ព័ត៌មានជាតិ

រដ្ឋមន្រ្តីប្រាប់ឲ្យក្រុមហ៊ុនស្ថាបនាផ្លូវជាតិ ៤៨ ទៅកោះកុង យកគោលការណ៍ឲ្យមាំដូចសាងសង់នៅកូរ៉េ

បានផុស

៤ years មុន

នៅ

ថ្ងៃចន្ទ ២៣ សីហា ២០២១

ដោយ

គម្រោងសាងសង់ និងលើកកម្រិតគុណភាពផ្លូវជាតិលេខ៤៨ ប្រវែងសរុប១៤៨ គីឡូម៉ែត្រត្រូវបានចុះហត្ថលេខាលើកិច្ចសន្យាសាងសង់ ក្រោមហិរញ្ញប្បទានសម្បទានពីសាធារណរដ្ឋកូរ៉េ នៅព្រឹកមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធីចុះហត្ថលេខាលើកិច្ចសន្យាសាងសង់ ដោយមានការចូលរួមពីតំណាងក្រុមហ៊ុនសាងសង់ តំណាងក្រុមហ៊ុនទីប្រឹក្សាបច្ចេកទេសនិងភាគីពាក់ព័ន្ធ។

ក្នុងឱកាសនោះ លោករដ្ឋមន្រ្តីស្នើឲ្យក្រុមហ៊ុនកូរ៉េដែលទទួលខុសត្រូវសាងសង់ផ្លូវជាតិលេខ ៤៨ ត្រូវស្ថាបនាឲ្យបានរឹងមាំដូចផ្លូវដែលស្ថាបនានៅប្រទេសកូរ៉េ ដោយយកមូលដ្ឋាននៅកូរ៉េជាគោលក្នុងការវាស់វែងសាងសង់ផ្លូវជាតិមួយខ្សែនេះ។

ផ្លូវជាតិ ៤៨ បំបែកចេញពីស្រុកស្រុកអំបិលមានប្រវែងសរុប១៤៨ គីឡូម៉ែត្រ ចាប់ពីចំការហ្លួងដល់ក្រុងខេមរភូមិន្ទ ខេត្តកោះកុង។ ខ្សែផ្លូវនេះប្រវែង១២២,៩ គីឡូម៉ែត្រ ត្រូវបានសាងសង់ជាពីរគន្លង និងប្រវែង២៥,១គីឡូម៉ែត្រមានចំនួន ០៤ គន្លង។ គម្រោងស្ថាបនាផ្លូវជាតិនេះ ក៏ជាគម្រោងផ្លូវហាយវ៉េអាស៊ាន ១២៣ (ASEAN Highway 123) ដែលភ្ជាប់ប្រទេសកម្ពុជាទៅប្រទេសថៃ និងភ្ជាប់ទៅភាគខាងលិចនៃឧបទ្វីបឥណ្ឌូចិនត្រង់ក្រុងដាវ៉េ (Dawai) ប្រទេសភូមា៕

Related Topics:ហេដ្ឋារចនាសម្ព័ន្ធ