វិធី ៥ យ៉ាងដើម្បីបង្កើតផលិតភាពការងានៅផ្ទះឲ្យល្អដូចធ្វើការនៅការិយាល័យ

ខណៈដែលវីរុស Covid-19 កំពុងផ្ទុះឡើងខ្លាំង ក្រុមហ៊ុនមួយចំនួនបានផ្លាស់ប្ដូរនីតិវិធីធ្វើការរបស់បុគ្គលិក ដោយអនុញ្ញាតឲ្យពួកគេបំពេញការងារពីផ្ទះជំនួសឲ្យទៅការិយាល័យផ្ទាល់។ ស្របពេលនេះមានបុគ្គលិកខ្លះមានការព្រួយបារម្ភពីការផលិតភាពការងារមិនបានល្អ។ ខាងក្រោមនេះជាគន្លឹះខ្លះៗដែលបញ្ជាក់ថា ការធ្វើការនៅផ្ទះក៏មានលទ្ធផលល្អដូចនៅការិយាល័យដែរ។

កុំទម្លាប់ដំអក់

ធ្វើការពីផ្ទះមិនមែនមានន័យថា ចំណាយពេលមួយថ្ងៃនៅក្នុងភួយជាមួយកុំព្យូទ័រយួរដៃរបស់អ្នកទេ។ អ្នកត្រូវក្រោកមកធ្វើចលនាខ្លួនប្រាណ និងស្លៀកពាក់ ហើយចាប់ផ្ដើមធ្វើការ នោះនឹងធ្វើឱ្យអ្នកមានគំនិតស្រស់ស្រាយសម្រាប់ផលិតភាពការងាររបស់អ្នក។

សម្រាកខ្លះ

យោងតាមអ្នកស្រាវជ្រាវនៅក្រុម Draugiem បានឲ្យដឹងថា ការសម្រាក ១៧ នាទីរាល់ ៥២ នាទីម្ដង គឺជាសមាមាត្រល្អនៃការបំពេញការងារ។ ប៉ុន្តែវាមិនមែនមានន័យថា គ្មានអ្នកមើលអ្នក ហើយអ្នកបណ្ដោយឲ្យពេលកន្លងទៅដោយយលេងៗនោះទេ។

រៀបចំបន្ទប់

រៀបចំកន្លែងអង្គុយធ្វើការឲ្យមានពណ៌បៃតងដូចជារុក្ខជាតិតូចៗដាក់លើតុ ឬរៀបចំឲ្យមានពណ៌ណាដែលស្រស់ៗដែលអាចជួយឲ្យមានអារម្មណ៍ស្រស់ស្រាយ ហើយបំពេញកិច្ចការបានល្អ។

បង្កើតសីតុណ្ហភាពក្នុងបន្ទប់ឬកន្លែងដែលអ្នកកំពុងធ្វើការដោយខ្លួនអ្នក។ អ្នកចូលចិត្តក្ដៅល្មម ឬត្រជាក់ក៏បាន យ៉ាងណាក៏ដោយឲ្យតែធ្វើឲ្យមានអារម្មណ៍ល្អអាចអង្គុយធ្វើការបានដោយស្រណុកខ្លួនឯង។

ជ្រើសរើសតុនិងកៅអីអង្គុយធ្វើការឲ្យមានផាសុកភាព ទើបមានអាម្មណ៍ល្អ ។ ប្រើកៅអីដែលមានសំឡីទន់ៗ វានឹងមិនធ្វើឲ្យឈឺឆ្អឹងឆ្អែង ឬសាច់ដុំ។ អង្គុយឲ្យត្រង់ខ្លួន ដើម្បីកុំឲ្យជាប់សរសៃ៕

ប្រែសម្រួល៖ សន្យា

ចុចអាន៖ សម័យ​នេះ វ័យ​ក្រោម​ ២៥ ឆ្នាំ​ងាយ​ក្លាយជា​សេដ្ឋី តែក៏ងាយចាញ់បោកគេ

ចុចអាន៖ តិចនិកលក់ដ៏សាមញ្ញដែលអ្នករកស៊ីគ្រប់លំដាប់មិនគួរមើលរំលង