ព័ត៌មានជាតិ
សម្តេចតេជោហ៊ុន សែន ស្នើឲ្យអភិបាលរាជធានីខេត្តអនុញ្ញាតឲ្យមានការរៀបអាពាហ៍ពិពាហ៍
ភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានស្នើឲ្យអភិបាលរាជធានីខេត្តនៅទូទាំងប្រទេសអនុញ្ញាតឲ្យប្រជាពលរដ្ឋនៅតាមមូលដ្ឋានរៀបពិធីមង្គលការ។ ប៉ុន្តែត្រូវអនុវត្តទៅតាមវិធានរបស់ក្រសួងសុខាភិបាលដើម្បីការពារទប់ស្កាត់ការឆ្លងរីករាលដាលជំងឺកូវីដ១៩។
ការស្នើសុំរបស់ប្រមុខរដ្ឋាភិបាលនេះ បានធ្វើឡើងបន្ទាប់ពីមានការមានកង្វល់មួយចំនួនរបស់ប្រជាពលរដ្ឋខ្លះបានបញ្ឈប់មង្គលការដោយឯកឯងដោយសារព្រឹត្តិការណ៍០៣វិច្ឆិកា។ ប៉ុន្តែមានកន្លែងខ្លះអាចមានការតឹងតែងពីអាជ្ញាធរ។
តាមរយៈសារសម្លេងដែលបានផ្សព្វផ្សាយនៅយប់ថ្ងៃទី១៨វិច្ឆិកានេះ សម្តេចនាយករដ្ឋមន្ត្រីបានមានប្រសាសន៍ថា «ខ្ញុំសូមជម្រាបជួនដល់ឯកឧត្តមអភិបាលរាជធានីខេត្តទាំងអស់កន្លងមកការប្រុងប្រយ័ត្នជារឿងត្រឹមត្រូវហើយ ប៉ុន្តែឥឡូវនេះគឺសភាពការណ៍បានធូរស្រាលដោយយើងបានបញ្ចប់ព្រឹត្តិការណ៍០៣វិច្ឆិកា។ ខ្ញុំស្នើឲ្យអាជ្ញាធរគ្រប់លំដាប់ថ្នាក់ដែលមានការរៀបអាពាហ៍ពិពាហ៍គឺអនុញ្ញាតឲ្យបងប្អូនរៀបលការទៅព្រោះជាទម្លាប់ប្រពៃណីខ្មែររបស់យើងចាប់ពីខែនេះដល់ចូលវស្សាពិសេសនៅរដូវរំហើយនេះមានរៀបអាពាហ៍ពិពាហ៍ច្រើន»។
សម្តេចបានបន្តថា «ដូច្នេះខ្ញុំសម្រួលឲ្យមានការរៀបអាពាហ៍ពិពាហ៍គ្រាន់តែយកចិត្តទុកដាក់ទៅលើបញ្ហាទាក់ទងនឹងបញ្ហាអនាម័យនិងទៅតាមការណែនាំរបស់ក្រសួងសុខាភិបាលតែប៉ុណ្ណោះដោយយើងមិនត្រូវរឹតត្បិតហួស ដែលនាំទីរកការលំបាករបស់ប្រជាជននោះទេ»។
សម្តេចបានបន្ថែមថា ការគោរពខាងសាសនាយើងបានបើកទាំងព្រះពុទ្ធ ទាំងឥស្លាមនិងគ្រឹះដើម្បីធ្វើការថ្វាយបង្គំនិងធ្វើពិធីបុណ្យទានជាធម្មតាដោយគ្រាន់តែរក្សាគម្លាតសុវត្ថិភាព។
សម្តេចបានណែនាំទៀតថា «ប្រយ័ត្នត្រូវប្រយ័ត្នហើយតែយើងក៏មិនត្រូវបិទដង្ហើមសេដ្ឋកិច្ចចលនាសង្គមផ្សេងទៀតដែរទេ ត្រូវយកចិត្តទុកដាក់ដោះស្រាយបញ្ហាហ្នឹងពិនិត្យមើលគ្រាន់តែជួយសម្រួលដើម្បីរំលឹកឲ្យបងប្អូនជានិច្ចជាកាលឲ្យមានការប្រុងប្រយ័ត្នដូចជាការវាស់កម្តៅ ការលាងដៃនិងគម្លាតសុវត្ថិភាពជាដើមនេះជាតម្រូវការរបស់ប្រជាជនយើងដែលត្រូវការរៀបការ»។
សម្តេចបានបញ្ជាក់ថា «អីចឹងត្រូវផ្តល់ភាពងាយស្រួលដល់ចលនាប្រជាពលរដ្ឋទៅតាមរបៀបថ្មីដែលមិនមានការកកកុញប្រមូលផ្តុំហួសរក្សាគម្លាតឲ្យបានល្អ គឺជាដំណើរការមួយដែលយើងហៅថាការរស់នៅបែបធម្មតាតាមរបៀបថ្មីដែលពីមុនមិនធ្លាប់អង្គុយឃ្លាតពីគ្នា ក៏ដូចជាមិនដែលពាក់ម៉ាស់ឥឡូវនេះត្រូវតែអង្គុយឃ្លាតគ្នានិងពាក់ម៉ាស់»៕
ដោយ ៖ សំអឿន
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?