កីឡា

អតីតជម្រើសជាតិ សាយ ពិសិដ្ឋ ដឹកនាំក្រុមអន្តោប្រវេសន៍ឈ្នះជើងឯកក្រសួងមហាផ្ទៃ

បានផុស

១ year មុន

នៅ

ថ្ងៃអង្គារ ២៦ មីនា ២០២៤

ដោយ

ក្រុមបាល់ទាត់អន្តោប្រវេសន៍បានក្លាយជាម្ចាស់ជើងឯកបាល់ទាត់ក្រសួងមហាផ្ទៃ លើកទី១ ឆ្នាំ២០២៤ បន្ទាប់បានយកឈ្នះក្រុមអគ្គស្នងការដ្ឋាននគរបាលជាតិដោយលទ្ធផល ៣-០ ក្នុងវគ្គផ្តាច់ព្រ័ត្រ កាលពីយប់ថ្ងៃទី២៥ ខែមីនា ឆ្នាំ២០២៤ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណាត់ថ្នាក់លេខ៣បានទៅក្រុមអគ្គនាយកដ្ឋានអត្តសញ្ញាណកម្ម តាមរយៈជ័យជម្នះ ៤-២ លើក្រុមអគ្គនាយកដ្ឋានពន្ធនាគារ។

ក្រុមបាល់ទាត់អគ្គនាយកដ្ឋានអន្តោប្រវេសន៍ទទួលបានជ័យជម្នះនេះស្ថិតក្រោមការដឹកនាំរបស់លោកគ្រូបង្វឹក សាយ ពិសិដ្ឋ ដែលជាអតីតខ្សែការពារជម្រើសជាតិកម្ពុជា និងក្លិបបាល់ទាត់ក្រសួងមហាផ្ទៃ។ លោកធ្លាប់ជាខ្សែការពារដ៏ល្អម្នាក់ក្នុងក្រុមបាល់ទាត់ជម្រើសជាតិកម្ពុជាពីឆ្នាំ២០១១រហូតដល់ឆ្នាំ២០១៦។ បន្ទាប់ពីចូលនិវត្តន៍នៅឆ្នាំ២០២៣ លោកបានអភិវឌ្ឍខ្លួនក្លាយជាគ្រូជំនួយក្រុមបាល់ទាត់ក្រសួងមហាផ្ទៃដែលកំពុងលេងក្នុងលីគកម្ពុជាទី២។

នេះអាចចាត់ទុកជាគ្រូប្អូនដឹកនាំយកឈ្នះគ្រូច្បង ដោយសារក្រុមបាល់ទាត់អគ្គស្នងការដ្ឋាននគរបាលជាតិដឹកនាំដោយលោក អ៊ុង កនយ៉ានិត ដែលជាគ្រូបង្វឹកមានបទពិសោធច្រើនធ្លាប់ដឹកនាំក្រុមអគ្គស្នងការដ្ឋាននគរបាលជាតិក្នុងលីគកំពូលកម្ពុជា ពានរង្វាន់សម្តេចតេជោ ហ៊ុន សែន និងធ្លាប់ជាគ្រូជំនួយជម្រើសជាតិកម្ពុជា។

ជាមួយគ្នានេះ ក្រុមអគ្គនាយកដ្ឋានអន្តោប្រវេសន៍មានកីឡាករវ័យក្មេងច្រើនដែលធ្វើឲ្យការបង្ហាញខ្លួននៅលើទីលានល្អប្រសើរជាងក្រុមអគ្គស្នងការដ្ឋាននគរបាលជាតិដែលភាគច្រើនមានកីឡាករវ័យចំណាស់។

ពានរង្វាន់មិត្តភាពក្រសួងមហាផ្ទៃ លើកទី១នេះមាន១៥ក្រុមចូលរួមប្រកួតដោយបានបែងចែកជា៤ពូលគឺពូល A B C មាន៤ក្រុមដូចគ្នា ខណៈពូល D មាន៣ក្រុម។ ការប្រកួតធ្វើនៅទីលានសាកលវិទ្យាល័យ AUPP ប៉ុន្តែពិធីបើក-បិទ និងការប្រកួតវគ្គផ្តាច់ព្រ័ត្រ ប្រារព្ធនៅពហុកីឡដ្ឋានជាតិអូឡាំពិក តាំងពីថ្ងៃទី១ ខែមីនា និងបិទបញ្ចប់នៅថ្ងៃទី២៥ ខែមីនា ឆ្នាំ២០២៤ ក្រោមអធិបតីភាពឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ។

ជយលាភី