដៅកូននៅនឹងមុខអ្នកដទៃ នោះអាចនឹងបង្កឲ្យពួកគេអៀនខ្មាស់និងគុំគួន។ ទង្វើត្រឹមត្រូវឪពុកម្ដាយគួរស្តីប្រដៅនៅពេលដែលភ្ញៀវមិននៅ ឬគ្មានអ្នកដទៃ។

២. ដាក់វិន័យដោយគ្មានហេតុផល

ការដាក់កំហិត ឬវិន័យអ្វីមួយទៅកាន់កូនចៅ ចាំបាច់ត្រូវតែមានហេតុផលដែលបញ្ជាក់ថា កិច្ចការដែលកំពុងធ្វើគឺអាចជួយដល់ពួកគេបាន។ ការពន្យល់ប្រាប់អំពីផលវិជ្ជមាន និងអវិជ្ជមានទៅកាន់ក្មេងនូវរឿងដែលឪពុកម្ដាយហាមឃាត់គឺពិតជាភារកិច្ចដែលមិនគួមើលរំលង។

៣. ប្រៀបធៀបកូនជាមួយអ្នកដទៃ

ឪពុកម្តាយមួយចំនួនចង់ឲ្យកូនយកបុគ្គលណាម្នាក់ធ្វើជាគំរូ ដោយប្រើពាក្យសម្ដីប្រៀបធៀប វាយតម្លៃទាបចំពោះកូនរបស់ខ្លួន។ ទង្វើបែបនេះមិនមែនជាការបង្រៀនកូនឲ្យល្អដូចប៉ាម៉ាក់រំពឹងនោះទេ ប៉ុន្តែអាចបង្កឲ្យមានជំងឺបាក់ទឹកចិត្តចំពោះកូនទៅវិញ។ អ្វីដែលឪពុកម្តាយគួរធ្វើគឺលើទឹកចិត្តកូន និងផ្តល់ដំបូន្មានល្អៗទៅតាមលទ្ឋភាព។

៤. ប្រើពាក្យអសុរោះទៅកាន់កូនៗ

ការប្រើប្រាស់សម្ដីត្រឹមត្រូវនឹងនាំទៅកាន់ជីវិតដែលវិជ្ជមាន ប៉ុន្តែបើប្រើខុសនឹងនាំទៅកាន់រឿងមិនល្អ។ ដូច្នេះ ការប្រើពាក្យដែលពុំគប្បីទៅកាន់ក្មេង គឺកំពុងបង្ហាញនូវបុគ្គលិកលក្ខណៈដែលពោពេញទៅដោយភាពអវិជ្ជា និងជាគំរូអវិជ្ជមានទៅកាន់កូនៗរបស់ខ្លួន។

ពាក្យសម្ដីមនុស្សចាស់ពិតជាមានឥទ្ឋិពលខ្លាំងណាស់ចំពោះក្មេងៗ។ ដូចេ្នះជាឪពុកម្ដាយគួរប្រើពាក្យពិរោះពិសារ និងទន់ភ្លន់ធ្វើជាគំរូ មិនមែនអាងអីក៏សម្លុតជេរប្រមាថនោះទេ៕

ប្រែសម្រួល៖ សន្យា

ប្រភព៖ Brightside

ចុចអាន៖ សម័យនេះហើយ ឈប់ប្រើអំពើហិង្សលើកូនទៅ ចេះតិចនិក៤នេះ ប្រដៅកូនស្រួល

ចុចអាន៖ រឿង ៧ យ៉ាង​ដែល​អ្នក​ជា​ឪពុក​គួរ​តែ​បង្រៀន​ទៅ​កាន់​កូនប្រុស

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services