ព័ត៌មានជាតិ

អេកូឡូដ សេវាកម្មស្នាក់នៅបញ្ចូលមូលដ្ឋាននៃស្ថាបត្យកម្ម វប្បធម៌ និងលក្ខណៈធម្មជាតិ

បានផុស

៣ years មុន

នៅ

ថ្ងៃព្រហស្បតិ៍ ២៨ កញ្ញា ២០២៣

ដោយ

អេកូឡូដបានក្លាយជាសេវាកម្មស្នាក់នៅពេញនិយមពីសំណាក់ភ្ញៀវទេសចរ។ ជាការពិតណាស់វិស័យទេសចរណ៍ត្រូវបានរាជរដ្ឋាភិបាលកម្ពុជា ចាត់ទុកថាជាមាសបៃតង និងជាការនាំចេញនៅហ្នឹងកន្លែង។

នាពេលបច្ចុប្បន្ននេះ ភ្ញៀវទេសចរបានងាកមកធ្វើការកម្សាន្តបែបអេកូទេសចរណ៍ជាជាងការទស្សនាក្នុងទីក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើអេកូឡូដជាអ្វី?

មន្ទីរទេសចរណ៍ខេត្តបាត់ដំបងបានបង្ហាញឲ្យដឹងថា អេកូឡូដគឺជាប្រភេទផ្ទះសំណាក់ ឬក៍សណ្ឋាគារតូចដែលរួមបញ្ចូលនូវមូលដ្ឋាននៃស្ថាបត្យកម្ម វប្បធម៌ និង លក្ខណៈធម្មជាតិ ចូលរួមអភិរក្សបរិស្ថានផ្តល់ជាអត្ថប្រយោជន៍សេដ្ឋកិច្ចសហគមន៍មូលដ្ឋាន។

ជាក់ស្តែង គោលគំនិតក្នុងការរៀបចំអេកូឡូដ ក៏ត្រូវផ្អែកលើទិដ្ឋភាពបរិស្ថានរូបសាស្ត្រមួយចំនួនដូចជា៖

១.សណ្ឋានដី

ប្រព័ន្ធធារាសាស្រ្ត
រុក្ខជាតិ
ពពួកសត្វ
ការការពារភ្លើងឆេះព្រៃ
ស្ថានភាពភូមិសាស្រ្ត

២.ថាមពល

ការរចនាតាមគោលការណ៍ធម្មជាតិ
ឧបករណ៍និងបរិក្ខារអគ្គិសនី
ថាមពលកកើតឡើងវិញ

៣. រចនាតាមគោលការណ៍ធម្មជាតិ

ទិសនៃអគារ
សភាពពន្លឺព្រះអាទិត្យចូលដល់ទីតាំង
មុខខ្យល់ (ទិសដៅ ល្បឿន ចរន្ត និងរយៈពេល)
ទិន្នន័យសំខាន់ៗក្នុងមូលដ្ឋានស្តីពីអាកាសធាតុ
ឥទ្ធិពលនៃរុក្ខជាតិ

៤. ឧបករណ៍ និងបរិក្ខារអគ្គិសនី

ប្រើប្រាស់ចំនួនអំពូលបំភ្លឺតិចបំផុតដោយប្រើប្រាស់ពន្លឺធម្មជាតិ
ប្រើប្រាស់ឧបករណ៍ និងសម្ភារៈលម្អដែលមានពណ៌ភ្លឺស្រាល
ប្រើប្រាស់ភ្លើងបំភ្លឺខាងក្រៅដើរដោយថាមពលពន្លឺព្រះអាទិត្យ

៥. ថាមពលកកើតឡើងវិញ

ប្រភពមកពីធម្មជាតិដូចជា ព្រះអាទិត្យ ខ្យល់ និងលំហូរទឹក
ប្រភពថាមពលធម្មជាតិដែលសមស្របនឹងធាតុអាកាសតំបន់

៦. សម្ភារៈសាងសង់

រៀបចំសំណង់អគារដើម្បីកាត់បន្ថយការប្រើប្រាស់បរិមាណសម្ភារៈ
រៀបចំសំណង់អគារដោយប្រើទម្រង់ធរណីមាត្រសាមញ្ញ
ប្រើប្រាស់សម្ភារៈមានក្នុងមូលដ្ឋាន និងប្រើប្រាស់សម្ភារៈបែបធម្មជាតិ (ថ្ម ឈើ និង ដីឥដ្ឋ)

៧. ការប្រើប្រាស់ទឹក

រៀបចំដាំដើមឈើធ្វើសួន និងជ្រើសរើសប្រភេទរុក្ខជាតិដើម
ត្រូវគិតគូរពីការប្រើប្រាស់បង្គន់មិនប្រើទឹក
លទ្ធភាពនៃការធ្វើប្រព្រឹត្តកម្ម និងប្រើប្រាស់សំណល់រាវឡើងវិញ

៨. សំណល់

សំណល់សរីរាង្គ
សំណល់មិនមែនសរីរាង្គ

វិស័យទេសចរណ៍គឺជាវិស័យមួយដែលបានចូលរួមអភិវឌ្ឍសេដ្ឋកិច្ច និងសង្គមតាមរយៈការបង្កើតប្រាក់ចំណូលជូនជាតិ បង្កើតការងារ ជំរុញការវិនិយោគ និងចូលរួមកាត់បន្ថយភាពក្រីក្ររបស់ប្រជាពលរដ្ឋ។ លើសពីនេះទៀត ទេសចរណ៍ក៏បានចូលរួមចំណែកលើកកម្ពស់ថែរក្សា និងអភិរក្សសម្បត្តិវប្បធម៌ និងធម្មជាតិរបស់ប្រទេស ចូលរួមកាត់បន្ថយការកើនឡើងនៃកម្ដៅភពផែនដី និងជាកាតាលីករមួយដ៏សំខាន់ក្នុងការជំរុញសាកលភាវូបនីយកម្ម និងសមាហរណកម្មតំបន់ផងដែរ៕

អត្ថបទ៖ ឌិន ថារី

Related Topics:មន្ទីរទេសចរណ៍ខេត្តបាត់ដំបង អេកូឡូដ

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា