ក្រោយបែកផ្លូវគ្នាដើរ វាពិតឈឺចាប់ណាស់! តែក៏ត្រូវរៀនបំភ្លេចគេ
Connect with us
Helistar Cambodia - Helicopter Charter Services

KPT+

ក្រោយបែកផ្លូវគ្នាដើរ វាពិតឈឺចាប់ណាស់! តែក៏ត្រូវរៀនបំភ្លេចគេ

បានផុស

នៅ

វិទ្យាសាស្រ្តបង្ហាញថា ការបែកបាក់ស្នេហាខ្លះពិតជាឈឺចាប់ណាស់ ដែលអាចប្រៀបធៀបទៅនឹងការបាត់បង់សមាជិកគ្រួសារដូច្នោះដែរ។ មានមនុស្សមួយចំនួននិយាយថា “ ទុកឲ្យពេលវេលាជាអ្នកព្យាបាលការឈឺចាប់ទៅចុះ” ។ ប៉ុន្តែហាក់មិនងាយនោះទេ បើបណ្ដោយទៅតាមពេលវេលា។ ប្រសិនបើពិតជាចង់ជាសះស្បើយពីការឈឺចាប់ពិតមែន សូមបង្កើតយុទ្ធសាស្រ្តនិងដាក់ផែនការឲ្យត្រឹមត្រូវ ដើម្បីចៀសវាងការរងទុក្ខរយៈពេលយូរ។ ខាងក្រោមនេះជាសកម្មភាពទាំង ៨ ជំហាន អាចជួយឲ្យឆាប់ភ្លេចអតីតកាលដ៏ឈឺចាប់បានលឿន៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. ទុកពេលឲ្យឈឺបន្តិចសិន ហើយទទួលយកការពិត

ពេលចែកផ្លូវគ្នាម្នាក់ម្ខាង ខួរក្បាលរបស់យើងភ្ជាប់ភាពបែកបាក់ជាមួយនឹងការឈឺចាប់។ តាមពិតភាពទុក្ខវេទនានៃផ្លូវចិត្តអាចជាការរំជួលចិត្តខ្លាំងណាស់ ជាពិសេសករណីគូស្វាមីភរិយា ទើបបែកគ្នាថ្មីៗ។ ជាការល្អក្នុងការឆ្លងកាត់ពេលវេលានៃទុក្ខសោកសៅទាំងឡាយនេះ អ្នកគ្រាន់តែទទួលយកការពិត ថាអ្វីៗបានដល់ទីបញ្ចប់ហើយ។

២. កុំរំឭកអតីតល្អៗ

ទំនាក់ទំនងទាំងអស់មិនមែនសុទ្ធតែល្អឥតខ្ចោះទេ។ បន្ទាប់ពីការបែកបាក់ អ្នកតែងមានទំនោរភ្លេចថាខ្លួនឯងរឹងមាំ ដោយបណ្ដោយឲ្យភាពផ្អែមល្ហែមនៃទំនាក់ទំនងពីអតីតមកគ្រប់គ្រងបច្ចុប្បន្ន។

ជំនួសឱ្យលើកការរំឮកអតីតកាលល្អៗ សូមព្យាយាមសរសេរអ្វីដែលធ្វើឱ្យទំនាក់ទំនងបរាជ័យ។ ពិចារណាពីអាកប្បកិរិយា និងគុណវិបត្តិរវាងអ្នកទាំងពីរ។ វាអាចប្រហែលមិនមែនជាពេលវេលាត្រឹមត្រូវទេសម្រាប់ពួកយើង ឬយើងពីរនាក់មានគោលដៅផ្សេងគ្នាជា។ល។ សរសេរបញ្ជីនោះដាក់ត្រង់ណាដែលអាចមើលឃើញច្រើនបំផុត។ ដូច្នេះរាល់ពេលដែលអ្នក “មានអារម្មណ៍ថាត្រូវការគេ” អ្នកគួរអាននូវអ្វីដែលអ្នកបានសរសេរ ដើម្បីឲ្យអ្នកចាំពីមូលហេតុដែលវាមិនសមនឹងការព្យាយាមម្ដងទៀត។

