កីឡា
ឥណ្ឌូណេស៊ីបង្កើតកំណត់ត្រាថ្មីមួយទៀត ឡើងវគ្គ៤ក្រុម AFC U23 Asian Cup
ក្រុមបាល់ទាត់ជម្រើសជាតិឥណ្ឌូណេស៊ីអាយុក្រោម២៣ឆ្នាំបានបង្កើតកំណត់ត្រាប្រវត្តិជាថ្មីក្នុងពានរង្វាន់យុវជនអាស៊ីអាយុក្រោម២៣ឆ្នាំ AFC U23 Asian Cup ដោយបានឡើងដល់វគ្គពាក់កណ្តាលផ្តាច់ព្រ័ត្រជាលើកដំបូង។
ការប្រកួតវគ្គ៨ក្រុមចុងក្រោយកាលពីយប់មិញ ឥណ្ឌូណេស៊ី បានយកឈ្នះក្រុមខ្លាំង កូរ៉េខាងត្បូង តាមរយៈការទាត់បាល់ប៉េណាល់ទីកាត់សេចក្តី១១ម៉ែត្រដោយលទ្ធផលដ៏រំជើបរំជួលគឺ ១១-១០ បន្ទាប់ពីក្រុមទាំងពីរបញ្ចប់១២០នាទីស្មើគ្នាដោយលទ្ធផល ២-២។
ការប្រកួតបានត្រឹមតែ១៥នាទី ឥណ្ឌូណេស៊ី បានបើកការនាំមុខ ០-១ មុនដោយកីឡាករ Struick ប៉ុន្តែកីឡាករឥណ្ឌូណេស៊ី Komang Teguh បានភ្លាត់ចូលទីខ្លួនឯងធ្វើឲ្យកូរ៉េខាងត្បូងតាមស្មើ ១-១ នៅនាទី៤៥+១។ ភ្លាមៗនោះមុនពេលបញ្ចប់វគ្គទី១ Struick រកបាន១គ្រាប់ដើម្បីនាំមុខ ១-២ ជាថ្មី។
វគ្គទី២ កីឡាករកូរ៉េខាងត្បូង Young –Jun រងពិន័យកាតក្រហមបណ្តេញចេញពីទីលានដែលធ្វើឲ្យពួកគេមានគ្នា១០ទល់នឹងឥណ្ឌូណេស៊ី១១នាក់នៅលើទីលាន។ ទោះបីជាមានគ្នាតែ១០នាក់ ក៏កូរ៉េខាងត្បូងរកបានគ្រាប់បាល់តាមស្មើ ២-២ នៅទី៨៤ដោយកីឡាករ Jeong។
សម្រាប់នាទីបន្ទាប់គ្មានគ្រាប់បាល់កើតឡើងទេដោយត្រូវបន្ថែម១៥នាទីពីរដងក៏គ្មានគ្រាប់បាល់។ ទីបំផុត ក្រុមទាំងពីរត្រូវទាត់ប៉េណាល់ទីកាត់សេចក្តីដើម្បីរកអ្នកឈ្នះ។ ការទាត់ប៉េណាល់ទីកាត់សេចក្តីពិតជារន្ធត់ខ្លាំងណាស់ដោយត្រូវស៊ុតរហូតដល់១២គ្រាប់ម្ខាងទើបចប់។ ឥណ្ឌូណេស៊ីស៊ុតចូល១១ គ្រាប់ អត់ចូល១គ្រាប់ ខណៈកូរ៉េខាងត្បូងស៊ុតចូល១០គ្រាប់ អត់ចូល២គ្រាប់។
ការឡើងដល់វគ្គ៨ក្រុមចុងក្រោយគឺជាប្រវត្តិសាស្ត្រដំបូងរបស់ឥណ្ឌូណេស៊ីក្នុងពានរង្វាន់ AFC U23 Asian Cup ហើយបានបង្កើតប្រវត្តិសាស្ត្រថ្មីជាលើកទី២ក្នុងការឡើងដល់វគ្គពាក់កណ្តាលផ្តាច់ព្រ័ត្ររបស់ក្រុមអាស៊ានមួយនេះ។
កាលពីយប់មិញ ក្រុមម្ចាស់កាតារបានធ្លាក់ត្រឹមវគ្គ៨ក្រុមចុងក្រោយ បន្ទាប់ពីចាញ់ក្រុមខ្លាំង ជប៉ុន ដោយលទ្ធផល ២-៤។ នៅវគ្គ៤ក្រុមចុងក្រោយ ឥណ្ឌូណេស៊ី ត្រូវប៉ះក្រុមឈ្នះរវាងអ៊ូបេគីស្ថាន និងអារ៉ាប៊ីសាអ៊ូឌីត ខណៈ ជប៉ុន ត្រូវប៉ះក្រុមឈ្នះរវាង អ៉ីរ៉ាក់ និងវៀតណាម៕
អត្ថបទ៖ វីរបុត្រ
-
សន្តិសុខសង្គម១ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៦ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoតំណាងអាមេរិកនិងអ៊ីរ៉ង់ ប៉ះសម្តីគ្នាយ៉ាងខ្លាំងនៅសន្និសីទនុយក្លេអ៊ែរ របស់អង្គការសហប្រជាជាតិ
-
ព័ត៌មានជាតិ៤ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៥ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ៣ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ១ សប្តាហ៍ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានជាតិ៦ ថ្ងៃ agoបាក់ច្រាំងទន្លេនៅសង្កាត់ច្បារអំពៅទី ២ នាំទាំងប្រព័ន្ធលូបង្ហូរទឹកទៅជាមួយ