ព័ត៌មានជាតិ

អាជីវករណាគេចវេះមិនព្រមទៅយកសំណាក អាជ្ញាធរមិនអនុញ្ញាតឲ្យចូលលក់ដូរពេលបើកផ្សារឡើងវិញទេ

បានផុស

៥ years មុន

នៅ

ថ្ងៃពុធ ២១ មេសា ២០២១

ដោយ

រដ្ឋបាលខណ្ឌបឹងកេងកង បានណែនាំដល់បងប្អូនអាជីវករនៅផ្សារអូឡាំពិកទាំងអស់អញ្ជើញទៅពិនិត្យយកសំណាករកមេរោគកូវីដ១៩ នៅរោងភាពយន្តសម្ដែងសិល្បៈចេនឡាឲ្យបានគ្រប់គ្នាៗ។ ក្នុងករណីអាជីវករណាគេចវេះមិនព្រមទៅយកសំណាកនោះ គឺអាជ្ញាធរមិនអនុញ្ញាតឲ្យអាជីវករនោះចូលលក់ដូរ ពេលផ្សារបើកដំណើរការឡើងវិញនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីជូនដំណឹងរបស់រដ្ឋបាលខណ្ឌបឹងកេងកង នៅថ្ងៃទី២១មេសានេះ បានឲ្យដឹងថា«រដ្ឋបាលខណ្ឌបឹងកេងកង សូមជូនដំណឹងដល់បងប្អូនអាជីវករប្រកបអាជីវកម្មនៅផ្សារអូឡាំពិចទាំងអស់ សូមអញ្ជើញទៅពិនិត្យយកសំណាករកមេរោគ covid-19 នៅរោងភាពយន្តសម្ដែងសិល្បៈចេនឡាឲ្យបានគ្រប់គ្នាដោយបញ្ជាក់ពីអាសយដ្ឋាន ដែលខ្លួនកំពុងរស់នៅឲ្យបានច្បាស់លាស់ជូនក្រុមគ្រូពេទ្យពិនិត្យយកសំណាក់នៅទីនោះ»។

រដ្ឋបាលខណ្ឌបានបន្តថា ក្នុងករណីដែលអាជ្ញាធរឃើញថា បងប្អូនខកខានឬគេចវេះមិនបានយកសំណាកហើយអាជ្ញាធរពិនិត្យទៅមានពាក់ព័ន្ធជាមួយអាជីវករលក់ដូរនៅផ្សារអូឡាំពិក ដែលមានផ្ទុកជំងឺកូវីដ១៩នោះ អាជ្ញាធរមិនអនុញ្ញាតឲ្យបងប្អូនដែលមិនបានទៅយកសំណាករកមេរោគកូវីដ១៩នោះ ចូលប្រកបអាជីវកម្មលក់ដូរនៅពេលដែលអាជ្ញាធរបើកដំណើរការផ្សារអូរឡាំពិចឡើងវិញឡើយ។

រដ្ឋបាលបឹងកេងកងសង្ឃឹមយ៉ាងមុតមាំថា បងប្អូនអាជីវករទាំងអស់នឹងចូលរួមទៅពិនិត្យយកសំណាករកមេរោគកូវីដគ្រប់គ្នា ដោយទំនួលខុសត្រូវខ្ពស់ ដើម្បីទប់ស្កាត់ការរីករាលដាលនៃជំងឺកូវីដ១៩៕

អត្ថបទ៖ សំអឿន

សូមចុចអាន៖ មកដឹងពីទីតាំងក្រសួងពាណិជ្ជកម្មដាក់លក់ទំនិញនៅតំបន់ក្រហម

Related Topics:កូវីដ-១៩ អាជីវករ យកសំណាក

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា