ព័ត៌មានជាតិ

សារបន្ទាន់! អ្នកត្រូវចាក់វ៉ាក់សាំងដូសទីពីរ សូមអានព័ត៌មាននេះឲ្យច្បាស់ បើសិនស្ថិតនៅតំបន់បិទខ្ទប់

បានផុស

៣ years មុន

នៅ

ថ្ងៃសៅរ៍ ១៧ មេសា ២០២១

ដោយ

សារបន្ទាន់របស់លោកជំទាវ ឱ វណ្ណឌីន ប្រធានគណៈកម្មការចំពោះកិច្ច និងជាអ្នកនាំពាក្យក្រសួងសុខាភិបាល បានថ្លែងបញ្ជាក់ពីដំណើរការចាក់វ៉ាក់សាំងសម្រាប់អ្នកត្រូវចាក់ដូសទីពីរ ដោយមិនអនុញ្ញាតឲ្យធ្វើដំណើរឆ្លងពីខេត្តមួយទៅខេត្តមួយនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

“អ្នកដែលកំពុងនៅទីណា ត្រូវចាក់នៅទីនោះ បើសិនបានចាក់ដូសទីមួយនៅភ្នំពេញ និងបច្ចុប្បន្នកំពុងស្ថិតនៅក្នុងតំបន់ខេត្តក្រុងណាមួយ ត្រូវចាក់នៅទីតាំងក្នុងខេត្តក្រុងនោះតែម្តង ដោយមិនអនុញ្ញាតិឲ្យធ្វើដំណើរចល័តចុះឡើងពីខេត្តមួយទៅខេត្តមួយនោះទេ”។

លោកជំទាវបានបញ្ជាក់ថា គណៈកម្មការចំពោះកិច្ច នឹងដឹកវ៉ាក់សាំងបន្ថែមចំនួន ២០០ ដូសទៀតដល់ខេត្តក្រុង ដើម្បីបម្រុងទុកចាក់ដូសទីពីរដល់អ្នកដែលជាប់មិនអាចចេញរួច។

បើតាមលោកជំទាវ មន្ទីរសុខាភិបាលខេត្តក្រុង ត្រូវទទួលខុសត្រូវត្រួតពិនិត្យពេលវេលាអ្នកត្រូវចាក់ដូសទីពីរ មិនត្រូវឲ្យលើសពេលកំណត់នោះទេ។ ឧទាហរណ៍វ៉ាក់សាំងស៊ីណូវ៉ាក់ តម្រូវឲ្យចាក់ចន្លោះពី ១៤ ថ្ងៃ ទៅ ២៨ ថ្ងៃ ក្រោយចាក់ដូសទី១ រួច៕

Related Topics:កូវីដ-១៩