ព័ត៌មានជាតិ

មន្ត្រីយោធាស័ក្តិ៣ម្នាក់ដេកស្លាប់លើអង្រឹងនៅកន្លែងធ្វើការដោយគ្មានអ្នកណាដឹង

បានផុស

៥ years មុន

នៅ

ថ្ងៃពុធ ២១ កក្កដា ២០២១

ដោយ

មន្ត្រីយោធាម្នាក់បានដេកស្លាប់នៅក្នុងអង្រឹងនៅកន្លែងប៉ុស្តិ៍យាមទប់ស្កាត់ពលករឆ្លងដែនខុសច្បាប់នៅព្រំប្រទល់ ខេត្តបន្ទាយមានជ័យ និងខេត្តឧត្តរមានជ័យ គេប្រទះឃើញសពដេកស្លាប់ នៅវេលាម៉ោង៦និង៣០នាទីព្រឹកថ្ងៃទី២១ខែកក្កដា ឆ្នាំ២០២១ ។

នគរបាលស្រុកថ្មពួក បានឲ្យដឹងថាជនរងគ្រោះដែលដេកស្លាប់មាន ឈ្មោះជិន ឈុត ឋានន្តរស័ក្តិអនុសេនីយ៍ឯក(ស័ក្តិ៣) ឋានៈជាមេបញ្ជាការរង កងអនុសេនាធំទី២ កងឯកភាពតំបន់ប្រតិបត្តិការសឹករងបន្ទាយមានជ័យ។

នគរបាលស្រុកថ្មពួក បានឲ្យដឹងថាបានបញ្ជាក់ឲ្យដឹងបន្តទៀតថាម៉ោង៦និង៣០នាទីព្រឹកថ្ងៃទី២១គេប្រទះឃើញគាត់ដេកស្លាប់លើអង្រឹងនៅកន្លែងប៉ុស្តិ៍យាមត្រួពិនិត្យទប់ស្កាត់ពលករឆ្លងដែនខុសច្បាប់ នៅព្រំប្រទល់ខេត្តបន្ទាយមានជ័យនិងខេត្តឧត្តរមានជ័យ ក្នុងនោះមានកងកម្លាំងនគរបាលវរសេនាតូចការពារព្រំដែនគោកលេខ៨០៧និងកម្លាំងយោធា៦នាក់នៅជាមួយផងដែរ។

នគរបាលបានបញ្ជាក់ឲ្យដឹងបន្តថា ករណីមន្ត្រីយោធាដេកស្លាប់គ្មានអ្នកណាបានដឹងនោះបើតាមការអះអាងឲ្យដឹងពីក្រុមគ្រួសារសព មុនពេលស្លាប់ប្តីរបស់គាត់បានទៅផ្ទះហើយប្រាប់ថា មិនស្រួលខ្លួនមានអាការៈឈឺក្បាល បន្ទាប់មកគាត់បានកោសខ្យល់ឲ្យ រួចក៏ត្រឡប់មកកន្លែងធ្វើការវិញ លុះព្រឹកឡើងលឺដំណឹងថា ប្តីគាត់ស្លាប់។

ក្នុងនោះគេបានរាយការណ៍ទៅនគរបាលជំនាញ ក៏ដូចជាគ្រូពេទ្យចុះមកដើម្បីពិនិត្យលើខ្លួនសព។នគរបាលបានបន្តថា សពជនរងគ្រោះ គ្រូពេទ្យបានធ្វើការយកសំណាកតេស្តរកមេរោគកូវីត.១៩លទ្ធផលអវិជ្ជមាន(-) ។បើពិនិត្យលើដងខ្លួនសព ពុំឃើញមានស្លាកស្នាមអ្វីពាក់ព័ន្ធនឹងបទល្មើសទេតាម ការអះអាងរបស់គ្រូពេទ្យ បញ្ជាក់ថា មន្ត្រីយោធាដែលស្លាប់នេះគាត់កើតជម្ងឺខ្វះជាតិស្ករសពត្រូវបានប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណីហើយផងដែរ៕

ដោយ ៖ វ៉ាន់ ណាង

Related Topics:ដេកស្លាប់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា