សន្តិសុខសង្គម

អធិការកិច្ចក្រសួងការងារ ចុះពិនិត្យសិប្បកម្មធ្វើនំ ១ កន្លែង នៅខណ្ឌពោធិ៍សែនជ័យ ក្រោយមានកម្មករឆក់ខ្សែភ្លើងស្លាប់

បានផុស

៨ ខែ មុន

នៅ

ថ្ងៃសុក្រ ១០ តុលា ២០២៥

ដោយ

កាលពីវេលាម៉ោង ៨ និង ៣០ នាទីព្រឹក ថ្ងៃទី ១០ ខែតុលា ឆ្នាំ ២០២៥ ក្រុមការងារអធិការកិច្ច ក្រសួងការងារ បានចុះទៅសួរនាំ និងពិនិត្យទីតាំងរោងចក្រធុនតូចផលិតនំស្រួយ TT ១ កន្លែង នៅខណ្ឌពោធិ៍សែនជ័យ ក្រោយមានកម្មករឆក់ខ្សែភ្លើងស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះសួរនាំ និងពិនិត្យនេះ ក្រោយមានយុវជនម្នាក់ ជាកម្មករ បានឆក់ខ្សែភ្លើងស្លាប់ កាលពីវេលាម៉ោង ១០ និង ៤០ នាទីព្រឹក ថ្ងៃទី ៩ ខែតុលា ឆ្នាំ ២០២៥ ក្នុងសិប្បកម្មធ្វើនំ យីហោ TT ស្ថិតនៅតាមផ្លូវបេតុង ភូមិព្រៃជីសាក់ សង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ។ ជនរងគ្រោះឈ្មោះ ផុន ដាណា ភេទប្រុស អាយុ ១៧ ឆ្នាំ ជាកម្មករសិប្បកម្មផលិតនំ TT ស្នាក់នៅភូមិកើតហេតុ មានស្រុកកំណើតនៅឯខេត្តពោធិ៍សាត់។

តាមប្រភពព័ត៌មានបានឲ្យដឹងថា ជនរងគ្រោះ បានឆក់ចរន្តអគ្គិសនីនៅកន្លែងធ្វើការស្លាប់ភ្លាមៗ នៅកន្លែង ហើយត្រូវបានម្ចាស់ទីតាំងព្យាយាមបិទបាំងព័ត៌មាន មិនហ៊ានរាយការណ៍ទៅសមត្ថកិច្ចភ្លាមៗ ទេ។ ម្យ៉ាងទៀត ដោយជនរងគ្រោះជាអនីតិជន សុខចិត្តហៅជួលរថយន្តឯកជន ១ គ្រឿង ពណ៌ស ពាក់ស្លាកលេខ ភ្នំពេញ 2F-7954 ដឹកសពយកទៅវត្ត ហើយក៏មិនហ៊ានដាក់ចុះពីរថយន្តដែរ ទុករហូតដល់រសៀលថ្ងៃដដែល ទើបរាយការណ៍ទៅសមត្ថកិច្ចចុះទៅពិនិត្យ។

ប្រភពព័ត៌មានដដែលបន្តថា ការស្លាប់របស់យុវជនខាងលើ ទាំងម្ចាស់ទីតាំង ទាំងអ្នករកស៊ីដឹកសព ហាក់បីដូចជាលាក់បាំងព័ត៌មាន អូសបន្លាយច្រើនម៉ោង ទើបរាយការណ៍ជាក្រោយ ដើម្បីឲ្យជំនាញពិនិត្យកោសល្យវិច័យ មុននឹងដឹកយកទៅធ្វើបុណ្យតាមប្រពៃណីឯស្រុកកំណើត។

បន្ទាប់ពីមានកម្មករជាអនីតិជនស្លាប់ក្នុងសិប្បកម្មខាងលើ នៅព្រឹកនេះ អធិការកិច្ចក្រសួងការងារ បានបន្តចុះទៅសាកសួរដល់ទីតាំងកើតហេតុតែម្ដង៕

អត្ថបទ ៖ សុខា

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា