កីឡា

គ្រូបង្វឹកក្រុម CFSS សម្តេចតេជោ ហ៊ុន សែន នឹងប្រើទម្រង់៣.៤.៣

បានផុស

២ years មុន

នៅ

ថ្ងៃព្រហស្បតិ៍ ២៥ មេសា ២០២៤

ដោយ

សម្តេចតេជោ ហ៊ុន សែន ប្រធានព្រឹទ្ធសភានឹងប្រើទម្រង់លេង ៣.៤.៣ នៅពេលសម្តេចដឹកនាំក្រុមបាល់ទាត់តារាកម្ពុជា (Cambodia Football Super Stars) ប៉ះក្រុមកីឡាករគុនខ្មែរ ក្នុងព្រឹត្តិការណ៍បាល់ទាត់សប្បុរសធម៌ ថ្ងៃទី១ ខែឧសភា ឆ្នាំ២០២៤ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន ដែលត្រូវបានអញ្ជើញធ្វើជាគ្រូបង្វឹកកិត្តិយសរបស់ក្រុមបាល់ទាត់តារាកម្ពុជាបានជួបសំណេះសំណាលជាមួយគ្រូបង្វឹក និងកីឡាករទាំងអស់សម្រាប់ផែនការសកម្មភាពមនុស្សធម៌ក្នុងរយៈពេលខ្លី មធ្យម និងវែង។

សម្តេចមានប្រសាសន៍ថា ៖«ខ្ញុំនឹងចូលរួមដឹកនាំការប្រកួតជាមួយគ្រូបង្វឹកផ្លូវការនៅស្តាតអូឡាំពិក នាល្ងាចថ្ងៃ១ ឧសភា ២០២៤ ដោយចាប់ផ្តើមនូវទម្រង់លេងរបស់ខ្ញុំគឺ 3.4.3»។

សម្តេចតេជោ ហ៊ុន សែន បានអំពាវនាវដល់មហាជនឲ្យចូលរួមទស្សនាឲ្យបានច្រើនកុះករដើម្បីជំរុញចលនាមនុស្សធម៌ និងការប្រយុទ្ធប្រឆាំងគ្រឿងញៀន។ «សូមអំពាវនាវសប្បុរសជនចូលរួមជួយថវិកាសម្រាប់ជួយដល់មន្ទីរពេទ្យគន្ធបុប្ផាដែលកំពុងត្រូវការសម្រាប់ព្យាបាលដល់កុមារកម្ពុជា»។

ក្នុងពិធីជួបសំណេះសំណាលជាមួយគ្រូបង្វឹក និងកីឡាករ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានចូលរួមថវិកាចំនួន២០០លានរៀលដើម្បីកិច្ចសប្បុរសធម៌នេះ។

ព្រឹត្តិការណ៍ប្រកួតបាល់ទាត់មិត្តភាពសប្បុរសធម៌នេះមាន២គូដែលចាប់ផ្តើមពីម៉ោង២រសៀលគឺ ក្រុម Vloggers All Star ប្រកួតជាមួយក្រុម S&E All Star ដែលមានកីឡាករបាល់ទះ និងក្រុមតារាសិល្បៈកម្ពុជាប្រកួតជាមួយក្រុមកីឡាករគុនខ្មែរ។

ជាមួយគ្នានេះ ក្រុមហ៊ុន ជីប ម៉ុង បានឧបត្ថម្ភថវិកាចំនួន៥ម៉ឺនដុល្លារអាមេរិកដែរ៕