ព័ត៌មានជាតិ
ថៅកែ រំលោភកូនឈ្នួលអាយុ១៧ឆ្នាំ ត្រូវសមត្ថកិច្ចឃាត់ខ្លួន
បុរសម្នាក់ ត្រូវបានកម្លាំងសមត្ថកិច្ចនគរបាលខណ្ឌដង្កោ ចាប់ឃាត់ខ្លួន កាលពីថ្ងៃទី២៤ ខែវិច្ឆិកា ឆ្នាំ២០២០ នៅត្រង់ចំណុចផ្ទះលេខ១០E0 ផ្លូវលេខ២C បុរីពិភពថ្មី ភូមិថ្មីសង្កាត់ដង្កោ ខណ្ឌដង្កោ រាជធានីភ្នំពេញ ក្នុងករណីចាប់រំលោភកូនឈ្នួលខ្លួនឯង។
សមត្ថកិច្ចបានឲ្យដឹងថា ជនរងគ្រោះឈ្មោះ ម ស.ស ភេទស្រី អាយុ១៧ឆ្នាំ ជនជាតិខ្មែរ មុខរបរ អ្នកបម្រើតាមផ្ទះ ស្នាក់នៅផ្ទះកើតហេតុ ចំណែកជនសង្ស័យឈ្មោះ ឆោម ចាន់វិចិត្រ ភេទប្រុស អាយុ៣៣ឆ្នាំ ជនជាតិខ្មែរ មុខរបរអាជីវករ មានទីលំនៅផ្ទះកើតហេតុជាមួយគ្នា។ នៅក្នុងហេតុការណ៍នោះផងដែរ សមត្ថកិច្ចបានចាប់យកវត្ថុតាងរថយន្ត ១គ្រឿង ម៉ាក FORD RANGER ពណ៌ស សេរីឆ្នាំ២០១៩ ពាក់ស្លាកលេខ ភ្នំពេញ 2BC-5652 ។
សមត្ថកិច្ចប្រាប់បញ្ជាក់ឲ្យដឹងបន្តថា កាលពីវេលាម៉ោង០០ និង៥០នាទីឈានចូលថ្ងៃទី២៤ ខែវិច្ឆិកា ឆ្នាំ២០២០ ជនរងគ្រោះ កំពុងតែដេកនៅជាន់ផ្ទាល់ដី ម្នាក់ឯង ស្រាប់តែជនសង្ស័យជាម្ចាស់ផ្ទះ បានមកពីខាងក្រៅលូកដៃដោះសោ ដែលទំពក់ជាប់នឹងទ្វារខាងមុខ រួចដើរចូលមកក្នុងផ្ទះ។ ពេលនោះជនសង្ស័យ ក៏បានចាប់ដៃស្តាំរបស់ជនរងគ្រោះ ទាញអោបធ្វើសកម្មភាពរំលោភសេពសន្ថវៈ លើជនរងគ្រោះបានសម្រេច។ ពេលជនសង្ស័យធ្វើសកម្មភាពរំលោភសេពសន្ថវៈនោះ ជនរងគ្រោះពុំបានហ៊ានរើបម្រះ និងស្រែកឲ្យអ្នកដទៃជួយទេ ដោយសារជនរងគ្រោះខ្លាច ជនសង្ស័យសម្លាប់ចោល។ ពេលជនសង្ស័យរំលោភបានសម្រេចហើយ ក៏បានដើរឡើងទៅចូលដេក ក្នុងបន្ទប់ដេកជាមួយប្រពន្ធរបស់ជនសង្ស័យដូចធម្មតា ។
បន្ទាប់មកជនរងគ្រោះ ក៏បានបើកទ្វាររត់ចេញមកខាងក្រៅផ្ទះ ហើយទូរស័ព្ទទៅប្រាប់បងប្រុសបង្កើត ហើយបានដាក់ពាក្យបណ្តឹង នៅប៉ុស្តិ៍នគរបាលរដ្ឋបាលដង្កោ ដើម្បីឲ្យសមត្ថកិច្ចជួយអន្តរាគមន៍។ ក្រោយទទួលបានពាក្យបណ្តឹងភ្លាមៗលោកវរសេនីយ៍ឯក ជឹម ស៊ីថា អធិការខណ្ឌដង្កោ បានបញ្ជាកម្លាំងចុះឃាត់ខ្លួន ជនសង្ស័យយកមកធ្វើការសាកសួរបាន នៅវេលាម៉ោង៤ និង៤០នាទីទៀបភ្លឺ ថ្ងៃខែឆ្នាំដដែល។
ក្រោយពីធ្វើការសាកសួរ ជនសង្ស័យបានឆ្លើយសារភាពប្រាប់សមត្ថកិច្ចថា រូបគេ (ជនសង្ស័យ) ពិតជាបានធ្វើសកម្មភាពរំលោភសេពសន្ថវៈលើជនរងគ្រោះប្រាកដមែន។ ដោយឡែកកាលពីថ្ងៃទី៧ ខែវិច្ឆិកា ឆ្នាំ២០២០ វេលាម៉ោង២២ និង៣០នាទី រូបគេក៏ធ្លាប់បានធ្វើសកម្មភាព ប៉ុនប៉ងរំលោភសេពសន្ថវៈលើជនរងគ្រោះម្តងដែរ តែមិនបានសម្រេចនោះទេ។ បច្ចុប្បន្នជនសង្ស័យកំពុងឃុំខ្លួននៅអធិការដ្ឋាននគរបាលខណ្ឌដង្កោ ដើម្បីកសាងសំណុំរឿងបញ្ជូនទៅតុលាការផ្តន្ទាទោសតាមនីតិវិធី ៕
អត្ថបទ៖ រ៉ាវុទ្ធ
សូមចុចអាន៖ ឃាត់អ្នកបើកបររថយន្តធុនធំ៥នាក់ ដោយសារមានសារធាតុញៀនក្នុងខ្លួន
កិច្ចពិគ្រោះយោបល់លើសេចក្ដីសេចក្ដីព្រាងច្បាប់ស្ដីពីការគ្រប់គ្រងវិស័យអប់រំកាយ និងកីឡា
ក្រុមកីឡាបាល់បោះ Yuetai Mekongers គ្រងតំណែងជើងឯកលីក “league” ឆ្នាំ២០២០
ព្រះសង្ឃមួយអង្គ យកខ្សែភ្លើងចង.កបញ្ចប់ជីវិត ក្នុងកុដិ
រដ្ឋមន្ត្រីកសិកម្មជំរុញឲ្យសហគមន៍ព្រៃឈើបង្កើនការចិញ្ចឹមសត្វ ត្រី និងដាំបន្លែបន្ថែមដើម្បីបង្កើនប្រភពចំណូល
លោកចម ប្រសិទ្ធ អំពាវនាវឲ្យអ្នកវិនិយោគឥណ្ឌាមកបណ្តាក់ទុននៅកម្ពុជាលើវិស័យអាទិភាពជាច្រើនកំពុងតែរង់ចាំ
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ7 days agoធ្លាយវីដេអូសម្ងាត់ គ្រូពេទ្យក្រុងអ៊ូហានសារភាពថា ពួកគេត្រូវបានប្រាប់ឲ្យនិយាយកុហកអំពីវីរុសកូរ៉ូណា
-
ព័ត៌មានអន្ដរជាតិ1 week ago១០ ប្រទេសដែលមិនទាន់មានការឆ្លងកូវីដសូម្បីមួយករណី
-
ព័ត៌មានជាតិ1 week agoស្គាល់តាមហ្វេសប៊ុក សង្ឃមួយអង្គលួចរួមភេទជាមួយក្មេងស្រីអាយុ១៥ឆ្នាំ នៅក្នុងបន្ទប់ទឹកវត្ត
-
ព័ត៌មានជាតិ7 days agoមិនធ្លាប់មាន អគាររដ្ឋដំបូងគេមានកម្ពស់ ៣៥ ជាន់ លើផ្លូវព្រះនរោត្តម បានបញ្ចប់ការសាងសង់ទាំងស្រុង
-
ព័ត៌មានជាតិ1 week agoសម្តេច ស ខេង ៖ បញ្ហាធំៗមួយចំនួន នឹងអាចកើតឡើងនាពេលខាងមុខ
-
ព័ត៌មានអន្ដរជាតិ7 days agoថៃបង្ក្រាបទីតាំងផលិតសាប៊ូដុសមុខក្លែងក្លាយ កំពុងលក់ដាច់លើអនឡាញ ដែលប៉ះពាល់ដល់ស្បែក
-
ព័ត៌មានជាតិ1 week agoមកស្គាល់អគារខ្ពស់ៗជាងគេ ទាំង ១០ នៅរាជធានីភ្នំពេញ
-
ព័ត៌មានជាតិ7 days agoសមត្ថកិច្ចចម្រុះដកថយក្រោយពិនិត្យផលិតផលទឹកដោះគោwakodo មានគុណភាពស្តង់ដា
