ព័ត៌មានជាតិ
មន្ត្រីជំនាញ ចាក់វ៉ាក់សាំងបង្ការជំងឺដុំពកសត្វពាហនៈចំនួន១៥០ក្បាលនៅស្រុកស្រែអំបិល
កោះកុង ៖ ក្រុមមន្ត្រីមន្ទីរកសិកម្ម រុក្ខាប្រមាញ់ និងនេសាទខេត្តកោះកុង សហការនឹងរដ្ឋបាលស្រុកស្រែអំបិល បានចុះពិនិត្យចាក់វ៉ាក់សាំងបង្កាជំងឺដុំពកលើស្បែកសត្វគោប្រមាណ១៥០ក្បាលនៅភូមិឈូក ឃុំជីខលើ។
២ថ្ងៃមកហើយ ដែលយុទ្ធនាការចាក់វ៉ាក់សាំងការពារបង្ការជំងឺដុំពកលើស្បែកសត្វគោដែលកើតមានក្នុងមូលដ្ឋាននៅឆ្ងាយពីទីប្រជុំងាយនឹងប្រឈមបណ្តាលសត្វពាហនៈងាប់ប៉ះពាល់ដល់សេដ្ឋកិច្ចជីវភាពប្រជាកសិករ។
លោក អ៊ី ម៉េងលាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានឱ្យដឹងល្ងាចថ្ងៃទី២១ ខែកញ្ញាថា ដំណើរការចាក់វ៉ាក់សាំងនេះធ្វើឡើងតាំងពីថ្ងៃទី២០ កញ្ញាម្សិលមិញ ដោយមានសត្វគោរបស់ពលរដ្ឋចំនួន១៥០ក្បាលបានទទួលថ្នាំវ៉ាក់សាំង។
លោកប្រធានមន្ទីរកសិកម្មខេត្ត បន្តថា ២ទៅ៣ខែមុន ក្រុមមន្ត្រីជំនាញក៏បានចុះតាមដានអាការៈជំងឺសត្វគោក្របី និងចាក់វ៉ាក់សាំងបង្ការជំងឺអុជក្តាម ឬសារទឹក ដល់សត្វទាំងនោះជាច្រើនក្បាលកន្លែងផ្សេងគ្នានៅស្រុកបូទុមសាគរ និងស្រែអំបិល។
ទន្ទឹមនោះលោកជំរុញដល់ប្រជាកសិករ និងអាជ្ញាធរមូលដ្ឋានមេត្តាប្រញាប់រាយការណ៍ព័ត៌មានពេលដឹងថាសត្វគោក្របីរបស់ពួកគាត់ផ្តើមមានជំងឺដូចខាងលើ ដើម្បីអាចមន្ត្រីជំនាញរិះរកវិធានការព្យាបាលបានទាន់ពេលវេលាជូន។
ចំណែកឯលោក ជា ច័ន្ទកញ្ញា អភិបាលស្រុកស្រែអំបិល ថ្លែងអំណអរគុណចំពោះការយកចិត្តទុកដាក់ខ្ពស់ទៅលើសុខភាពសត្វរបស់អ្នកស្រុកភូមិរបស់លោកតាមរយៈការផ្តល់ថ្នាំបង្ការដ៏មានសារៈសំខាន់បូករួមណែនាំពីវិធីសាស្ត្រទប់ស្កាត់បន្ថែម។
បើតាមលោកអភិបាលស្រុកស្រែអំបិល ភូមិឈូក ឃុំជីខលើ ជាមូលដ្ឋានដែលប្រជាពលរដ្ឋចិញ្ចឹមសត្វពាហនៈច្រើនជាងគេ កន្លងទៅ ក៏មានដែលសត្វគោរបស់ពលរដ្ឋចំនួន២១ក្បាលបានកើតជំងឺដុំពកលើស្បែកនេះ។
ទោះយ៉ាងណា ក្នុងចំណោមសត្វដែលឈឺនោះ មាន៥ក្បាលជាសះស្បើយពីជំងឺ នៅសេសសល់ប៉ុន្មានកំពុងបន្តព្យាបាល ប៉ុន្តែគ្មានសញ្ញាអ្វីគួរឱ្យព្រួយបារម្ភនោះទេព្រោះយើងអាចគ្រប់គ្រងស្ថានការណ៍បានល្អប្រសើរ។
រាល់ពេលក្នុងមូលដ្ឋានកើតមានជំងឺលើសត្វ អ្នកស្ម័គ្រចិត្តភូមិតែងតាមដាន និងរាយការណ៍ព័ត៌មានបន្ទាន់មកកាន់អាជ្ញាធរសមត្ថកិច្ច ព្រមទាំងមន្ត្រីជំនាញចុះពិនិត្យព្យាបាលភ្លាមៗ៕
អត្ថបទ ៖ សិរីវឌ្ឍនៈ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