ព័ត៌មានជាតិ
ការនាំចេញអង្កររបស់កម្ពុជា បន្តធ្លាក់ចុះជាង ២៣% ដោយសារកង្វះទូកុងតឺន័រ និងតម្លៃ ដឹកជញ្ជូន កើនឡើងខ្ពស់
លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា ការនាំចេញអង្កររបស់កម្ពុជា ក្នុងរយៈពេល៨ខែ ឆ្នាំ២០២១នេះ មានចំនួន៣៤៣ ៤៤៧តោន ដោយមានការថយចុះចំនួន១០៤ ៧៥៦តោន ស្មើនឹង-២៣,៣៧% បើធៀបនឹងរយៈពេល៨ខែ ឆ្នាំ២០២០ ដែលមានរហូតដល់ទៅ៤៤៨ ២០៣តោនឯណោះ។
លោករដ្ឋមន្ត្រី បានបញ្ជាក់ថា មូលហេតុ ដែលការនាំចេញអង្ករ មានការថយចុះនេះ ដោយសារបញ្ហាកង្វះទូរកុងតេន័រ សម្រាប់ផ្ទុក និងតម្លៃដឹកជញ្ជូន កើនឡើងខ្ពស់។ នៅលើទំព័រហ្វេប៊ុក លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឲ្យដឹងទៀតថា ប៉ុន្តែការនាំចេញអង្ករក្នុងខែសីហា ឆ្នាំ២០២១មាន ចំនួន៣៣ ៥៨២តោន កើនឡើងចំនួន១១ ៤៥២តោន ស្មើនឹង៥១,៧៥% បើធៀបនឹងខែសីហា ឆ្នាំ២០២០ ដែលមាន ចំនួន២២ ១៣០តោនប៉ុណ្ណោះ។
ក្នុងចំណោម ការនាំចេញអង្ករសរុប ក្នុងនោះការនាំចេញ អង្ករក្រអូប គ្រប់ប្រភេទមាន ចំនួន២៤២ ៤៣២តោន ស្មើនឹង៧០,៥៩% អង្ករសគ្រប់ប្រភេទមាន ចំនួន៩៤ ៤៤១តោន ស្មើនឹង២៧,៥០% និងអង្ករចំហុយមាន ចំនួន៦ ៥៧៤តោន ស្មើនឹង១,៩១%។
លោករដ្ឋមន្ត្រី បានបន្ថែមទៀតថា ដោយឡែកបរិមាណ អង្ករបាននាំចេញ ទៅកាន់ទិសដៅសហភាពអឺរ៉ុប ចំនួន២២ប្រទេស មានបរិមាណសរុប ចំនួន៨៨ ២៧១តោន ថយចុះ ចំនួន៦១ ៥៧៧តោន ស្មើនឹង-៤១,០៩%។ ក្នុងនោះទិសដៅ ប្រទេសចិន មានបរិមាណសរុប ចំនួន១៦៥ ៦១២តោនកើនឡើង ចំនួន៦ ៣៥៩តោន ស្មើនឹង៣,៩៩%។ ទិសដៅអាស៊ាន ចំនួន៧ប្រទេស មានបរិមាណសរុប ចំនួន៣៥ ៥៥៣តោន ថយចុះ ចំនួន២៥ ៣៨០តោន ស្មើនឹង-៤១,៦៥% និងទិសដៅដទៃទៀត ចំនួន២២ប្រទេស មានបរិមាណសរុប ៥៤ ០១១តោន ថយចុះ ចំនួន២៤ ១៥៨តោន ស្មើនឹង-៣០,៩០%។
លោករដ្ឋមន្ត្រី បានបញ្ជាក់ថា ក្រុមហ៊ុន ដែលបាននាំចេញ អង្ករមាន ចំនួន៥៩ក្រុមហ៊ុន ហើយបរិមាណអង្ករ ដែលបាននាំចេញ ដោយក្រុមហ៊ុនធំៗ ចំនួន១០ មានរហូតដល់២៤៧ ៩០៣ តោន ស្មើនឹង៧២,១៨% និងក្រុមហ៊ុន៤៩ដទៃទៀត បាននាំចេញត្រឹមតែ ៩៥ ៥៤៤តោនស្មើនឹង២៧,៨២%ប៉ុណ្ណោះ។
លោករដ្ឋមន្ត្រី បានបញ្ជាក់បន្ថែមថា ការនាំចេញអង្ករ របស់កម្ពុជា ក្នុងរយៈពេល៨ខែ ឆ្នាំ២០២១នេះមានចំនួន៣៤៣ ៤៤៧តោន នេះមានតម្លៃទឹកប្រាក់ចំនួន ២៩១ ៩២៩ ៩៥០ ដុល្លារអាមេរិក៕
អត្ថបទ៖ សំអឿន
-
ជីវិតកម្សាន្ដ២ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៤ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម៧ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៣ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
សេចក្ដីជូនដំណឹង៣ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៤ ថ្ងៃ ago
ចុងខែមិថុនា កម្ពុជានឹងមានភូមិខ្មែរលើដីជប៉ុន ហើយមានការដាក់បង្ហាញការដាំដំណាំខ្មែរ