ព័ត៌មានអន្ដរជាតិ
ត្រាំ ព្រមានថានឹងតាមកម្ទេចឲ្យម៉ត់ បើអ៊ីរ៉ង់ហ៊ានសង់រោងចក្រនុយក្លេអ៊ែរថ្មី
លោកប្រធានាធិបតី ដូណាល់ ត្រាំ បានចេញការព្រមានយ៉ាងម៉ឺងម៉ាត់ទៅកាន់ប្រទេសអ៊ីរ៉ង់ ដោយប្រកាសថា បើទីក្រុងតេហេរ៉ង់ព្យាយាមកសាងរោងចក្រនុយក្លេអ៊ែរថ្មីណាមួយ នោះអាមេរិកនឹងតាមកម្ទេចទាល់តែក្លាយជាផេះ។
យោងតាមការចុះផ្សាយរបស់ The New Indian Express កាលពីថ្ងៃទី២០ខែកក្កដាឆ្នាំ២០២៥ លោក ត្រាំ បានរំលឹកឡើងវិញនូវការអះអាងរបស់គាត់ថា ការវាយប្រហារតាមអាកាសរបស់សហរដ្ឋអាមេរិកនៅក្នុងខែមិថុនាបាន«បំផ្លាញទាំងស្រុង»នូវទីតាំងចម្រាញ់សារធាតុអ៊ុយរ៉ាញ៉ូមសំខាន់ៗរបស់អ៊ីរ៉ង់ ដូចជា រោងចក្រ Fordow, Natanz និង Isfahan។ បន្ថែមពីនេះ លោកក៏បានគំរាមកំហែងកំណត់គោលដៅលើទីតាំងរោងចក្រនុយក្លេអ៊ែរថ្មីរបស់អ៊ីរ៉ង់នាពេលអនាគតផងដែរ។
លោក ត្រាំ បានបង្ហោះសារនៅលើបណ្ដាញសង្គម Truth Social ថា «ទីតាំងនុយក្លេអ៊ែរទាំងបីនៅក្នុងប្រទេសអ៊ីរ៉ង់ត្រូវបានបំផ្លាញទាំងស្រុង… វានឹងត្រូវចាយពេលរាប់ឆ្នាំដើម្បីធ្វើឲ្យពួកវាអាចដំណើរការឡើងវិញ»។
ពាក់ព័ន្ធនឹងកម្មវិធីនុយក្លេអ៊ែរ អ៊ីរ៉ង់បានប្រកាសថា នាថ្ងៃសុក្រទី២៥ខែកក្កដាឆ្នាំ២០២៥ ខ្លួននឹងជួបជាមួយអង់គ្លេស បារាំង និងអាល្លឺម៉ង់ ដែលគេស្គាល់ថាជាមហាអំណាចអឺរ៉ុប E3 នៃកិច្ចព្រមព្រៀងនុយក្លេអ៊ែរឆ្នាំ២០១៥។ នេះគឺជាជំនួបផ្ទាល់លើកដំបូង ចាប់តាំងពីការវាយប្រហារតាមអាកាសរបស់អាមេរិក និងអ៊ីស្រាអែល ដែលបំផ្លាញរោងចក្រនុយក្លេអ៊ែរអ៊ីរ៉ង់កាលពីខែមិថុនា។
យ៉ាងណាមិញ រដ្ឋមន្ត្រីការបទេសអ៊ីរ៉ង់លោក Abbas Araqchi បានបញ្ជាក់ថា ទីក្រុងតេហេរ៉ង់នៅតែផ្អាកការចរចាជាមួយសហរដ្ឋអាមេរិកដដែល លុះត្រាណាតែក្រុងវ៉ាស៊ីនតោនធានាថាឈប់កំណត់គោលដៅវាយប្រហារលើអ៊ីរ៉ង់ម្ដងទៀត៕
ដោយ៖ ឈាង
ចុចអាន៖ អ៊ីរ៉ង់ នឹងបន្តកិច្ចចរចានុយក្លេអ៊ែរឡើងវិញ ជាមួយមហាអំណាចអឺរ៉ុប E3
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១៥ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម