ព័ត៌មានជាតិ
កុមារនិងយុវវ័យ អាយុ១២ឆ្នាំ ដល់ក្រោម១៨ឆ្នាំ សម្រុកទៅទទួលវ៉ាក់សាំង នៅតាមទីតាំងទាំង៨
កុមារនិងយុវវ័យ អាយុចាប់ពី ១២ឆ្នាំ ដល់ក្រោម ១៨ឆ្នាំ នៅព្រឹកថ្ងៃទី២៦សីហានេះ បានសម្រុកទៅទទួលការវ៉ាក់សាំងនៅតាមមន្ទីរពេទ្យបង្អែកទាំង៨ទីតាំងយ៉ាងច្រើន ទាំងអ្នកដែលមិនទាន់ទទួលបានការវ៉ាក់សាំងដូសទី១ និងអ្នកទៅទទួលបានការចាក់វ៉ាក់សាំងដូសទី២ ក្រោយពីរដ្ឋបាលរាជធានីភ្នំពេញបានប្រកាសចំពោះអ្នក ខកខានមិនទាន់បានអញ្ជើញទៅទទួលវ៉ាក់សាំងបង្ការជំងឺកូវីដ។
ក្រុមគ្រូពេទ្យនៅតាមទីតាំងចាក់វ៉ាក់សាំងមួយចំនួន នៅក្នុងភូមិសាស្ត្ររាជធានីភ្នំពេញ បានឲ្យដឹងថា នៅព្រឹកថ្ងៃ២៦សីហានេះ ឃើញមាន បងប្អូនប្រជាពលរដ្ឋ កុមារ និងយុវវ័យមួយចំនួន ខកខានមិនទាន់បានអញ្ជើញទៅទទួលវ៉ាក់សាំងបង្ការជំងឺកូវីដ-១៩ ដោយមូលហេតុផ្សេងៗ ដូចជា មាន បញ្ហាសុខភាព ជាប់អនុវត្តវិធានចត្តាឡីស័ក ទើបគ្រប់អាយុកំណត់ ឬជាប់ធុរៈផ្សេងៗជាដើម មកទទួលចាក់វ៉ាក់សាំងច្រើន ហើយក្រុមគ្រូពេទ្យបាន រំលែកវ៉ាក់សាំងសម្រាប់ចាក់ឲ្យកុមារ និងយុវវ័យ មកចាក់ជូនពួកគាត់ តែតម្រូវឲ្យពួកគាត់បានឯកសារដែលចេញដោយអាជ្ញាធរ។
យោងតាមសេចក្តីជួនដំណឹងរបស់សាលារាជធានីភ្នំពេញបានឱ្យដឹងថា ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់កុមារ និងយុវវ័យអាយុចាប់ពី ១២ឆ្នាំ ដល់ក្រោម ១៨ឆ្នាំ នៅរាជធានីភ្នំពេញ ចាប់ពីថ្ងៃទី០១ ដល់ ថ្ងៃទី១៤ ខែសីហា ឆ្នាំ២០២១ និងការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋមានអាយុពី ១៨ ឆ្នាំឡើងទៅ នាពេលកន្លងមក សម្រេចចាក់ដល់កុមារ និងយុវវ័យ ប្រមាណជាង ២០ម៉ឺននាក់រួចមកហើយ ខណៈពេលដែលចាក់ជូនប្រជាពលរដ្ឋមានអាយុពី ១៨ ឆ្នាំឡើងទៅ សម្រេចបានជិត ១លាន ៧សែននាក់ ស្ទើរគ្រប់តាមផែនការកំណត់។
រដ្ឋបាលរាជធានីភ្នំពេញបានបន្តថា ទន្ទឹមនេះ រដ្ឋបាលរាជធានីភ្នំពេញ បានសង្កេតឃើញថា មានបងប្អូនប្រជាពលរដ្ឋ កុមារ និងយុវវ័យមួយចំនួន ខកខានមិនទាន់បានអញ្ជើញទៅទទួលវ៉ាក់សាំងបង្ការជំងឺកូវីដ-១៩នៅឡើយ ដោយមូលហេតុផ្សេងៗ ដូចជា មាន បញ្ហាសុខភាព ជាប់អនុវត្តវិធានចត្តាឡីស័ក ទើបគ្រប់អាយុកំណត់ ឬជាប់ធុរៈផ្សេងៗជាដើម។
រដ្ឋបាលរាជធានីភ្នំពេញបានបន្តទៀតថា ក្នុងន័យនេះ និង ដើម្បីបន្តអនុវត្តយុទ្ធនាការចាក់វ៉ាក់សាំងបង្ការជំងឺកូវីដ-១៩ សម្រេចបានតាមលទ្ធផលគ្រោងទុក ក៏ដូចជាពង្រីក វិសាលភាពនៃការគ្របដណ្ដប់វ៉ាក់សាំងជូនដល់ប្រជាពលរដ្ឋទាំងអស់ សំដៅបង្កើនភាពសាំក្នុងសហគមន៍ឱ្យកាន់តែ រឹងមាំនោះ អនុគណៈកម្មការចំពោះកិច្ចពាក់វ៉ាក់សាំងកូវីដ-១៩ ក្នុងក្របខ័ណ្ឌទូទាំងរាជធានីភ្នំពេញ សម្រេចបន្តការ ចាក់វ៉ាក់សាំងបង្ការជំងឺកូរីដ-១៩ ដូសទី១ ជូនដល់កុមារ និងយុវវ័យ ដែលមានអាយុចាប់ពី ១២ឆ្នាំ ដល់ក្រោម ១៨ឆ្នាំ និងបន្តការចាក់វ៉ាក់សាំងបង្ករជំងឺកូវី៨-១៩ ដួសទី១ និងដូសទី២ ជួនប្រជាពលរដ្ឋអាយុពី ១៨ឆ្នាំឡើងទៅ នៅតាម មន្ទីរពេទ្យបង្អែតចំនួន ០៨ ទីតាំង ។
