ព័ត៌មានជាតិ

ក្នុង១ថ្ងៃ កម្លាំងចម្រុះឃាត់ខ្លួន ពលករ ខ្មែរ បាន១៩នាក់នៅ២កន្លែងខុសគ្នាបំរុង លួចឆ្លងដែន ទៅរកការងារធ្វើនៅប្រទេស ថៃ ខុសច្បាប់

បានផុស

២ years មុន

នៅ

ថ្ងៃពុធ ២៩ កញ្ញា ២០២១

ដោយ

បន្ទាយមានជ័យ ៖ ក្នុង១ ថ្ងៃ កម្លាំងចម្រុះបាន ឃាត់ខ្លួន ពលករ ខ្មែរ បាន១៩នាក់នៅ២កន្លែងខុសគ្នាបម្រុង លួចឆ្លងដែន ទៅរកការងារធ្វើនៅប្រទេស ថៃ ដោយខុសនិងច្បាប់។

កន្លែងទី១នៅយប់ថ្ងៃទី ២៨ ខែកញ្ញា ឆ្នាំ២០២១ លោកវរសេនីយ៍ទោ យូ សុគន្ធ ភក្តី មេបញ្ជាការ វរ សេនា តូច ថ្មើរជើងលេខ៥១៣ បានដឹកនាំកម្លាំង នៅ ជួរមុខតាមខ្សែបន្ទាត់ ព្រំដែន ខ្មែរ – ថៃ នៅស្រុកម៉ាឡៃក្នុងនោះ បានសហការ ជាមួយ កម្លាំង ប៉ូលីស ព្រំដែន ៨១៥ និង កម្លាំង នៅតាម មូលដ្ឋាន ចេញ ល្បាត ត្រួតពិនិត្យ តាម ព្រំដែនក្នុងភូមិ សន្តិភាព ឃុំ ទួល ពង្រ ដល់ ភូមិ ចំបក់ ឃុំ បឹងបេងបាន ប្រទះឃើញ ពលករ ខ្មែរ បាន ចំនួន ៨ នាក់ ស្រី ចំនួន ៣ នាក់ បំរុងលួចឆ្លងដែនទៅរកការងារធ្វើនៅប្រទេសថៃ នៅត្រង់ចំណុច ភូមិ បន្ទាយ ២ ឃុំ អូរ សំព័រ ស្រុក ម៉ាឡៃ ឃាត់ខ្លួនសាក សួរចប់យកទៅអនុវត្តតាមច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកករណីទី២ នៅយប់ ថ្ងៃទី ២៨ ខែកញ្ញា ឆ្នាំ ២០២១ លោក វរសេនីយ៍ទោ ប៉ែន សុគន្ធ មេបញ្ជាការ វរ សេនា តូច ថ្មើរជើង លេខ ៥១៤ ដឹកនាំ កម្លាំង សហការ ជាមួយ កម្លាំងចម្រុះ បាន ឃាត់ខ្លួន ពលករ ខ្មែរ បំរុង លួចឆ្លងដែន ចូល ប្រទេស ថៃ បាន ចំនួន ១១ នាក់ ក្នុងនោះ ស្រី ៥ នាក់ ជិះកង់ បី ចំនួន ១ គ្រឿង នៅ ភូមិ ចំការ គ ឃុំ ស្វាយចេក ស្រុក ស្វាយចេក ខេត្តបន្ទាយមានជ័យ។

លោក មេបញ្ជាការ វរ សេនា តូច ថ្មើរជើង លេខ ៥១៤ បាន ប្រាប់ឲ្យដឹងថា កងកម្លាំង បានល្បាត ជាប់ ជាប្រចាំ ២៤ ម៉ោង លើ ២៤ ម៉ោង ដោយ ប្តូរ វេន គ្នា សហការ ជាមួយ កម្លាំងចម្រុះ ដើម្បី ទប់ស្កាត់ ពលករ លួច ឆ្លងដែន ខុសច្បាប់ និង ទប់ស្កាត់ ការឆ្លង រាលដាល នៃ ជំងឺ កូ វីដ -១៩ មិន ឲ្យ ចូលទៅក្នុង សហគមន៍។

លោក វរសេនីយ៍ទោ ប៉ែន សុគន្ធ បាន ដឹកនាំ កម្លាំង ដើរល្បាត បាន ជួប ពលករ ខ្មែរ បម្រុង ឆ្លងដែន ចូល ប្រទេស ថៃ ត្រូវបាន កម្លាំង វរ សេនា តូច ថ្មើរជើង លេខ ៥១៤ កងពលតូច ថ្មើរជើង លេខ ៥១ ឃាត់ខ្លួន។ ការឃាត់ខ្លួនពលករនេះ អនុវត្តតាម បទបញ្ជា ថ្នាក់លើ កម្លាំង គ្រប់ គោលដៅមិន ឲ្យ ធ្វេសប្រហែស ឡើយ ព្រោះពេលប្រទេសថៃ នៅតែបន្តរកឃើញ អ្នកឆ្លងកូវីដ -១៩ ជា បន្តបន្ទាប់។

លោកបានបញ្ជាក់ឲ្យដឹងបន្តថា ដើម្បីចូលរួមចំណែកជាមួយរាជរដ្ឋាភិបាល ក្នុងការទប់ស្កាត់ការរីក រាលដាល នៃ ជំងឺកូវីដ -១៩ កុំឲ្យឆ្លង ចូល ជា សហគមន៍ កម្លាំង វរ សេនា តូច ថ្មើរជើង លេខ ៥១៣ តែតែងអនុវត្តតាម បទបញ្ជា ថ្នាក់លើ ទាំង ៣ ទិស ក្នុង ខេត្តបន្ទាយមានជ័យ ចាប់ពី ទិស អូរ នាង ប៉ោយប៉ែត និង ទិស ម៉ាឡៃ សហការ ជាមួយ កម្លាំង នៅតាម មូលដ្ឋាន ចេញ ល្បាត ឆែកឆេរ ត្រួតពិនិត្យ ជាប្រចាំ ក្នុងការ ទប់ស្កាត់ ពលករ ឆ្លងដែន ខុសច្បាប់៕

ដោយ ៖ វ៉ាន់ ណាង