Connect with us

សន្តិសុខសង្គម

អាជ្ញាធរមីន អំពាវនាវជាថ្មីដល់ពលរដ្ឋកុំរក្សាទុក ឬកែច្នៃគ្រាប់មិនទាន់ផ្ទុះ ដែលបង្កគ្រោះថ្នាក់ដល់អាយុជីវិត

បានផុស

នៅ

អាជ្ញាធរកម្ពុជា គ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន (អាជ្ញាធរមីន) អំពាវជាថ្មីដល់ប្រជាពលរដ្ឋឱ្យមានការប្រុងប្រយ័ត្នខ្ពស់ចំពោះគ្រាប់យុទ្ធភណ្ឌមិនទាន់ផ្ទុះគ្រប់ប្រភេទ ខណៈពលរដ្ឋមួយចំនួនបានយកគ្រាប់មិនទាន់ផ្ទុះមកកាន់លេង ឬកែច្នៃ ដែលសកម្មភាពនេះបានបណ្តាលឱ្យមានរបួស និងរហូតដល់បាត់បង់ជីវិត។

សេចក្តីអំពាវនាវរបស់អាជ្ញាធរមីន ចុះថ្ងៃទី ២៤ ខែមេសានេះ បានឱ្យដឹងថា ថ្មីៗនេះមានករណី បងប្អូនប្រជាពលរដ្ឋយកគ្រាប់យុទ្ធភណ្ឌមិនទាន់ផ្ទុះមកកាន់ គប់ ដំ គ្រវែង និងកែច្នៃ បណ្តាលឱ្យគ្រោះថ្នាក់កើតឡើងជារបួសស្នាម និងរហូតដល់បាត់បង់អាយុជីវិតជាច្រើននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត


អាជ្ញាធរមីន បញ្ជាក់ជូនថា៖‍«ទោះបីសង្គ្រាមនៅកម្ពុជាបានបញ្ចប់ជាច្រើនទសវត្សរ៍ ហើយប្រតិបត្តិករជាតិ-អន្តរជាតិ ខិតខំបំពេញបេសកកម្មបោសសម្អាតយុទ្ធភណ្ឌដែលនៅសេសសល់ពីសង្គ្រាមយ៉ាងសស្រាក់សសាំក៏ដោយ ប៉ុន្តែវិសាលភាពនៃសំណល់យុទ្ធភណ្ឌមិនទាន់ផ្ទុះមាន ទំហំធំធេង ស្ថិតនៅរាយប៉ាយលើទឹកដីនៃព្រះរាជាណាចក្រកម្ពុជា»។

ដើម្បីបង្ការ និងទប់ស្កាត់ បាននូវគ្រោះថ្នាក់ដោយសារគ្រាប់យុទ្ធភណ្ឌមិនទាន់ផ្ទុះទាំងនោះ អាជ្ញាធរមីន អំពាវនាវដល់បងប្អូនប្រជាពលរដ្ឋ ត្រូវរាយការណ៍ជាបន្ទាន់មក អាជ្ញាធរមូលដ្ឋាន មេភូមិ មេឃុំ ឬ ប្រតិបត្តិករបោសសម្អាតមីនដែលនៅក្បែរនោះ ដើម្បីយកគ្រាប់ទាំងនោះទៅកម្ទេចចោល នៅពេលប្រទះឃើញគ្រាប់យុទ្ធភណ្ឌមិនទាន់ផ្ទុះគ្រប់ប្រភេទ។
អាជ្ញាធរមីន ក្រើនរំឭកជាថ្មីថា៖«សូមកុំចូលទៅតំបន់ណាដែលមិនស្គាល់ទីតាំងភូមិសាស្ត្រច្បាស់លាស់វាអាចមានគ្រាប់យុទ្ធភណ្ឌ មិនទាន់ផ្ទុះ និងសូមសាកសួរអាជ្ញាធរមូលដ្ឋាន មេភូមិ មេឃុំ នៅតំបន់នោះ។ សូមកុំកែច្នៃគ្រាប់យុទ្ធភណ្ឌមិនទាន់ផ្ទុះដើម្បីយករំសេវធ្វើសកម្មភាពណាមួយ ជាពិសេសបោកយកត្រី វាបណ្តាលឱ្យរបួស ពិការ និងស្លាប់ គ្រប់ពេល»។

អាជ្ញាធរមីន ក៏បានព្រមានថា កុំទិញ លក់ រក្សាទុក កែច្នៃគ្រាប់យុទ្ធភណ្ឌមិនទាន់ផ្ទុះដែលជាអំពើខុសច្បាប់ និងបង្កគ្រោះថ្នាក់បាត់បង់ជីវិត ធ្លាក់ខ្លួនពិការដល់ខ្លួនឯង គ្រួសារ និងអ្នកជិតខាង។

ថ្មីៗនេះ កាលពីល្ងាចថ្ងៃទី២០​ ខែមេសា​ ឆ្នាំ២០២៤​ មានករណីគ្រោះថ្នាក់ផ្ទុះគ្រាប់មិនទាន់ផ្ទុះ ដែលជាសំណល់សង្គ្រាម​ ស្ថិតនៅចម្ងាយប្រមាណ ១០ គីឡូម៉ែត្រ ពីភូមិស្រែអ៊ី សង្កាត់រមនា​ ក្រុងសែនមនោរម្យ​ ខេត្តមណ្ឌលគិរី​។

មជ្ឈមណ្ឌលសកម្មភាពកំចាត់មីនកម្ពុជាស៊ីម៉ាក់ បញ្ជាក់ថា៖«ករណីផ្ទុះនេះបានបណ្តាលឱ្យជនរងគ្រោះស្លាប់៤នាក់​ រងរបួស២នាក់​ រួមមានមនុស្សចាស់និងក្មេងៗផងដែរ»៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៤ នាទី មុន

វឌ្ឍនៈ ប្រ៊ូវើរី បំផុសស្មារតីខ្មែរតែមួយ ដើម្បីបន្តគាំទ្រវិស័យកីឡានៅកម្ពុជា និងចូលរួមថែសម្អាតស្មៅនៅលើទីលានប្រកួត

សេដ្ឋកិច្ច១៨ នាទី មុន

​គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ​តម្លៃ ២៥០ លានដុល្លារ ​មានពន្លឺថ្មី​

វប្បធម៌ ជំនឿ២៩ នាទី មុន

ក្នុងពេល ៥ ឆ្នាំ​ខាងមុខ តារានិករ ៦ ដួងនឹងរីកចម្រើនផ្នែកអាជីព​ លាភ​ចូលមកជួយ​ជ្រោមជ្រែង

ព័ត៌មានជាតិ៣១ នាទី មុន

ឧត្តមសេនីយ៍ឯក ហែម សុវត្ថិ ណែនាំកម្លាំងបន្តកំណត់មុខសញ្ញាលួចបើកល្បែងអនឡាញខុសច្បាប់ ដើម្បីចុះបង្ក្រាប

សេដ្ឋកិច្ច៣៤ នាទី មុន

តំណាងវិស័យឯកជន​ជំរុញឱ្យវិនិយោគិនកាណាដាចាប់យកឱកាសពីកិច្ចព្រមព្រៀងពាណិជ្ជកម្មសេរីដែលកម្ពុជាកំពុងអនុវត្តន៍

សេចក្ដីជូនដំណឹង១៤ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៨ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៨ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៦ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ២១ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម