តិចនិក​ធ្វើការ​ពី​ផ្ទះ​បាន​ធូរ​ចិត្ត​ មិន​ឡូកឡំ​រវាង​ការងារ​ក្រុមហ៊ុន​និង​ម៉ោង​ផ្ទាល់ខ្លួន
Connect with us
Helistar Cambodia - Helicopter Charter Services

KPT+

តិចនិក​ធ្វើការ​ពី​ផ្ទះ​បាន​ធូរ​ចិត្ត​ មិន​ឡូកឡំ​រវាង​ការងារ​ក្រុមហ៊ុន​និង​ម៉ោង​ផ្ទាល់ខ្លួន

បានផុស

នៅ

ធម្មតា​ធ្វើការ​ពី​ផ្ទះ ​ដំបូងៗ​អាច​ពិបាក​ច្រើនយ៉ាង គឺ​ការ​រំខាន​ដោយ​សំឡេង ដោយ​អ្នក​ផ្ទះ និង​បរិយាកាស​មិន​ដូច​ការិយាល័យ ហើយ​ចុងក្រោយ​​ការ​បែងចែក​ម៉ោង​ធ្វើការ​​អាច​​​ពន្យារ​ជ្រុល ឬ​ធ្វើការ​ជ្រុល​ដល់​ប៉ះពាល់​ម៉ោង​សម្រាក​ផ្ទាល់ខ្លួន​ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះ​យ៉ាងណា​ ពិភពលោក​នេះ​មិន​អាច​វិល​មក​រក​ភាព​ដើម​បាន​ងាយៗ​ទេ ជា​ជាង​ប្រឈម​នឹង​ការ​ឆ្លង​វីរុស​ KPT plus មាន​ទម្លាប់​ល្អ​ៗ​មួយ​ចំនួន​ ដែល​ជួយ​អ្នក​កំណត់​ព្រំដែន​សម្រាប់​ខ្លួនឯង​ ហើយ​មិន​ឡូកឡំ​ម៉ោង​ការងារ​ជាមួយ​ពេល​វេលា​នៅ​ផ្ទះ។

១. ដឹង​ថា​ពេល​ណា​ត្រូវ​ឈប់​សម្រាក

ធ្វើ​ការ​ពី​ផ្ទះ​ អាច​ពិបាក​ក្នុង​ការ​ស្វែង​រក​ពេល​វេលា​សម្រាប់​ខ្លួន​ឯង ​ព្រោះ​គិត​ថា​អាង​តែ​នៅ​ផ្ទះ។ សូម​ប្ដេជ្ញា​ចិត្ត​បញ្ចប់​ថ្ងៃ​ធ្វើការ​របស់​អ្នក ​នៅ​ពេល​វេលា​ជាក់លាក់​ណាមួយ ​ដែល​ធ្វើ​សម្រាប់​អ្នក​ និង​ក្រុមហ៊ុន​ ។

ចំណាយ​ពេល​ដើរ​ចេញ​ពី​កុំព្យូទ័រ​ និង​សម្អាត​កន្លែង​ធ្វើការ​របស់​អ្នក​ ដើម្បី​ចាប់ផ្ដើម​នៅ​ថ្ងៃ​បន្ទាប់។

. រក​ពេល​សម្រាប់​ខ្លួនឯង

ធ្វើការ​ពី​ផ្ទះ​ អាច​ជា​ឱកាស​ដែល​អ្នក​គួរ​រក​ពេល​វេលា​​ក្នុង​ការ​បញ្ចេញ​ញើស​ ជាង​នៅ​កន្លែង​ការងារ។ ចូរ​បិទ​កុំព្យូទ័រ​អ្នក​ភ្លាមៗ​បើ​សិន​ការងារ​ចប់​ ហើយ​ងាក​មក​ទៅ​សមាធិ​ឬ​យោហ្គា​ មិន​ចឹង​ក៏​អាច​រត់​ក្នុង​ផ្ទះ​រយៈពេល ៣០ នាទី​ ឬ​ប្រើ​កម្មវិធី​សម្រាប់​ការ​ហាត់​ប្រាណ​តាម​ផ្ទះ។

. ធ្វើ​អាហារ​ដែល​មាន​ជីវជាតិ

អ្នក​អាច​ចំណាយ​ពេល​ច្រើន​ផ្ដោត​លើ​សុខភាព ​ជា​ពិសេស​នោះ​គឺ​ការ​ធ្វើ​អាហារ។ រក​រូបមន្ត​ថ្មី​ឬ​បង្កើត​ចំណូលចិត្ត​ដែល​អ្នក​ចូលចិត្ត​ខ្លួនឯង។ ការ​ធ្វើ​ម្ហូប​នៅ​ផ្ទះ​អាច​ជួយ​ឱ្យ​អ្នក​មាន​អារម្មណ៍​ថា ​មាន​សុខភាព​ល្អ​ជាង​មុន ​និង​ជួយ​ឱ្យ​មាន​កម្លាំង​ទាំង​រាងកាយ​និង​ខួរក្បាល​ ក្រោយពេល​ធ្វើការ​ ឬ​បន្ទាប់​ពី​ហាត់ប្រាណ​រួច។