ក្នុងនោះរួមមាន ទី១ មន្ទីរពេទ្យបង្អែករាជធានីភ្នំពេញ, ទី២ មន្ទីរពេទ្យបង្អែកចតុមុខ, ទី៣ មន្ទីរពេទ្យបង្អែកដង្កោ, ទី៤ មន្ទីរពេទ្យបង្អែកមិត្តភាពកម្ពុជា-ចិន, ទី៥ មន្ទីរពេទ្យបង្អែកច្បារអំពៅ, ទី៦ មន្ទីរពេទ្យបង្អែកពោធិ៍ចិនតុង, ទី៧ មន្ទីរពេទ្យបង្អែកព្រែកព្នៅ និងទី៨មន្ទីរពេទ្យបង្អែកសម្តេចឪ-សម្តេចម៉ែ។
រដ្ឋបាលរាជធានីភ្នំពេញ ក៏បានអំពាវនាវដល់បងប្អូនប្រជាពលរដ្ឋដែលមានអាយុពី ១៨ឆ្នាំឡើង អញ្ជើញទៅ ទទួលចាក់វ៉ាក់សាំងបង្ការជំងឺកូវីដ-១៩.ដួសទី១ និងដាសទី២ និងសូមមាតាបិតា និងអាណាព្យាបាលទាំងអស់នៅរាជធានីភ្នំពេញ នាំបុត្រធីតានិងសាច់ញាតិរបស់ខ្លួនដែលមិនទាន់បានចាក់វ៉ាក់សាំងបង្ការជំងឺកូវីដ ដូសទី១ ទៅទទួលវ៉ាក់សាំងដោយឥតគិតថ្លៃនៅតាមទីតាំងពេទ្យបង្អែកដែលនៅជិតលំនៅឋានរបស់ខ្លួនខាងលើ កុំបីខាន នៅរៀងរាល់ម៉ោង០៨:០០ព្រឹក ដល់ម៉ោង ១៧:០០នាទីរសៀល ចាប់ពីថ្ងៃជូនដំណឹងនេះ រហូតដល់មានការជូនដំណឹងជាថ្មី៕
អត្ថបទ៖ ស្រីរ័ត្ន
ថៃដាក់ការព្រមាន ក្រោយសកម្មភាពរញ្ជួយដីកើនឡើងជិតព្រំដែនថៃ-មីយ៉ាន់ម៉ា
G-Devith ថាធ្លាប់បានឆ្លងកាត់ពិធីក្រុងពាលីច្រើនដង តែថ្ងៃនេះ ជាបំណងប្រាថ្នានិងការសន្យា ៨ឆ្នាំមុន
មន្រ្តីអប់រំកម្ពុជាចំនួន ៣០ រូប ចូលរួមវគ្គបណ្តុះបណ្តាលស្តីពីការអប់រំឌីជីថលនៅប្រទេសចិន
ផ្ទុះភ្នំភ្លើងបង្ខំឱ្យមានការជម្លៀសប្រជាជននៅហ្គាតេម៉ាឡា
ប្រធានមន្ទីរបញ្ចកោណជឿជាក់ថា ណាតូនឹងសម្រេចបានគោលដៅចំណាយការពារជាតិ ៥%
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
ជម្លោះគ្រួសារ ប្តីដកកាំភ្លើងបាញ់ប្រហារប្រពន្ធមួយគ្រាប់រួចគេចខ្លួនបាត់
ស៊ីរ៉ែនប្រកាសអាសន្នលាន់ទ្រហឹងទូទាំងប្រទេសអ៊ុយក្រែន នៅពេល ពូទីន សងសឹកចាស់ដៃ
អេឡុន ម៉ាសក៍ គាំទ្រការទម្លាក់លោក ត្រាំ ចេញពីអំណាច ក្នុងជម្លោះដ៏ក្ដៅ
អគ្គិភ័យឆេះខុនដូ កំពុងសាងសង់ នៅ បាងកក
-
ព័ត៌មានជាតិ១ សប្តាហ៍ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៦ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
សេចក្ដីជូនដំណឹង៦ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
នយោបាយ៦ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៦ ម៉ោង agoក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
នយោបាយ១ ថ្ងៃ agoកម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
សន្តិសុខសង្គម១ សប្តាហ៍ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ១ សប្តាហ៍ agoវិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