Connect with us

ព័ត៌មានអន្ដរជាតិ

មីយ៉ាន់ម៉ា ចង់រៀបចំការបោះឆ្នោត តែលុះត្រាប្រទេសមានសុខសន្តិភាពសិន

បានផុស

នៅ

មីយ៉ាន់ម៉ាដែលកំពុងក្ដោបអំណាចដោយយោធាគ្រោងនឹងរៀបចំការបោះឆ្នោតសកល ប្រសិនបើប្រទេសមានសុខសន្តិភាព និងស្ថិរភាពនយោបាយពេញទី ប៉ុន្តែប្រហែលជាមិនអាចដំណើរការបោះឆ្នោតពេញផ្ទៃពេញប្រទេសនោះទេ  ដោយសារតែយោធាកំពុងច្បាំងទប់ទល់នឹងចលនាបះបោរប្រដាប់អាវុធជាច្រើន ។ នេះបើយោងតាមការចេញផ្សាយដោយទីភ្នាក់ងារព័ត៌មាន Reuters កាលពីថ្ងៃទី២៥ ខែមីនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានេះ មេដឹកនាំយោធាលោក មីន អ៊ុងឡាំង ក៏បានបង្ហើបប្រាប់ទីភ្នាក់ងារព័ត៌មានរុស្ស៊ី TASS នៅក្នុងបទសម្ភាសន៍មួយថា រដ្ឋាភិបាលយោធាដែលឡើងក្ដោបក្ដាប់អំណាច ចាប់តាំងពីរដ្ឋប្រហារទម្លាក់រដ្ឋាភិបាលស៊ីវិលរបស់លោកស្រី អ៊ុងសាន ស៊ូជី កាលពី ៣ ឆ្នាំមុន នៅតែមានចិត្តចង់កាច់ចង្កូតនាវាប្រទេសជាតិឆ្ពោះទៅរកការគ្រប់គ្រងតាមបែបលទ្ធិប្រជាធិបតេយ្យដូចពេលមុនៗដដែល ។

លោក មីន អ៊ុងឡាំង បានបញ្ជាក់បន្ថែមថា “ច្បាស់ណាស់ ប្រសិនបើប្រទេសជាតិមានសុខសន្តិភាព និងស្ថិរភាពនយោបាយពេញដៃ យើងមានផែនការរៀបចំការបោះឆ្នោតសកលនៅក្នុងផ្នែកពាក់ព័ន្ធតាមដែលអាចធ្វើទៅបាន ទោះបីជាការបោះឆ្នោតមិនត្រូវបានប្រព្រឹត្តឡើងនៅទូទាំងប្រទេសក្រោមច្បាប់ក៏ដោយ” ។

ពាក់ព័ន្ធនឹងបញ្ហានេះទៀតសោត ក្រុមអ្នករិះគន់ និងបណ្តាប្រទេសលោកខាងលិចបានអះអាងថា ការបោះឆ្នោតនៅមីយ៉ានម៉ានឹងក្លាយជារឿងអាម៉ាស់មួយ ដោយសារតែគណបក្សជាង ៤០ ត្រូវបានរំលាយទៅហើយ ចាប់តាំងពីរដ្ឋប្រហារ ស្របពេលច្បាប់បង្កើតគណបក្សថ្មីដែលតាក់តែងឡើងដោយយោធា ក៏មានភាពស្មុគស្មាញ និងរឹតត្បិតយ៉ាងខ្លាំងផងដែរ ។

ទោះយ៉ាងណា បច្ចុប្បន្នេះនេះ មីយ៉ាន់ម៉ាមិនអាចរៀបចំការបោះឆ្នោតសកលបាននោះឡើយ ដោយសារតែរដ្ឋាភិបាលយោធាបានបន្តច្បាប់ដាក់ប្រទេសក្នុងស្ថានភាពអាសន្នរយៈពេល ៦ ខែ និងនេះជាច្បាប់អាជ្ញាសឹកលើកទី ៥ ហើយដែលលោក មីន អ៊ុងឡាំង បន្តដាក់ចេញមក ដោយលើកអង្គហេតុថា ស្ដារមុខមាត់ប្រទេសជាតិ និងកម្ទេចដៃគូប្រកួតប្រជែងដែលរដ្ឋាភិបាលយោធាចាត់ទុកជា “ភេរវករ” ។

