ព័ត៌មានជាតិ

នគរបាលខណ្ឌដង្កោ បន្តផ្សព្វផ្សាយអំពីផលប៉ះពាល់គ្រឿងញៀន ការប្រើប្រាស់បារីអេឡិចត្រូនិក និង បញ្ហាក្មេងទំនើង

បានផុស

២ ខែ មុន

នៅ

ថ្ងៃព្រហស្បតិ៍ ២៧ កុម្ភៈ ២០២៥

ដោយ

នគរបាលប៉ុស្តិ៍ក្រាំងពង្រ ចុះផ្សព្វផ្សាយផលប៉ះពាល់គ្រឿងញៀន ការប្រើប្រាស់បារីអេឡិចត្រូនិក បញ្ហាក្មេងទំនើង និងណែនាំពីច្បាប់ចរាចរណ៍ដល់សិស្សានុសិស្សនៅសាលាបឋមសិក្សាក្រាំងពង្រ ឲ្យមានការយល់ដឹងបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះផ្សព្វផ្សាយនេះបានធ្វើឡើងកាលពីព្រឹកថ្ងៃទី ២៧ ខែកុម្ភៈ ឆ្នាំ ២០២៥ នេះ ដឹកនាំដោយ លោកវរសេនីយ៍ត្រី ទន់ ហឿន នាយប៉ុស្តិ៍នគរបាលរដ្ឋបាលសង្កាត់ក្រាំងពង្រ បានបន្តអនុវត្តតាមទិសដៅរបស់លោកឧត្តមសេនីយ៍ឯក ជួន ណារិន្ទ ស្នងការនគរបាលរាជធានីភ្នំពេញ ក្នុងការចុះផ្សព្វផ្សាយផលប៉ះពាល់ការប្រើប្រាស់សារធាតុញៀន បារីអេឡិចត្រូនិក បញ្ហាក្មេងទំនើង បញ្ជ្រាបទៅកាន់សិស្សានុសិស្ស ដើម្បីជៀសឆ្ងាយពីបញ្ហាទាំងអស់នេះ។

លោកវរសេនីយ៍ត្រី ទន់ ហឿន នាយប៉ុស្តិ៍នគរបាលរដ្ឋបាលសង្កាត់ក្រាំងពង្រ បានឲ្យដឹងថា ការអប់រំផ្សព្វផ្សាយផលប៉ះពាល់គ្រឿងញៀន បារីអេឡិចត្រូនិក បញ្ហាក្មេងទំនើង គឺជាកាតព្វកិច្ចរបស់អាជ្ញាធរ ត្រូវតែចុះផ្សព្វផ្សាយទៅកាន់មនុស្សគ្រប់មជ្ឈដ្ឋាន ដែលជាកត្តាចម្បងមួយផ្នែកធំ ដើម្បីបញ្ជ្រាបអំពីផលប៉ះពាល់ទៅកាន់សិស្សានុសិស្សគ្រប់រូបដែលជាទំពាំងសម្រាប់ស្នងឫស្សី។

ជាមួយនេះ លោកវរសេនីយ៍ត្រី ទន់ ហឿន ក៏បានសំណូមពរទៅកាន់លោកគ្រូអ្នកគ្រូ ត្រូវសហការជាមួយអាណាព្យាបាលរបស់សិស្សគ្រប់រូប ត្រួតពិនិត្យការសិក្សារបស់កូនៗ ឲ្យបានជាប់លាប់ និងទូន្មានជៀសឲ្យឆ្ងាយពីគ្រឿងញៀន ដើម្បីក្លាយជាកូនល្អសម្រាប់គ្រួសារ និងយុវជនគំរូរបស់សង្គម៕

អត្ថបទ ៖ រដ្ឋា