កំពុងធ្វើការពីផ្ទះ? ទទួលទានអាហារសម្រន់ទាំងនេះដើម្បីជំនួយសុខភាព

មនុស្សមិនតិចទេ​កំពុងស្ថិតក្នុងបរិបទធ្វើការពីផ្ទះ ដោយសារស្ថានភាពវីរុសកូវីដ-១៩មិនទាន់ថមថយការឆ្លងរាលដាល។

ប្រាកដណាស់ ធ្វើការនៅផ្ទះខុសគ្នាពីទៅកន្លែងការងារផ្ទាល់។ នៅផ្ទះអាចមានការរំខានពីអ្នកជិតខាង​ឬសមាជិកគ្រួសាឯងរតែម្ដង ព្រោះគ្រប់គ្នាសុទ្ធតែមិនអាចទៅណាបានដូចគ្នា។

មូលហេតុនេះ យើងក៏កើតអារម្មណ៍ធុញទ្រាន់ ឆាប់អស់កម្លាំង ដែលបញ្ហានេះនាំឱ្យអសកម្មទៅលើលទ្ធផលការងារក៏ថាបាន។ ដូច្នេះ ក្រៅពីសម្រាកខ្លះ និងបរិភោគអាហារ៣ពេល គ្រប់គ្នាត្រូវយកចិត្តទុកដាក់លើអាហារសម្រន់ផងដែរ ​ដើម្បីជំនួយសុខភាពរឹងមាំ និងផ្ដល់ថាមពលដល់រាងកាយឱ្យបំពេញកិច្ចការបានប្រសើរ។

ទាំងនេះជាអាហារសម្រន់និងភេសជ្ជៈមួយចំនួនដែលសម្បូរសារធាតុចិញ្ចឹមផង និងអាចផ្តល់ថាមពលឲ្យរាងកាយបានយូរផង៖

-ផ្លែចេកទុំ សម្បូរជាតិសរសៃ វីតាមីនAនិងC ​ជំនួយសុខភាពភ្នែក

-ប្រភទដំឡូងជ្វា ផ្ទុកវីតាមីនCនិងE ជាតិសរសៃ និងជាតិ Beta-carotene ជំនួយសុខភាពបេះដូង

-ផ្លែប៉ោម ​វីតាមីនCនិងE និង​ជាតិ Beta-carotene ជំនួយសុខភាពសួត

-ស៊ុតមាន់ស្ងោ មានសារធាតុ Lutein ផវីតាមីនDនិងB12 ជំនួយសុខភាពខួរក្បាល

-គ្រាប់ធុញ្ញជាតិ ផ្ទុកដោយអាស៊ីត​ខ្លាញ់​អូមេហ្គា៣ ប្រឆាំងការរលាក

-តែបៃតង ការពារ​ខួរក្បាលនិងជួយសម្រួលឱ្យចិត្តស្ងប់ស្ងាត់

កុំភ្លេច! បើចង់បានថាមពលបន្ថែម ក៏ដូចជាទទួលបាននូវសារធាតុប្រឆាំងអុកស៊ីតកម្ម គួរជ្រើសទទួលទានអាហារប៉ុន្មានប្រភេទនេះជាអាហារសម្រន់ប្រចាំថ្ងៃ ដើម្បីសុខភាពកាន់តែល្អទ្វេរឡើង៕

អត្ថបទ៖ សន្យា

ចុចអាន៖ ដើម្បីសម្រស់និងអាយុរវែង ត្រូវជ្រើសទទួល​អាហារដែលត្រឹមត្រូវតាមវ័យ

ចុចអាន៖ អាហារ​ទាំង៩ប្រភេទនេះ ជួយឲ្យ​សុខភាព​សួតរឹងមាំល្អ