ព័ត៌មានជាតិ
បន្ធូរអារម្មណ៍ធុញថប់ពីទីក្រុង មកបោះតង់ លម្ហែកាយបែបជនបទថ្មីនៅស្រុកបន្ទាយស្រី
“សហគមន៍ទេសចរណ៍ធម្មជាតិត្បែងគូលែន” ដែលស្ថិតក្នុងឃុំត្បែង ស្រុកបន្ទាយស្រី ខេត្តសៀមរាប គឺជាទីតាំងបោះតង់ និងសម្រាកលម្ហែបែបជនបទថ្មីដ៏ទាក់ទាញមួយ សម្រាប់ភ្ញៀវទេសចរ ដែលចង់ផ្លាស់ប្តូរពីការរស់នៅទីក្រុង មកទទួលយកនូវបទពិសោធន៍កម្សាន្តបែបជនបទ (ទេសចរណ៍ជនបទ)។
ភ្ញៀវទេសចរដែលមកទស្សនាប្រាសាទបន្ទាយស្រី ក៏ដូចជាគោលដៅទេសចរណ៍នានានៅក្នុងស្រុកបន្ទាយស្រី អាចសាកល្បងបោះតង់សម្រាកនៅសហគមន៍នេះ អមជាមួយទេសភាពធម្មជាតិខៀវស្រងាត់ មើលឃើញជើងភ្នំ ធ្វើឲ្យអ្នកទេសចរអាចរំសាយនូវទុក្ខកង្វល់ ដោយក្នុងសហគមន៍នោះក៏មានទីតាំងបោះតង់ និងសម្រាកលម្ហែបែបជនបទមួយមានឈ្មោះថា The Scenery Natural Campsite ដែលមានចម្ងាយត្រឹមតែ ៨ គីឡូម៉ែតប៉ុណ្ណោះពីប្រាសាទបន្ទាយស្រី។
ក្រៅតែពីសេវាកម្មបោះតង់ The Scenery Natural Campsite ក៏មានផ្តល់ជូននូវសេវាកម្មផ្សេងៗជាច្រើនជូនដល់ភ្ញៀវទេសចរ ដូចជា ម្ហូបអាហារ ការជិះកង់កម្សាន្តនៅជុំវិញសហគមន៍ ការធ្វើនំបញ្ចុក និងការដាំដុះបន្លែបង្ការរបស់ប្រជាសហគមន៍។
លោកស្រី កង គន្ធា ដែលជាម្ចាស់ទីតាំងបានបញ្ជាក់យ៉ាងដូច្នេះថា “ក្រៅពីការបោះតង់យើងមានបម្រើសេវាកម្ម ម្ហូបអាហារ ភេសជ្ជៈ ហើយមានរៀបជាកញ្ចប់ Tour សម្រាប់ភ្ញៀវ ដូចជាការជិះកង់កម្សាន្តមើលអ្នកភូមិ របៀបនៃការរស់នៅរបស់អ្នកភូមិ ការធ្វើនំបញ្ចុក ការដាំបន្លែ និងចិញ្ចឹមសត្វ ការជិះកង់ទៅលេងដល់ព្រៃបល្ល័ង្ក ស្រះដូនរាជនៅជិតៗនេះ យើងសម្បូរកន្លែងដើរលេងច្រើន”។
ម្ចាស់ទីតាំង The Scenery Natural Campsite រូបនេះបានឲ្យដឹងទៀតថា ពាក់ព័ន្ធទៅនឹងម្ហូបអាហារ ដែលធ្វើជូនសម្រាប់ភ្ញៀវ គឺបន្លែ ត្រី សាច់ ភាគច្រើនជាការដាំដុះ ក៏ដូចជាចិញ្ចឹមដោសហគមន៍នៅក្នុងស្រុកបន្ទាយស្រីផ្ទាល់តែម្តង គ្មានជាតិគីមី រឹតតែបង្កើនរសជាតិអាហារមួយកម្រិតទៀត ខណៈដែលទីតាំងរបស់លោកស្រីផ្ទាល់ ក៏មានដាំដុះនូវបន្លែបង្ការ និងចញ្ចឹមសត្វ សម្រាប់ផ្គត់ផ្គង់ជាម្ហូបអាហារជូនដល់ភ្ញៀវទេសចរមកបោះតង់សម្រាកនៅទីនេះផងដែរ។
លោកស្រី កង គន្ធា បន្ថែមថា ចំពោះបន្លែត្រីសាច់ គឺពួកគាត់ចិញ្ចឹមនៅទីនេះផ្ទាល់ លក្ខណៈធម្មជាតិទាំងអស់ ហើយដោយឡែក បន្លែមួយចំនួន ដូចជា ការ៉ុត ខ្ទឹមបារាំង ដំឡូងបារាំង គឺយើងទិញពីផ្សារមក ដោយសារតែគាត់មិនទាន់អាចធ្វើបាន។ សព្វថ្ងៃកន្លែងយើងមាន យើងដាំជាប្រភេទគ្រឿងទេសគល់ស្លឹកគ្រៃ រំដេង ជី ហើយសត្វយើងចិញ្ចឹងមមាន់ និងត្រី។
សូមបញ្ជាក់ថា ទីតាំងបោះតង់ The Scenery Natural Campsite ត្រូវបានបង្កើតឡើងនៅពាក់កណ្តាលឆ្នាំ២០១៩ និងបានចាប់ផ្តើមបើកទទួលភ្ញៀវកាលពីខែសីហា ឆ្នាំ២០២០ ប៉ុន្តែប្រសិនបើភ្ញៀវទេសចរចង់មកសម្រាកលម្ហែ ក៏ដូចជាបោះតង់នៅទីនេះ ភ្ញៀវទេសចរត្រូវកក់ទុកជាមុន ព្រោះម្ចាស់ទីតាំងត្រូវផ្តល់ព័ត៌មានទៅខាងអាជ្ញាធរភូមិ ដើម្បីធានានូវវិធានសុខាភិបាល ហើយម្យ៉ាងទៀតក៏ជាការងាយស្រួលក្នុងការរៀបចំនូវម្ហូបអាហារ កន្លែងសម្រាក និងសេវាកម្មផ្សេងៗឲ្យបានល្អជូនដល់ភ្ញៀវទេសចរផងដែរ៕
អត្ថបទ៖ កោះកែវ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