ព័ត៌មានជាតិ
សម្ដេចតេជោ ហ៊ុន សែន៖ ពិភព លោក នឹងនៅតែប្រឈម ហានិ ភ័យនូវរលកថ្មីៗ នៃមេរោគ បំប្លែងថ្មី Delta
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ពិភពលោក នឹងនៅតែប្រឈមហានិ ភ័យនូវរលកថ្មីៗ នៃមេរោគបំប្លែងថ្មី Delta។ ការលើកឡើងនេះ គ្រាដែលសម្ដេចតេជោ ហ៊ុន សែន នាយក រដ្ឋមន្ត្រីនៃកម្ពុជា អញ្ជើញសុន្ទរកថា ក្នុងពិធីបើកកិច្ចប្រជុំកំពូល មហាអនុតំបន់មេគង្គលើកទី៧ នាព្រឹកថ្ងៃទី៩ ខែកញ្ញា ឆ្នាំ២០២១នេះ តាមប្រព័ន្ធវីដេអូ ក្រោមប្រធានបទ «មហាអនុតំបន់មេគង្គ៖ ពង្រឹងភាពខ្លាំង ដើម្បី ទប់ទល់ និងបញ្ហាប្រឈម នៃទសវត្សថ្មី»។
កិច្ចប្រជុំកំពូល មហាអនុតំបន់មេគង្គលើកទី៧នេះ មានការអញ្ជើញចូលរួមពីនាយករដ្ឋមន្ត្រីចិនលោក Li Keqiang, នាយករដ្ឋមន្ត្រីឡាវ លោក ផានខាំ វិផាវ៉ាញ, នាយករដ្ឋមន្ត្រីថៃ លោក ប្រាយុទ្ធ ចាន់អូចា, នាយក រដ្ឋមន្ត្រីវៀតណាម លោក ផាម មិញជិញ, នាយឧត្តមសេនីយ៍ មីន អោងឡាំង ប្រធានក្រុមប្រឹក្សារដ្ឋបាល មីយ៉ាន់ម៉ា និងលោក ម៉ាសាត្ស៊ូហ្គូ អាសាកាវ៉ា ប្រធានធានគារអភិវឌ្ឍន៍អាស៊ី។
សម្ដេចតេជោ ហ៊ុន សែន បានលើកឡើងថា ប្រធានបទនៅក្នុង កិច្ចប្រជុំខាងលើនេះ ធ្វើឡើងក្នុងគោល បំណងឆ្លុះបញ្ចាំង អំពីការប្តេជ្ញាចិត្តរួមគ្នាយ៉ាងម៉ោះមុត ក្នុងការរួមគ្នាត្រួសត្រាយផ្លូវ ដោះស្រាយបញ្ហា ប្រឈមថ្មីៗ សំដៅធ្វើយ៉ាងណាបន្តនូវភាពជោគជ័យ និងធានាថាមហាអនុតំបន់មេគង្គ និងនៅតែជាចំណុច ស្នូល នៃការតភ្ជាប់តំបន់ និងជួយប្រទេសសមាជិកសម្រេចគោលដៅ នៃការអភិវឌ្ឍប្រកបដោយចីរភាព និង បរិយាបន្ន។ ក្នុងឋានៈជាប្រធានកិច្ចប្រជុំ កម្ពុជាមានកិត្តិយស ដែលបានដើរតួនាទីសម្របសម្រួល ការត្រួត ពិនិត្យឡើងវិញ និងការរៀបចំក្របខ័ណ្ឌយុទ្ធសាស្ត្រថ្មី ដែលបានកំណត់ទិសដៅអនាគត សម្រាប់កម្មវិធី សហប្រតិបត្តិការ មហាអនុតំបន់មេគង្គលើមាគ៌ាអភិវឌ្ឍឆ្ពោះទៅរកវិបុលភាពរួម ដោយឈរលើគោលការណ៍ ច្បាប់អន្តរជាតិ និងសុខសន្តិភាព និងសាមគ្គីភាព។
ទន្ទឹមនឹងការលើកបង្ហាញនូវវឌ្ឍនភាព និងកិច្ចការ ដែលប្រទេសមហាអនុតំបន់ទន្លេមេគង្គ សម្រេចតាមរយៈ កិច្ចសហប្រតិបត្តិការរួមគ្នា រយៈពេលប្រមាណ៦ឆ្នាំកន្លងទៅនេះ សម្តេចតេជោ ហ៊ុន សែន ក៏បានគូសរំលេច ពីបញ្ហាប្រឈម សម្រាប់ប្រទេសមហាអនុតំបន់ទន្លេមេគង្គផងដែរ ហើយសម្តេចតេជោនាយករដ្ឋមន្ត្រី អះ អាងថា ការរាតត្បាតនៃជំងឺកូវីដ-១៩ គឺជាការរាំងស្ទះ និងភាពប្រឈមថ្មី សម្រាប់ការអភិវឌ្ឍប្រទេស មហា អនុតំបន់ទន្លេមេគង្គ។
សម្តេចតេជោ ហ៊ុន សែន បានលើកឡើងថា ទោះបីយើងដឹងថា វិបត្តិជំងឺកូវីដ-១៩ អាចនឹងធូរស្រាលនា ពេលខាងមុខ ដោយសារសន្ទុះ និងការពង្រីកវិសាលភាព នៃការចាក់វ៉ាក់សាំងតាមប្រទេសនីមួយៗ កំពុង មានវឌ្ឍនភាពល្អប្រសើរក៏ដោយ ក៏ពិភពលោកទាំងមូល នៅតែប្រឈមនឹងហានិភ័យ នៃការមកដល់នូវ រលកថ្មីៗ នៃជំងឺនេះ បង្កឡើងដោយមេរោគកន្លែងថ្មី Delta ដែលនឹងបន្តរំខានដល់សកម្មភាពសង្គម សេដ្ឋ កិច្ច រាប់ចាប់ពីសុខភាពសាធារណៈ លំហូរទេសចរណ៍ រហូតដល់ការរអាក់រអួល នៃខ្សែច្រវ៉ាក់ផ្គត់ផ្គង់ ពិភព លោក។
បើតាមសម្តេចតេជោ ហ៊ុន សែន នៅក្នុងបរិការណ៍នេះ ចាំបាច់ត្រូវពន្លឿន ការអនុវត្តកម្មវិធីសហប្រតិបត្តិការ របស់យើង និងលើកកម្ពស់សាមគ្គីភាព ប្រកបដោយភាពម៉ត់ចត់ ក្រោមយន្តការពហុភាគីនិយម ដើម្បីធានា បាននូវការងើបឡើងវិញយ៉ាងរឹងមាំ នៃការអភិវឌ្ឍសង្គម សេដ្ឋកិច្ច ក្រោយពេលវិបត្តិនេះ បានបញ្ចប់៕
អត្ថបទ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង