ព័ត៌មានជាតិ
អ្នករាយការណ៍ពិសេសUNសង្ឃឹមថានឹងអាចបន្តនូវកិច្ចសន្ទនាដោយត្រង់ទៅត្រង់មកជាមួយរដ្ឋាភិបាលកម្ពុជា
ភ្នំពេញ ៖ លោក Vitit Muntarbhorn អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជាសង្ឃឹមថានឹងអាចបន្តនូវកិច្ចសន្ទនាដោយត្រង់ទៅត្រង់មកជាមួយរាជរដ្ឋាភិបាលកម្ពុជា ព្រមទាំងបណ្ដាភាគីពាក់ព័ន្ធដើម្បីរួមគ្នាដោះស្រាយបញ្ហានានាដែលជាក្ដីកង្វល់រួមប្រកបដោយការស្ថាបនា។
ការលើកឡើងរបស់លោកបានធ្វើឡើងនៅរសៀលថ្ងៃទី២៣ ខែមិថុនា ឆ្នាំ២០២១នៅក្នុងជំនួបពិភាក្សាជាមួយសម្ដេចក្រឡាហោ ម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃតាមប្រព័ន្ធវីដេអូសន្និសីទZoom។
នៅក្នុងជំនួបពិភាក្សានោះ លោក Vitit Muntarbhorn បានលើកឡើងនូវប្រធានបទចំនួន៤ដើម្បីស្នើសុំកិច្ចពិភាក្សាជាមួយសម្ដេចក្រឡាហោមសខេង រួមមានទី១ ទិដ្ឋភាពរួម ឬទិដ្ឋភាពទូទៅនៃជំងឺកូវីដ-១៩នៅកម្ពុជា ទី២ស្ថានភាពនៅក្នុងពន្ធនាគារ, ទី៣ លំហរប្រជាធិបតេយ្យ និងដំណើរការកែទម្រង់ច្បាប់NGOs និងទី៤វិធានការឆ្លើយតបបន្តបន្ទាប់ទៀតនៅក្រោយស្ថានភាពជំងឺកូវីដ-១៩។
ពាក់ព័ន្ធនឹងទិដ្ឋភាពជារួមនៃជំងឺកូវីដ-១៩នៅកម្ពុជា អ្នករាយការណ៍ពិសេសក៏បានជម្រាបសម្ដេចថារាជរដ្ឋាភិបាលបានដាក់ចេញនូវវិធានការមួយចំនួនដើម្បីបង្ការទប់ស្កាត់ការរីករាលនៃជំងឺនេះ ទន្ទឹមនោះក៏មានការដាក់ចេញគោលនយោបាយសង្គមដើម្បីជួយគាំទ្រដល់ប្រជាជន និងអ្នកដែលទទួលរងផលប៉ះពាល់ដោយសារវិបត្តិនៃជំងឺនេះ។
ពាក់ព័ន្ធនឹងចំណុចនេះ សម្ដេចក្រឡាហោម បានមានប្រសាសន៍ថារាជរដ្ឋាភិបាលកម្ពុជា មានការយកចិត្តទុកដាក់ខ្ពស់ដោយបានដាក់ចេញនូវយន្តការ និងវិធានការមួយចំនួនជាបន្តបន្ទាប់រហូតដល់ពេលនេះ ក្នុងនោះមានការបន្តជំរុញផ្សព្វផ្សាយលើកកម្ពស់ការយល់ដឹងរបស់ប្រជាពលរដ្ឋក្នុងការបង្ការទប់ស្កាត់ ការជំរុញយុទ្ធនាការចាក់វ៉ាក់សាំងជូនប្រជាពលរដ្ឋ និងការអនុវត្តការបិទខ្ទប់តំបន់មួយចំនួន តាមរយៈការដាក់ចេញវិធានការបង្រួមភូមិសាស្ត្រមានហានីភ័យ ដូចជាតំបន់លឿង តំបន់លឿងទុំ និងតំបន់ក្រហម ដើម្បីបង្ការការឆ្លងរីករាលដាលជំងឺផង និងកាត់បន្ថយផលប៉ះពាល់ឲ្យបានជាអតិបរមាទៅលើជីវភាពពលរដ្ឋដែលមិនស្ថិតនៅក្នុងតំបន់ហានិភ័យ ទន្ទឹមនឹងនេះ រាជរដ្ឋាភិបាលកម្ពុជាបានអនុវត្តវិធានការផ្ដល់ជំនួយសង្គមកិច្ចដើម្បីជួយសម្រួលដល់ប្រជាពលរដ្ឋដែលទទួលរងផលប៉ះពាល់ដោយសារជំងឺនេះផងដែរ។
ពាក់ព័ន្ធនឹងស្ថានភាពពន្ធនាគារ លោក Vitit Muntarbhorn ក៏បានជម្រាបជូនសម្ដេចដែរថា លោកក៏បានដឹងអំពីបញ្ហាចង្អៀតណែនក្នុងពន្ធនាគារ ជាពិសេសនៅក្នុងស្ថានភាពនៃជំងឺកូវីដ-១៩នេះ ដោយលោកក៏ចង់ស្វែងយល់បន្ថែមអំពីវិធានការនានារបស់រាជរដ្ឋាភិបាល ក្នុងការបង្ការទប់ស្កាត់ជំងឺកូវីដ-១៩ក្នុងពន្ធនាគារ។
ពាក់ព័ន្ធនឹងចំណុចនេះ សម្ដេចក្រឡាហោម បានជម្រាបជូនថា ជាក់ស្ដែងក្រៅតែពីការខិតខំបន្តកសាង និងពង្រីកបន្ថែមហេដ្ឋារចនាសម្ព័ន្ធពន្ធនាគារដើម្បីដោះស្រាយបញ្ហាចង្អៀតណែន បច្ចុប្បន្ននេះ ក្រសួងមហាផ្ទៃកំពុងអនុវត្តវិធានការមួយចំនួនទៀតដើម្បីបន្ធូរបន្ថយភាពចង្អៀតណែន ក្នុងស្ថានភាពកូវីដ-១៩ ក្នុងនោះក្រសួងមហាផ្ទៃកំពុងសហការជាមួយក្រសួងយុត្តិធម៌ដើម្បីពិនិត្យស្ថានភាពអ្នកជាប់ឃុំថាតើគួរតែអនុវត្តនូវការដោះលែង ឬក៏អនុញ្ញាតឱ្យនៅក្រៅឃុំទៅបទល្មើសស្រាលៗមួយចំនួន ដូចជាអ្នកទោសជិតរួចទោស និងអ្នកដែលប្រព្រឹត្តបទល្មើសស្រាល តាមរយៈការដាក់ឲ្យនៅក្រៅឃុំក្រោមការត្រួតពិនិត្យដោយតុលាការ។ សម្ដេចបានបន្តថា ជាមួយគ្នានេះដែរ ក្រសួងមហាផ្ទៃក៏បាននឹងកំពុងសហការគ្នាយ៉ាងល្អជាមួយក្រសួងសុខាភិបាល ដើម្បីជំរុញការព្យាបាលឱ្យទាន់ពេលវេលាចំពោះរាល់ករណីដែលបានរកឃើញវិជ្ជមានជំងឺកូវីដ-១៩ក្នុងពន្ធនាគារ និងបានសហការក្នុងការចាក់វ៉ាក់សាំងដល់មន្ត្រីពន្ធនាគារ និងអ្នកជាប់ឃុំ ក៏ដូចជាបានធ្វើតេស្តរហ័សដើម្បីមានវិធានការទាន់ពេលវេលាក្នុងការញែកអ្នកមានជំងឺចេញ សំដៅទប់ស្កាត់ការឆ្លងរីករាលដាលឱ្យបានទាន់ពេលវេលា និងរួមចំណែកថែរក្សាបានសុខភាពទាំងជនជាប់ឃុំ និងមន្ត្រីអនុរក្សពន្ធនាគារ ដោយកិច្ចការនេះបានអនុវត្តយ៉ាងល្អប្រសើរ។
ចំពោះលំហប្រជាធិបតេយ្យ និងដំណើរការកែទម្រង់ច្បាប់NGOs សម្ដេចក្រឡាហោមបានជម្រាបជូនថាជារួម រាជរដ្ឋាភិបាលតែងតែចាត់ទុកសង្គមស៊ីវិលជាដៃគូ និងបានធ្វើការជាមួយគ្នាជាច្រើនមកហើយដែរ ជាពិសេសទៅលើសំណើធ្វើកំណែទម្រង់ច្បាប់NGOsនេះ ដោយសម្ដេចបានជំរុញ និងលើកទឹកចិត្តដល់ភាគីទាំងពីរ ទាំងភាគីតំណាងរាជរដ្ឋាភិបាល និងតំណាងNGOs រួមទាំងភាគីពាក់ព័ន្ធបន្តរកឱកាសជជែកពិភាក្សាគ្នា និងមានកិច្ចសន្ទនាជាបន្តទៀតទោះបីជាស្ថិតក្នុងស្ថានភាពនៃជំងឺកូវីដ-១៩ក៏ដោយ ដើម្បីជំរុញការងារពាក់ព័ន្ធនឹងសំណើកែទម្រង់ច្បាប់នេះ។ សម្ដេចបានចាត់ទុកថា នេះគឺជាឧទាហរណ៍ជាក់ស្ដែងមួយនៃការចូលរួមលើកម្ពស់លំហប្រជាធិបតេយ្យនៅកម្ពុជា។
ពាក់ព័ន្ធនឹងវិធានការឆ្លើយតបបន្តបន្ទាប់នៅក្រោយជំងឺកូវីដ-១៩ សម្ដេចក្រឡាហោមបានជម្រាបអ្នករាយការណ៍ពិសេសថា ជាការពិតនៅលើភពលោកនេះ និន្នាការនៃការឆ្លងជំងឺកូវីដ-១៩ តួលេខមានការថយចុះ ប៉ុន្តែសម្រាប់កម្ពុជាពុំទាន់មានសភាពធូរស្រាលនៅឡើយទេ ហើយសម្រាប់វិធានការបន្តបន្ទាប់ទៀតដើម្បីស្ដារសេដ្ឋកិច្ចក្រោយវិបត្តិជំងឺកូវីដ១៩នេះ ក៏រាជរដ្ឋាភិបាលកម្ពុជាបាននឹងកំពុងយកចិត្តទុកដាក់គិតគូរផងដែរ ទោះបីជាពុំមាននរណាម្នាក់ដឹងថា ជំងឺកូវីដ-១៩នឹងបញ្ចប់នៅពេលណាក៏ដោយ។
