ព័ត៌មានជាតិ
លោក ចម ប្រសិទ្ធ ជំរុញក្រសួងនិងស្ថាប័នពាក់ព័ន្ធអនុវត្ត GO-SPIN សម្រាប់កម្ពុជាឱ្យបាននៅចុងឆ្នាំ ២០២១
លោកចម ប្រសិទ្ធ ទេសរដ្ឋមន្ត្ រីរដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (ឧ.វ.ប.ន.) បានថ្លែងជំរុញឲ្យក្រសួង ស្ថាប័ន សាកលវិទ្យាល័យ វិស័យឯកជន និងអ្នកពាក់ព័ន្ធដទៃទៀតរួមគ្នាអនុវត្ត GO-SPIN សម្រាប់ ប្រទេសកម្ពុជាឱ្យបានចុងឆ្នាំ២០២១ដែលមានសារៈសំខាន់សម្រាប់បរិបទប្រទេសកម្ពុជាគឺជាអាទិភាពរបស់យើងដែល ជាឧបករណ៍សម្រាប់វាស់កម្រិតនៃភាពជឿនលឿនផ្នែក (វ.ប.ន. ) របស់ជាតិនាពេលបច្ចុប្បន្ន និងកំណត់វឌ្ឍនភាពនិងបញ្ហាប្រឈមនានានៃវិស័យនេះនៅកម្ពុជា។
លោកចម ប្រសិទ្ធ ថ្លែងនូវការជំរុញបែបនេះខណៈពេលបើកប្រជុំ ក្រោមកិច្ចសហការជាមួយអង្គការយូណេស្កូបានរៀបចំ «ការចាប់ផ្តើមអនុវត្តគម្រោងហ្គូស្ពីន (GO-SPIN)» តាមប្រព័ន្ធវីដេអូ ជាមួយលោកស្រី Peggy Oti-Boateng ជាតំណាងយូណេស្កូនៃទីស្នាក់ការកណ្តាលទីក្រុងប៉ារីស និងលោក Sardar Umar Alam តំណាងអង្គការយូណេស្កូប្រចាំនៅកម្ពុជា ។ ពិធីនេះដោយមានការចូលរួមពីបណ្តាក្រសួង-ស្ថាប័ន ស្ថានទូត ដៃគូអភិវឌ្ឍន៍ និងអ្នកពាក់ព័ន្ធផ្សេងទៀតនៅក្នុងវិស័យ វិទ្យាសាស្ត្រ បច្ចេកវិទ្យា និងនវានុវត្តន៍ (វ.ប.ន.)ផងដែរ។
នៅក្នុងពិធីចាប់ផ្តើមគម្រោងនេះ ក្រុមការងារបច្ចេកទេសនៃ ក្រសួង(ឧ.វ.ប.ន.)បានចែករំលែកអំពីប្រព័ន្ធអេកូឡូស៊ី វ.ប.ន. នៅក្នុងប្រទេសកម្ពុជា។ ជាមួយគ្នានេះដែរ អ្នកជំនាញការអន្តរជាតិមកពីអង្គការយូណេស្កូបានណែនាំអំពីធាតុផ្សំនៃវិធីសាស្រ្ត GO-SPIN ដើម្បីរៀបចំការស្រាវជ្រាវនិងនវានុវត្តន៍ លើទិដ្ឋភាពសំខាន់ៗនៃវិស័យ វ.ប.ន. របស់គម្រោងសម្រាប់អនុវត្តនៅក្នុងប្រទេសកម្ពុជា។
លោក Sardar Umar Alam បានវាយតម្លៃខ្ពស់ដល់ការយកចិត្តទុកដាក់របស់រាជរដ្ឋាភិបាលកម្ពុជាលើវិស័យ វ.ប.ន. និងបានសម្គាល់ថា “ការវិនិយោគលើវិស័យនេះ ពិសេសការគាំទ្រផ្នែកហិរញ្ញវត្ថុសម្រាប់វិទ្យាសាស្ត្រគឺជាអាទិភាព និងជាតម្រូវការបន្ទាន់សម្រាប់ការអភិវឌ្ឍធនធានមនុស្ស និងដើម្បីពង្រឹងការប្រកួតប្រជែងសេដ្ឋកិច្ច និងភាពធន់ទៅនឹងបរិស្ថាន”។ លោកក៏បានគូសបញ្ជាក់ដែរថា ការចាប់ផ្តើមគម្រោង GO-SPIN នៅក្នុងប្រទេសកម្ពុជានឹងជួយជំរុញការលើកកម្ពស់ វ.ប.ន. សម្រាប់ការអភិវឌ្ឍន៍សង្គម-សេដ្ឋកិច្ចប្រកបដោយបរិយាបន្ន។
លោកស្រី Peggy Oti-Boateng បានថ្លែងថា “វិធីសាស្រ្តថ្មីក្នុងការអភិវឌ្ឍ GO-SPIN សម្រាប់បរិបទប្រទេស កម្ពុជានឹងមិនត្រឹមតែប្រមូលព័ត៌មាននិងធ្វើការវិភាគស៊ីជម្រៅលើវិស័យ វ.ប.ន. បច្ចុប្បន្នប៉ុណ្ណោះទេ ប៉ុន្តែក៏ផ្តល់នូវអនុសាសន៍និងការណែនាំជាយុទ្ធសាស្ត្រដល់រដ្ឋាភិបាលកម្ពុជាឆ្ពោះទៅរកការកសាងប្រព័ន្ធអេកូឡូស៊ី វ.ប.ន.ប្រកបដោយចីរភាពផងដែរ។
លោកកិត្តិសេដ្ឋាបណ្ឌិត ចម ប្រសិទ្ធ បានផ្តល់អាទិភាពខ្ពស់ចំពោះការអនុវត្តគម្រោង GO-SPIN នេះ និង បានសង្កត់ធ្ងន់ថា “ការអភិវឌ្ឍ GO-SPIN សម្រាប់បរិបទប្រទេសកម្ពុជាគឺជាអាទិភាពរបស់យើងដែល ជាឧបករណ៍សម្រាប់វាស់កម្រិតនៃភាពជឿនលឿនផ្នែក (វ.ប.ន. )របស់ជាតិនាពេលបច្ចុប្បន្ន និងកំណត់វឌ្ឍនភាពនិងបញ្ហាប្រឈមនានានៃវិស័យនេះនៅកម្ពុជា។ លោកកិត្តិសេដ្ឋាបណ្ឌិត បានជំរុញឱ្យក្រសួង-ស្ថាប័នពាក់ព័ន្ធ សាកលវិទ្យាល័យ វិស័យឯកជន និងអ្នកពាក់ព័ន្ធដទៃទៀតចូលរួមក្នុងបេសកកម្មដ៏សំខាន់នេះ។
ក្រសួង( ឧ.វ.ប.ន. )និងអង្គការយូណេស្កូនឹងរួមគ្នារៀបចំវគ្គបណ្តុះបណ្តាលកសាងសមត្ថភាព និងសិក្ខាសាលាប្រឹក្សាយោបល់នានា ដោយធ្វើការយ៉ាងជិតស្និទ្ធជាមួយបណ្តាក្រសួង-ស្ថាប័ន ដៃគូអភិវឌ្ឍន៍ និងអ្នកពាក់ព័ន្ធផ្សេងទៀតនៅក្នុងវិស័យ វ.ប.នដើម្បីសម្រេចការអភិវឌ្ឍ GO-SPIN សម្រាប់ ប្រទេសកម្ពុជាឱ្យបាននៅចុងឆ្នាំ ២០២១នេះ៕
អត្ថបទ៖ វិមាន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល