KPT+

វិធីងាយៗ ៤ យ៉ាង ធ្វើការពីផ្ទះមានប្រសិទ្ធភាពជាងមុន មិនងាយឈឺថ្កាត់ក្នុងអំឡុងរាតត្បាត

បានផុស

៥ years មុន

នៅ

ថ្ងៃពុធ ២១ កក្កដា ២០២១

ដោយ

កំឡុងពេលនៃជំងឺរាតត្បាត មនុស្សជាច្រើនត្រូវបង្ខាំងខ្លួនឯងនៅតែក្នុងផ្ទះ ហើយធ្វើការពីផ្ទះ ដើម្បីការពារខ្លួនពីជំងឺ។ ធ្វើការពីផ្ទះនឹងបង្កើនទម្លាប់ញ៉ាំនិងគេងច្រើនជាងធម្មតា។ សម្រាប់អ្នកដែលមិនចង់ធ្វើឲ្យរាងកាយរបស់ពួកគេ ក្លាយជាបែបនេះ Kpt Plus មានគន្លឹះសុខភាពល្អៗ មកបង្ហាញជូនមិត្តអ្នកអានសម្រាប់យកទៅអនុវត្ត។

១ ផ្លាស់ប្តូរបន្ទប់គេងទៅជាកន្លែងធ្វើការ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅផ្ទះអ្នកមានអារម្មណ៍ថាខ្ជិលដំអក់ ហើយជាលទ្ធផលអ្នកញ៉ាំនិងគេងច្រើនជាងពេលធម្មតា។ ដូច្នេះដើម្បីកែប្រែទម្លាប់អាក្រក់នោះចេញ យើងត្រូវតែប្រែក្លាយបន្ទប់គេងទៅជាកន្លែងធ្វើការ ដោយរៀបចំបន្ទប់គេជាកន្លែងធ្វើការ ហើយគួរតែងូតទឹកស្លៀកពាក់ ដូចជាអ្នកធ្វើការតែម្ដង។ ធ្វើដូចនេះដើម្បីជួយបង្កើនផលិតភាពការងារ។ ជាមួយគ្នានេះដែរ ញ៉ាំឲ្យគ្រប់ ៣ ពេល ព្រោះវាជាអាហារសំខាន់បំផុត។

២ ក្រោករហ័ស

ធ្វើការពីផ្ទះនឹងធ្វើឲ្យអ្នកមានអារម្មណ៍ថា ក្រោកពីធ្វើការនៅពេលណាក៏បានតាមចិត្តចង់។ ការក្រោកពីគេងលឿន នឹងជួយបង្កើនផលិតភាព ហើយអ្នកក៏នឹងញ៉ាំអាហារមានជីវជាតិគ្រប់គ្រាន់បានច្រើនដែរ។ ប្រសិនបើអ្នកគេងយឺត រាងកាយនឹងដុតបំផ្លាញជាតិខ្លាញ់តិច។ ពេលល្អបំផុតក្នុងការគេង ៧ ទៅ៨ ម៉ោង ដោយក្រោករហ័ស ហាត់ប្រាណជាការល្អ។

៣ ធ្វើឲ្យរាងកាយផ្លាស់ទីបន្តិច

ប្រសិនបើអ្នកធ្វើការគ្រប់ពេល ដោយមិនធ្វើចលនារាងកាយទាល់តែសោះ ទម្លាប់នោះនឹងធ្វើឲ្យអ្នកខ្ជិលហើយការងារប្រហែលជាមិនដំណើរការល្អដូចគ្នា។ ដូច្នេះសូមក្រោកឡើង ហើយដើរចុះឡើងបន្តិច។ ចលនាតូចនឹងធ្វើឲ្យអារម្មណ៍ស្រស់ស្រាយ ហើយត្រៀមខ្លួនបន្តដំណើរទៅមុខទៀត។ សម្រាកឲ្យបានល្អ ហើយគិតជានិច្ចថា រាល់កិច្ចការដែលអ្នកត្រូវធ្វើនៅថ្ងៃបន្ទាប់។

៤ ចម្អិនអាហារនៅផ្ទះដោយខ្លួនឯង

មូលហេតុចម្បងដែលធ្វើឲ្យរាងកាយរបស់មនុស្សម្នាក់ៗ ចាប់ផ្តើមរេចរឹលគឺមកពីអាហារ។ នៅពេលធ្វើការយើងត្រូវការអាហារដែលលឿន ហើយអាចញ៉ាំបានភ្លាមៗ។ មនុស្សភាគច្រើនជ្រើសរើសបញ្ជាទិញម្ហូបជាជាងធ្វើម្ហូបដោយខ្លួនឯង។ វាឆ្ងាញ់និងងាយស្រួលប្រើ។ ប៉ុន្តែតាមពិត អ្នកធ្វើការនៅផ្ទះកាន់តែមានពេលវេលាច្រើនទៅវិញទេ។

សាកល្បងចម្អិនអាហារដោយខ្លួនឯង ដើម្បីជួយឲ្យខ្លួនយើងអាចញ៉ាំអាហារដែលមានសុខភាពល្អ ជាពិសេសរាងកាយងាយស្រួលក្នុងការគ្រប់គ្រងទម្ងន់។ អាហារចម្អិនខ្លួនឯង ក៏ជួយពង្រឹងរាងកាយនិងប្រយុទ្ធប្រឆាំងនឹងរោគាផ្សេងៗ។

ប្រែសម្រួល៖ សាង ស្រីល័ក្ខ

ចុចអាន៖គន្លឹះ ៣ យ៉ាង ទាត់ចោលទម្លាប់ខ្ជិលដំអក់ ដែលនាំឲ្យពន្យារពេលការងារ

ចុចអាន៖៥ វិធី ដោះស្រាយបញ្ហានៃវិបត្តិកូវីដគ្រប់ប្រភេទ ដែលមនុស្សគ្រប់គ្នាកំពុងភ័យខ្លាច បានយ៉ាងប្រសើរ