៣. ប្ដូរការគិតបន្តិច

ព្យាយាមផ្លាស់ប្តូរផ្នត់គំនិតរបស់អ្នកដែលគិតថា គ្មានគេ អ្នកគ្មានអ្នកណាទៀត។ ផ្តាច់ខ្លួនចេញពីពួកគេឲ្យបាន ដោយជំនួសវិញជាមួយមនុស្សដែលនៅជិតអ្នក ជាពិសេសមនុស្សដែលស្រឡាញ់អ្នកដោយគ្មានលក្ខខណ្ឌដូចជា ឪពុកម្តាយ បងប្អូន ឬមិត្តភក្ដិ។ ពួកគេអាចជួយអ្នកឱ្យចងចាំថា “អ្នកជានរណា”។ ចំណាយពេលឲ្យបានច្រើនជាមួយពួកគេ និងបណ្តុះខួរក្បាលរបស់អ្នកឱ្យយល់ច្បាស់ថា ភាពស្និទ្ធស្នាលមិនចាំបាច់មកពីតែពីគេទេ។

៤. បដិសេធសំណើរគេ

គេអាចនិយាយថា “ យើងនៅតែអាចធ្វើជាមិត្តបាន” ក្រោយពោលពាក្យលា។ ទោះបីអ្នកផ្តាច់ទំនាក់ទំនងដោយលក្ខខណ្ឌល្អឬមិនល្អក៏ដោយ អ្នកមិនអាចក្លាយជាមិត្តភ្លាមៗបានទេ។ ការបង្កើតមិត្តភាពស្និទ្ធស្នាលនៅពេលដែលបេះដូងនៅឈឺ នឹងនាំឱ្យមានការឈឺចាប់ទ្វេរដង ការថប់បារម្ភ និងបទពិសោធន៍បែកបាក់កាន់តែអាក្រក់។ ព្រោះតែមិត្តភាពហ្នឹងហើយ ដែលបណ្តាលឲ្យយើងទាំងពីរគ្មានមនោសញ្ចេតនាចំពោះគ្នាទៅវិញទៅមកតទៀតបាន។ ដូច្នេះហើយអ្នកមិនគួរធ្វើជាមិត្តនឹងគេទេ។

៥. ព្យាយាមផ្ដាច់ទំនាក់ទំនងទាំងស្រុង

នៅពេលបែកគ្នាហើយ សូមព្យាយាមកុំទាក់ទងទៅគេតាមមធ្យោបាយណាមួយឡើយ។ កុំខលទៅ កុំអ៊ីមែល និងកុំផ្ញើសារទៅគេឲ្យសោះ។ ត្រូវប្រាកដថា គេនឹងគ្មានវត្តមាននៅក្នុងបណ្ដាញសង្គមរបស់អ្នកទេ។

អ្នកត្រូវមានភាពរឹងមាំ ដើម្បីយកជ័យលើការភ្លេចគេ។ បើសិនជាគេចង់បង្កើតទំនាក់ទំនងជាមួយអ្នកឡើងវិញ អ្នកត្រូវពន្យល់ពីមូលហេតុដែលវាមិនមានប្រយោជន៍ចំពោះអ្នកទាំងពីរ។ ជំនួសឱ្យការផ្ញើសារទៅគេ ឬឆ្លើយតបការហៅទូរសព្ទរបស់គេ សូមព្យាយាមទូរសព្ទទៅមិត្តភក្តិអ្នកជំនួសវិញ។

