កីឡា
នៅមិនសុខទេ ជើងខ្លាំង Ricardo បបួល ធឿន ធារ៉ា ជួបគ្នានៅ ONE
កីឡាករអាហ្សង់ទីន Ricardo Bravo បានតាមដានការប្រកួតឃីកបុកស៊ីងជាលើកដំបូងរបស់កីឡាករ ធឿន ធារ៉ា និងបានបបួលជួបគ្នានៅសង្វៀន ONE Championship ដែលនឹងជួបសត្រូវពិតប្រាកដ។
កាលពីយប់មិញនេះ ធឿន ធារ៉ា បានប្រកួតឃីកបុកស៊ីងជាលើកដំបូងក្នុងអាជីពប្រដាល់របស់ខ្លួនដោយបានផ្តួលកីឡាករចិន Cai Zeping ឲ្យអាជ្ញាកណ្តាលបញ្ឈប់ក្នុងទឹកទី២។ កីឡាករចិនម្នាក់នេះអាយុទើប១៩ឆ្នាំ ប៉ុន្តែជាម្ចាស់ខ្សែក្រវាត់ និងកំពុងល្បីខ្លាំងនៅចិន។ ទោះបីជាយ៉ាងណា រូបគេមិនអាចតស៊ូជាមួយ ធឿន ធារ៉ា បានទេដោយត្រូវបានអាជ្ញាកណ្តាលបញ្ឈប់ក្នុងទឹកទី២។
តាមរយៈការឃើញ ធឿន ធារ៉ា ផ្តួលកីឡាករចិននេះ ជើងខ្លាំងប្រេស៊ីល Ricardo Bravo បាននិយាយថា ៖«ធឿន ធារ៉ា លោកត្រូវមកកាន់សង្វៀន ONE! ជាមួយសត្រូវពិតប្រាកដ»។
តាមពិតទៅ ធឿន ធារ៉ា និង Ricardo Bravo ធ្លាប់ប៉ះគ្នាម្តងហើយកាលពីឆ្នាំ២០២២នៅប្រទេសជប៉ុនដែលពេលនោះកីឡាករប្រេស៊ីលបានផ្តួលកីឡាករកម្ពុជាឲ្យសន្លប់។ ចាប់តាំងពីពេលនោះ អ្នកគាំទ្រតែងតែចង់ឲ្យ ធឿន ធារ៉ា សងសឹក ប៉ុន្តែមិនមានឱកាសបានជួបគ្នាទេដោយសារ Ricardo Bravo បានចុះកុងត្រាចូលសង្វៀន ONE។ ក្រោយមកអ្នកទាំងពីរកំពុឡើងខ្លាំងដូចគ្នា។
ចាប់តាំងពីចូលសង្វៀនធំមក Ricardo Bravo បានប្រកួត៣ដងនៅសង្វៀន ONE Championship មិនទាន់ស្គាល់បរាជ័យឡើយដោយបានផ្តួលដៃគូឲ្យសន្លប់ទាំង៣ដង។ រូបគេមានប្រវត្តិប្រកួតអាជីព៣១ដងគឺឈ្នះ២៧ដង ចាញ់២ដង និងស្មើ២ដង។
កាលពីខែធ្នូ ឆ្នាំ២០២៣ Ricardo Bravo បាននិយាយថា៖«ខ្ញុំមិនខ្លាចគាត់ (ធារ៉ា) ឬនរណាម្នាក់ទេ។ ខ្ញុំធ្លាប់ឈ្នះគាត់។ បើគាត់ចង់ប្រកួតជាមួយខ្ញុំ ឲ្យគាត់មកប្រកួតនៅសង្វៀន ONE ហើយប្រសិនបើចង់ឲ្យខ្ញុំទៅប្រកួតនៅកម្ពុជា គួរផ្តល់តម្លៃខ្លួនឲ្យសមតាមអ្វីដែលខ្ញុំចង់បានគឺ២០ម៉ឺនដុល្លារ។ ខ្ញុំបាននិយាយរឿងនេះហើយ ហើយក៏នឹងមិននិយាយទៀតដែរ។ បើអ្នកចង់ អីចឹងប្រាប់ទៅសារព័ត៌មានកម្ពុជាទៅ»។
ជាការពិតណាស់ នៅសង្វៀន ONE កីឡាករទទួលបានតម្លៃខ្លួនច្រើន។ ជាពិសេសនៅពេលពួកគេវ៉ៃល្អ និងផ្តួលដៃគូលឿននឹងទទួលបានប្រាក់រង្វាន់លើកទឹកចិត្តច្រើនថែមទៀត។
ទោះបីជាយ៉ាងណា សង្វៀនមិនមែនចេះតែរៀបចំឲ្យមានការប្រកួតស្រួលៗនោះទេ។ ពួកគេត្រូវចុះកុងត្រាត្រឹមត្រូវទើបរៀបចំឲ្យមានការប្រកួតសម្រាប់កីឡាករម្នាក់ៗ៕
អត្ថបទ៖ វីរបុត្រ
-
ព័ត៌មានជាតិ១៧ ម៉ោង agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ២ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន