ព័ត៌មានជាតិ

អាជ្ញាធរសង្កាត់ដង្កោ ចុះធ្វើកិច្ចសន្យាលើទីតាំងអេតចាយ ២ កន្លែង រំលោភផ្លូវសាធារណៈ

បានផុស

១ year មុន

នៅ

ថ្ងៃចន្ទ ១៧ មីនា ២០២៥

ដោយ

ប្រជាពលរដ្ឋមួយចំនួនតូច នៅតែមិនស្តាប់ការណែនាំរបស់អាជ្ញាធរ បានរំលោភយកចំណីផ្លូវសាធារណៈដាក់តាំងសម្ភារៈធ្វើឲ្យប៉ះពាល់សណ្ដាប់ធ្នាប់ និងបរិស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅព្រឹកថ្ងៃទី ១៧ ខែមីនា ឆ្នាំ ២០២៥ លោក ប៉ែន ហាន សមាជិកក្រុមប្រឹក្សាសង្កាត់ តំណាងលោកស្រី សឿង សេរី ចៅសង្កាត់ដង្កោ បានដឹកនាំកម្លាំងប្រជាការពារសង្កាត់ចុះរៀបចំសណ្ដាប់ធ្នាប់ និងធ្វើកិច្ចសន្យាទៅលើម្ចាស់ទីតាំងអេតចាយចំនួន ២ កន្លែង ក្នុងភូមិបាគូ ដែលមិនអនុវត្តតាមការជូនដំណឹងរបស់រដ្ឋបាលសង្កាត់ស្ដីពីការរៀបចំសណ្ដាប់ធ្នាប់តាមផ្លូវសាធារណៈ។

អាជ្ញាធរបានឲ្យដឹងថា កន្លងមកកម្លាំងសណ្ដាប់ធ្នាប់តែងតែចុះរៀបចំ និងណែនាំម្ចាស់ទីតាំងអេតចាយ និងតាមផ្ទះ ទុកដាក់សម្ភារៈឲ្យបានត្រឹមត្រូវ ជៀសវាងដាក់ហួសចូលចំណីផ្លូវសាធារណៈប៉ះពាល់សណ្ដាប់ធ្នាប់ បរិស្ថាន បង្កការកកស្ទះចរាចរណ៍ ឬ គ្រោះថ្នាក់ជាយថាហេតុ។

អាជ្ញាធរបានឲ្យដឹងបន្តថា ដោយឃើញថា ទីតាំងចំនួន ២ ខាងលើ មិនអនុវត្តតាមការណែនាំ ទើប លោកស្រីចៅសង្កាត់ បានចាត់តាំងឲ្យកម្លាំងចុះធ្វើកិច្ចសន្យាបញ្ឈប់សកម្មភាពបែបនេះតទៅទៀត៕

អត្ថបទ ៖ សុខា