លោក Vitit Muntarbhorn បានថ្លែងអំណរគុណសម្ដេចក្រឡាហោម ចំពោះកិច្ចសន្ទនា និងការផ្ដល់ជូនព័ត៌មានដ៏មានសារៈសំខាន់ទៅលើប្រធានបទទាំង៤ដែលបានស្នើសុំពីខាងដើម និងបានចាត់ទុកថា ជាមូលដ្ឋានដ៏សំខាន់បន្ថែមសម្រាប់ឯកឧត្តមក្នុងនាមជាអ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជានាអាណត្តិថ្មីនេះ។
មុននឹងបញ្ចប់ សម្ដេចក្រឡាហោម ស ខេង និងលោក Vitit Muntarbhorn បានសម្ដែងនូវក្ដីសង្ឃឹមចំពោះកិច្ចសហការល្អទៅវិញទៅមកប្រកបដោយភាបស្ថាបនា ដោយក្នុងនោះសម្ដេចក្រឡាហោមបានជម្រាបជូនថាសម្ដេចត្រៀមខ្លួនជានិច្ចក្នុងការចូលរួមអនុវត្តនូវយន្តការសហប្រតិបត្តិការដែលមានស្រាប់រវាងភាគីទាំងពីរឱ្យទទួលបានប្រសិទ្ធភាពខ្ពស់។
សម្ដេចក្រឡាហោម បានសម្ដែងការស្វាគមន៍ និងក្ដីរីករាលចំពោះ លោក Vitit Muntarbhorn ដែលត្រូវបានតែងតាំងជាអ្នករាយករណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា និងមានក្ដីសង្ឃឹមថាផ្អែកលើបទពិសោធន៍ និងចំណេះដឹង ឯកឧត្តមនឹងបន្តរួមចំណែក និងផ្ដល់កិច្ចសហការល្អជាមួយនឹងរាជរដ្ឋាភិបាលកម្ពុជា រួមទាំងក្រសួងមហាផ្ទៃដើម្បីបង្កលក្ខណៈដល់ការបំពេញតួនាទីឯកឧត្តមក្នុងនាមជាអ្នករាយការណ៍ពិសេសក៏ដូចជាការបំពេញតួនាទីរបស់កម្ពុជាចំពោះកាតព្វកិច្ចអន្តរជាតិលើវិស័យសិទ្ធិមនុស្សប្រកបដោយប្រសិទ្ធភាព។
សូមបញ្ជាក់ថា លោក Vitit Muntarbhorn គឺជាជនជាតិថៃ និងទើបត្រូវបានតែងតាំងជាអ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា ជំនួសលោកស្រី រ៉ូ ណាស្មីត។ លោកបាន ចូលកាន់តួនាទីអ្នករាយការណ៍ពិសេសជាផ្លូវការ កាលពីថ្ងៃទី១ ខែឧសភា ឆ្នាំ២០២១៕
ដោយ ៖ សំអឿន
ឥណ្ឌូណេស៊ីដកពន្ធលើ ៩៩% នៃទំនិញនាំចូលពីអាមេរិក ក្រោមការព្រមព្រៀងថ្មី
អាជ្ញាធរខេត្តកោះកុងប្រាប់ឲ្យអ្នកគ្រប់គ្រងសហគមន៍អេកូទេសចរណ៍ត្រៀមស្វាគមន៍ភ្ញៀវ ខណៈឆ្នាំនេះ ខេត្តនឹងធ្វើម្ចាស់ផ្ទះក្នុងពិធីបុណ្យសមុទ្រ
Bill Gates ថា អាជីពតែមួយគត់ ដែល AI មិនអាចជំនួស ទោះជា១០០ឆ្នាំទៀតក៏ដោយ
ក្រុមហ៊ុនអភិវឌ្ឍន៍ខុនដូ Picasso នឹងឡើងផ្សារហ៊ុននាពេលឆាប់ៗនេះ
ត្រាំ ព្រមានថានឹងតាមកម្ទេចឲ្យម៉ត់ បើអ៊ីរ៉ង់ហ៊ានសង់រោងចក្រនុយក្លេអ៊ែរថ្មី
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
លីគបាល់ទះពិភពលោក VNL រកឃើញវគ្គ ៨ ក្រុមខ្លាំង ខណៈ ជប៉ុន ប៉ះ ក្រុមលេខ ១ ក្នុងលោក
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
ព័ត៌មានអន្ដរជាតិ៧ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា