តខ្សែភ្លើងបូមទឹកស្រោចដំណាំ ​ប៉ះចំខ្សែដាច់រលាត់​ឆក់ស្លាប់ភ្លាមៗ​នៅក្នុងចម្ការម្ទេស

ស្ត្រីវ័យចំណាស់ម្នាក់ដែលជាកសិករ បានស្លាប់ភ្លាមៗនៅក្នុងចំការម្ទេស ខណ:ដែលជនរងគ្រោះបានសារខ្សែភ្លើងដើម្បីផ្លាស់ប្តូរកន្លែងស្រោចដំណាំ ក៏បានប៉ះទៅលើខ្សែដែលមានស្នាមដាច់រលាត់បណ្តាលឱ្យឆក់តែម្តង​។

ហេតុការណ៍នេះបានកើតឡើងនៅថ្ងៃទី០៦ ខែ សីហាឆ្នាំ ២០២១ វេលាម៉ោង ១០៖៤៥នាទីព្រឹក នៅចំណុច​ក្រុមទី៥ ភូមិរបស់មង្គល ឃុំរបស់មង្គល ស្រុកមោងឫស្សី ខេត្តបាត់ដំបង ដោយសារតែមានករណីឆក់ខ្សែរភ្លើងបង្កះអោយមានមនុស្សស្លាប់។

ជនរងគ្រោះមានឈ្មោះ ប្រឹម ឈង ភេទស្រីអាយុ៦៤ឆ្នាំ រស់នៅភូមិកើតហេតុខាងលើត្រូវបានឆក់ខ្សែរភ្លើងបណ្ដាលឱ្យស្លាប់បាត់បង់ជីវិត តាមការចុះពិនិត្យដល់កន្លែងកើតហេតុពីសំណាក់កម្លាំងសមត្ថកិច្ចបានសង្គេតឃើញថា មូលហេតុគឺជនរងគ្រោះបានតខ្សែភ្លើងដើម្បីបូមទឹកស្រោចដំណាំម្ទេសនៅពេលស្រោចបានពាក់​កណ្ដាលចំការក៏សារខ្សែភ្លើងដើម្បីយកទៅស្រោចមួយកន្លែងទៀតប៉ុន្តែត្រូវបានប៉ះដៃចំកន្លែងដែលខ្សែភ្លើងដាច់រលាត់ក៏ឆក់ស្លាប់តែម្ដង ដោយបច្ចុប្បន្ននេះសពត្រូវបានសមត្ថកិច្ចជំនាញប្រគល់ទៅឱ្យក្រុមគ្រួសាររៀប​ចំធ្វើបុណ្យហើយ៕

អត្ថបទ : សោ និយមរ័ត្ន