៦. នៅឲ្យឆ្ងាយពីមិត្តភក្តិ និងក្រុមគ្រួសាររបស់គេ

ឆ្លងកាត់ទំនាក់ទំនងកន្លងមក អ្នកអាចចំណាយពេលច្រើនជាមួយមិត្តភក្តិ និងក្រុមគ្រួសាររបស់ដៃគូ ដែលទីបំផុតពួកគេក៏ក្លាយជាមនុស្សស្និទ្ធស្នាលជាមួយអ្នក។ ប៉ុន្តែនៅពេលដែលបែកគ្នា វាជាគំនិតល្អក្នុងការចៀសវាងពីការជួបឬទាក់ទងពួកគេ។ នៅពេលអ្នកជួបពួកគេ អ្នកប្រាកដជាមិនត្រឹមតែចង់សួរអំពីគេប៉ុណ្ណោះទេ ប៉ុន្តែពួកគេអាចរំឮកពីអតីតរបស់អ្នកជាមួយគេផងដែរ។ ជួនកាលពួកគេ អាចសុំអ្នកឲ្យត្រូវរ៉ូវគ្នាជាមួយគេវិញក៏ថាបាន។

៧. នៅឲ្យឆ្ងាយពីអ្វីដែលរំឮកពីគេ

ជម្រះអ្វីៗទាំងអស់ដែលធ្វើឲ្យមានការប៉ះទង្គិចផ្លូវចិត្ត ដោយបោះចោល បរិច្ចាគ ឬលាក់អ្វីៗទាំងអស់ដែលរំឮកអ្នកពីគេ។ លុបសារមនោសញ្ចេតនាផ្អែមល្ហែម សូម្បីតែរូបថតនៅលើទូរសព្ទដៃក៏ដោយ។ អ្នកនឹងនឹកអតីត ហើយចាប់ផ្តើមស្រមើស្រមៃអំពីជីវិតដ៏ស្រស់បំព្រងជាមួយគេ ប្រសិនឃើញវត្ថុទាំងនោះ។ ដូច្នេះវិធីនេះ ជួយមិនឲ្យអ្នករឮកគេទៀតឡើយ។

៨. ស្វែងរកអ្វីដែលថ្មីៗ

ប្ដូរពីពេលវេលាដែលអ្នកធ្លាប់ចំណាយជាមួយគូ ដោយធ្វើអ្វីដែលអ្នកពេញចិត្តវិញម្ដង។ អ្នកអាចចុះឈ្មោះរៀនរាំឬតន្ត្រី ចូលរួមក្នុងក្លឹបសៀវភៅ សាកល្បងអ្វីថ្មីរាល់ថ្ងៃ ឬស្គាល់មនុស្សថ្មីបន្ថែមទៀត។ ចូរស្វែងរកនូវទេពកោសល្យដែលជាចំណង់ចំណូលចិត្តរបស់អ្នក ហើយបង្កើតវាជាសកម្មភាពដើម្បីឲ្យខ្លួនឯងរីករាយ ទោះបីជាអ្នកគ្មានវត្តមានគេនៅក្បែរ៕

ប្រែសម្រួល៖ សន្យា

ចុចអាន៖

ចុចអាន៖ បីម៉ាត់យ៉ាងខ្លី ទៅកាន់អ្នកដែលក្បត់​យើង​

ចុចអាន៖ គិតថា ភាពយន្តរឿង Frozen បាន​បង្រៀនពីការយកឈ្នះជំងឺផ្លូវចិត្តដែរទេ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

សមត្ថកិច្ច​ខេត្តសៀមរាប​ឃាត់ខ្លួន​មនុស្ស​៧​នាក់​ ករណី​ល្មើស​បម្រាម​កូ​វីដ១៩​និង​ប្រើប្រាស់​សារធាតុ​ញៀន

នយោបាយ៨ ម៉ោង មុន

ព្រះអង្គម្ចាស់​ក្ស​ត្រី​យ៍ នរោត្តម ម៉ា​រី បដិសេធ​មិន​ពាក់ព័ន្ធ​ជាមួយ​ការយក​ត្រា​របស់​គណបក្ស​ហ៊្វុនស៊ិនប៉ិច

ព័ត៌មានជាតិ៩ ម៉ោង មុន

ក្រុម​ឆក់​យ៉ាងសកម្ម​ជាច្រើនលើក ចំនួន​៧​នាក់ ត្រូវបាន​កម្លាំង​នគរបាល​ខេត្ត​កែប សហការ​បង្ក្រាប​និង​ឃាត់ខ្លួន

កូវីដ-១៩៩ ម៉ោង មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ១០ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services