៤. កំណត់​ខ្លួនឯង​ដើម្បី​ទទួល​បាន​ជោគជ័យ​នៅ​ថ្ងៃ​បន្ទាប់

ចំណាយ​ពេល ១៥ នាទី​ដើម្បី​ត្រៀម​សម្រាប់​ថ្ងៃ​ស្អែក ដោយ​ការ​សម្អាត​តុ​ធ្វើការ​នៅ​ផ្ទះ។ ដាក់​គម្រោង​និង​ផែនការ​ការងារ​សម្រាប់​ស្អែក ​ដើម្បី​ធានា​ថា​ អ្នក​កំពុង​ឈាន​ដល់​គោលដៅ​ ទោះបី​ជា​នៅ​ផ្ទះ​ក៏​ដោយ។

. ប្រើ​ពេល​វេលា​ជាមួយ​គ្រួសារ​ឬ​មិត្តភ័ក្ដិ

អ្នក​អាច​មើល​ភាពយន្ត​ពេល​រាត្រី​ល្បីៗ​ជាច្រើន​ ជាមួយ​គ្រួសារ​ ឬ​ចម្អិន​បង្អែម​ជា​មួយ​គ្នា​ក្រោយ​ចប់​ម៉ោង​ធ្វើការ។ ប្រសិនបើ​អ្នក​រស់នៅ​ម្នាក់ឯង​ សូម​ទូរស័ព្ទ​ទៅ​ជជែក​ជា​វីដេអូ​ជាមួយ​មិត្តភ័ក្ដិ ​និង​ក្រុម​គ្រួសារ​ ឬ​ណាត់​ជួប​​ជាមួយ​មិត្តភ័ក្ដិ​ ដែល​ខកខាន​ជួប​គ្នា​ជា​យូរ​មក​ហើយ។

៦. បង្កើត​ទម្លាប់​ប្រចាំថ្ងៃ

ធ្វើការ​ពី​ផ្ទះ​អាច​ជំរុញ​​ឲ្យអ្នក​គេង​ពេល​ណា​ក៏​បាន ​​ប៉ុន្តែ​ត្រូវ​ប្រាកដ​ថា​អ្នក​កំពុង​កំណត់​ម៉ោង​រោទ៍​ឱ្យ​នៅ​ជាប់​នឹង​ទម្លាប់​ធម្មតា​របស់​អ្នក។ ការ​គេង​​ឲ្យបាន​ទៀងទាត់ ៨ ម៉ោង​ នឹង​ធ្វើ​ឲ្យ​អ្នក​ភ្ញាក់​មក​ជាមួយ​នឹង​អារម្មណ៍​ស្រស់ស្រាយ ​និង​ត្រៀម​ខ្លួន​ដោះស្រាយ​នៅ​ថ្ងៃ​ខាង​មុខ៕

ប្រែសម្រួល៖ សាង ស្រីល័ក្ខ

ចុចអាន៖វិធី ៥ យ៉ាងដើម្បីបង្កើតផលិតភាពការងានៅផ្ទះឲ្យល្អដូចធ្វើការនៅការិយាល័យ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សុខភាព២ នាទី មុន

ហេតុអ្វី​បានជា​កើត​ជំងឺ​ពងបែក​មាត់?​

ព័ត៌មានអន្ដរជាតិ៤ នាទី មុន

មិនធូរស្បើយឡើយ! វៀតណាម បន្តរកឃើញ អ្នកឆ្លងកូវីដ ច្រើនបំផុតមិនធ្លាប់មានសោះ

ចរាចរណ៍៥ នាទី មុន

សមត្ថកិច្ចឃាត់តៃកុងរថយន្តកុងតឺន័រ​សណ្ដោងរ៉ឺម៉កយកទៅប៉ុស្តិ៍​ បន្ទាប់បើកបុករថយន្ត​ATon​គាបជាប់ផ្ទះពលរដ្ឋ

ព័ត៌មានជាតិ១២ នាទី មុន

គ្រួ​សារ​អតីត​យុទ្ធ​ជនពិការ​បានទទួល​ខ្នង​ផ្ទះទី​១៩៥ អំណោយ​ដ៏​ថ្លៃថ្លា​របស់​សម្ដេច​តេ​ជោ និង​សម្តេច​កិត្តិព្រឹទ្ធ​បណ្ឌិត​

ព័ត៌មានជាតិ១៨ នាទី មុន

សំណង់អត់ច្បាប់​ធ្វើលើចំណីដីផ្លូវសាធារណៈ​ក្នុងស្រុកស្ទោង​មន្ទីរសូរិយោដីខេត្ត​សម្រេចផ្អាកបណ្តោះអាសន្ន

Sokha Hotels

ព័ត៌មានពេញនិយម

Helistar Cambodia - Helicopter Charter Services