ប៉ុន្តែចាប់តាំងពីឡើងកាន់អំណាចមក លោក មីន អ៊ុងឡាំង បានប៉ះរលាក និងជួបបញ្ហាក្រពុលមុខជាច្រើន ខណៈក្នុងរយៈពេលប៉ុន្មានខែចុងក្រោយនេះ ក្រុមគាំទ្រលទ្ធិប្រជាធិបតេយ្យ និងសម្ព័ន្ធក្រុមប្រដាប់អាវុធជនជាតិភាគតិច ឬសម្ព័ន្ធបងប្អូន ៣ នាក់មិនទុកឲ្យលោកឧត្តមសេនីយ៍វ័យ ៦៨ ឆ្នាំរូបនេះ ជិះសេះលែងដៃនោះទេ ពោលពួកគេចាប់ផ្ដើមកាន់អាវុធតតាំង និងបើកប្រតិបត្តិការវាយប្រហារ “Operation 1027” ប្រឆាំងនឹងរដ្ឋាភិបាលយោធា ហើយជាលទ្ធផលទាហានទាំងនោះបានបាក់ទ័ពជាបណ្ដើរៗហើយ ។

ជាលទ្ធផលទាហានរបស់រដ្ឋាភិបាលយោធាបានបាក់ទ័ពជាបណ្ដើរៗហើយ ខណៈយន្តហោះចម្បាំងរបស់យោធាថែមទាំងត្រូវបានបាញ់ទម្លាក់ ហើយទាហានជិត ២,៤០០ នាក់នៅក្នុងទីក្រុងដែលជាប់នឹងប្រទេសចិននៅភាគខាងជើង និងភាគខាងត្បូងរដ្ឋ Shan ត្រូវបង្ខំចិត្តទម្លាក់អាវុធសុំចុះចាញ់ និងរត់ប្រាស់អាយុទៅកាន់ប្រទេសជិតខាងដូចជា ឥណ្ឌាជាដើម ។

គួរបញ្ជាក់ថា យោងតាមរបាយការណ៍ពី UN មនុស្សជាង ១,៥០០ នាក់ស្លាប់បាត់បង់ជីវិត ចាប់តាំងពីរដ្ឋប្រហារយោធា និងការបង្ក្រាបដោយហិង្សាលើអ្នកគាំទ្រលទ្ធិប្រជាធិបតេយ្យក្នុងរយៈពេល ៣ ឆ្នាំមកនេះ ។ ក្នុងនោះពលរដ្ឋជាង ២.៣ លាននាក់ត្រូវបង្ខំចិត្តចាកចេញពីផ្ទះសម្បែង ខណៈជិត ២៦,000 នាក់ត្រូវចាប់ឃុំខ្លួនដោយហេតុផលនយោបាយ និងជិត ២០,០០០ នាក់រងការធ្វើទារុណកម្ម និងការរំលោភបំពាននៅក្នុងមន្ទីរឃុំឃាំង ៕

ដោយ ៖ សុខ ជីវ័ន្ត

ចុចអាន ៖ លោក ថាក់ស៊ីន គ្រោងនឹងអញ្ជើញទៅស្នាក់ការបក្សភឿថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ ម៉ោង មុន

ស្លាប់​កម្មករ​ម្នាក់ របួសធ្ងន់​ស្រាល​៣​នាក់​ក្នុង​ករណី​បាក់​ជញ្ជាំង​អាង​ស្តុក​ទឹក នៅសង្កាត់​គោក​រកា

ព័ត៌មានជាតិ២ ម៉ោង មុន

លោក​បណ្ឌិត លី ធុជ ដឹកនាំ​កិច្ចប្រជុំ​តាម​ប្រព័ន្ធ​អន​ឡាញ ដើម្បី​ជំរុញ​កិច្ចសហប្រតិបត្តិការ និង​ពង្រឹង​អនុលោមភាព​នៃ​អនុសញ្ញា​អូ​តា​វ៉ា​ក្នុងចំណោម​រដ្ឋ​ភាគី​

ព័ត៌មានជាតិ២ ម៉ោង មុន

កុំ​ភ្លេច​ត្រៀម CV! ស្អែក​នេះ ឱកាស​ការងារ​ថ្មី​បន្ថែមទៀត​ជិត ៥០០ កន្លែង​ក្នុង​វេទិកា​ការងារ​របស់ NEA

ព័ត៌មានជាតិ២ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៥ ម៉ោង មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

ព័ត៌មានជាតិ៤ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៦ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម