ព័ត៌មានជាតិ
ព្រះចៅអធិការវត្តសំបួរមាស បំភ្លឺការចោទប្រកាន់ការធ្វើអាជីវកម្មក្នុងវត្ត
ក្រោយមានប្រតិកម្ម ដោយមានចោទប្រកាន់វត្តសំបួរមាសក្នុងខណ្ឌដង្កោ មានការធ្វើអាជីវកម្មលើមណរៈទុក្ខគ្រួសារសព។
លោក អុឹម បុរិន្ទ អគ្គលេខាធិការរងគណៈកម្មការរៀបចំបុណ្យជាតិ-អន្តរជាតិ និងជាអ្នកដឹកនាំគណៈកម្មាធិការស្រាវជ្រាវវិជ្ជាហោរាសាស្ត្រ និងប្រពៃណីទំនៀមទំលាប់ខ្មែរ បានថ្លែងរិះគន់វត្តសំបួរមាសបានធ្វើអាជីវកម្មលើមណរៈទុក្ខគ្រួសារសព ហើយគ្រួសាររបស់លោកជាជនរងគ្រោះក្នុងហេតុការណ៍នោះ។
យ៉ាងណាមិញព្រះគ្រូសីលវង្សា កុង ពិសី ព្រះគ្រូចៅអធិការវត្តសំបួរមាសស្ថិតក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ មានសង្ឃដីកាបំភ្លឺថា កាលពីថ្ងៃទី ១៧ និង១៨ខែមិថុនា ឆ្នាំ២០២១ កន្លងទៅ ឯកឧត្តម អុឹម បុរិន្ទ បានសុំទីកន្លែងឈាបនដ្ឋានវត្តសំបួរមាស សម្រាប់តម្កល់សពកូនស្រីរបស់លោកឈ្មោះ អឹម ប៊ុណ្ណារី ដើម្បីប្រារព្ធពិធីបុណ្យតាមប្រពៃណីជាតិខ្មែរ។ ដោយឡែកនៅពេលថ្មីៗនេះ មានការបង្ហោះជាសំណេរនៅលើបណ្តាញសង្គម គណនីឈ្មោះ អុឹម បុរិន្ទ អ្នកហោរាសាស្ត្រខ្មែរ បានបង្ហោះពីតម្លៃក្នុងពិធីបុណ្យសពកូនស្រីដូចជារថយន្តដឹកសព ៨០ដុល្លារ ឈាបនដ្ឋានបូជា ៧០០ដុល្លារ ក្នុងនោះមានក្ដារមឈូសធ្វើអំពីក្តារកុងផ្លាកេមួយសម្រាប់ដាក់សព។
ចំពោះការចោទប្រកាន់ខាងលើនេះ ព្រះគ្រូចៅអធិការវត្តសំបួរមាសច្រានចោល ព្រោះវត្តមិនមានសេវាកម្មពិធីការរៀបចំបុណ្យសពឡើយ។
បើតាមព្រះគ្រូចៅអធិការ វត្តមានតែសាលាសម្រាប់តម្កល់សព និងឈាបនដ្ឋានសម្រាប់បូជាសពប៉ុណ្ណោះ។ អ្នកម៉ៅការពិធីបុណ្យសពកូនឯកឧត្តម អុឹម បុរិន្ទ បានប្រគេនបច្ច័យសម្រាប់វត្តចំនួន ១.០០០.០០០ (មួយលានរៀល) តែប៉ុណ្ណោះ។ ផ្ទុយទៅវិញការចំណាយដែល ឯកឧត្តម បានលើកឡើងក្នុងសំណេរមិនមែនជាការកំណត់របស់វត្តឡើយ។ តាមរយៈការសាកសួរអ្នកពាក់ព័ន្ធបានបំភ្លឺថា ឯកឧត្តម អុឹម បុរិន្ទ បានទាក់ទងជាមួយពិធីការរៀបចំបុណ្យសពពីខាងក្រៅ ក្នុងនោះឡានដឹកសព មឈូស ផ្កាកាលានពីរ ផ្កាតាំងរូបថតមួយ ដែលអ្នកពិធីការទៅជាកញ្ចប់ក្នុងនោះបូករួមទាំងថ្លៃបូជា និងកន្លែងតម្កល់ក្នុងកញ្ចប់សេវាកម្មរបស់គេផ្ទាល់ ដែលធ្វើឱ្យឯកឧត្តម អុឹម បុរិន្ទ យល់ច្រឡំថាជាការកំណត់តម្លៃរបស់វត្តសំបួរមាស។
ការបកស្រាយនេះ ព្រះគ្រូចៅអធិការសង្ឃឹមថា ពុទ្ធបរិស័ទ សាធារណៈជនតាមបណ្តាញសង្គមមេត្តាជ្រាបថាវត្តសំបួរមាស ស្ថិតក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ មិនមានការធ្វើអាជីវកម្មឬការរកស៊ីជួញដូរដូចការបង្ហោះតាមបណ្តាញសារព័ត៌មានឡើយ។
ព្រះតេជគុណ ចឺប ជាងបាន គ្រូសូត្រស្តាំនិងជាជំនួយការព្រះចៅអធិការវត្តសំបួរមាស មានសង្ឃដីកាប្រាប់សារព័ត៌មានកម្ពុជាថ្មីថា ខាងវត្តមានរៀបចំតារាងតម្លៃបូជាសពដើម្បីផ្តល់ជាព័ត៌មាន កុំឲ្យពុទ្ធបរិស័ទមានការយល់ច្រឡំ។ ព្រះអង្គមានសង្ឃដីកាបន្ថែមថា សម្រាប់ជនក្រីក្រក៏វត្តមានការបូជាដោយតម្លៃអនុគ្រោះដែរ៕
អត្ថបទ៖ ប៊ុណ្ណារ៉ា
-
ព័ត៌មានជាតិ២៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល