ព័ត៌មានជាតិ
អាជ្ញាធរខណ្ឌដូនពេញ ចុះណែនាំការដ្ឋានសំណង់មួយកន្លែងបន្ទាប់ពីបង្កសំឡេងរំខានដល់ពលរដ្ឋ
ទីតាំងសំណង់អគារខ្ពស់មួយកន្លែង ត្រូវបានកម្លាំងគណៈបញ្ជាការឯកភាពខណ្ឌដូនពេញ ចុះណែនាំឱ្យគោរពពេលវេលានៃការធ្វើការងារនៅក្នុងទីតាំងនោះដោយសារតែការបង្កសំឡេងរំខានដល់អ្នកជិតខាង។
អាជ្ញាធរខណ្ឌដូនពេញបានឲ្យដឹងនៅព្រឹកថ្ងៃទី១៨ ខែតុលា ឆ្នាំ២០២១នេះថា ជាក់ស្តែងនៅរសៀលថ្ងៃទី១៦ ខែតុលា ឆ្នាំ២០២១នេះយោងពាក្យបណ្តឹងចុះថ្ងៃទី១៤ ខែតុលា ឆ្នាំ២០២១ របស់ឈ្មោះ ហ៊ុន ហ្វាស និងចំណាររបស់លោក សុខ ពេញវុធ អភិបាល នៃគណៈអភិបាលខណ្ឌដូនពេញ លោក ម៉ុក ច័ន្ទករុណា អភិបាលរងខណ្ឌ បានដឹកនាំក្រុមការងារត្រួតពិនិត្យសំណង់ខណ្ឌ ចុះធ្វើការណែនាំទីតាំងការដ្ឋានសាងសង់ក្បាលដីលេខ៥៧០ ស្ថិតនៅផ្លូវលេខ៧០ ភូមិ២៤ សង្កាត់ស្រះចក ខណ្ឌដូនពេញ រាជធានីភ្នំពេញ ។
ពេលក្រុមការងារចុះដល់ទីតាំងជាក់ស្តែង ពិនិត្យឃើញថា ការដ្ឋានកំពុងមានសកម្មភាពសាងសង់បាន០៧ជាន់ ដោយមានសំឡេងការដ្ឋានជាធម្មតា ។ ក្រុមការងារសង្កាត់ មិនអាចទំនាក់ទំនងភាគីដើមបណ្តឹង បានទេ ។
ខណៈនោះក្រុមការងារបានណែនាំដល់តំណាងម្ចាស់ការដ្ឋានដូចខាងក្រោម :
១. ម្ចាស់ការដ្ឋាន ត្រូវគោរពម៉ោងពេលការងារ ដោយត្រូវដំណើរការងារក្នុងការដ្ឋានចាប់ពីម៉ោង០៧:០០នាទីព្រឹក ដល់ម៉ោង១១:៣០នាទីព្រឹក និងពេលរសៀលចាប់ពីម៉ោង១៤:០០នាទីរសៀល ដល់ម៉ោង១៩:០០នាទីយប់ ត្រូវបញ្ចប់រាល់កិច្ចការងារទាំងអស់ដែលបង្កសំលេងរំខានដល់អ្នកជិតខាង ។
២. ត្រូវត្រួតពិនិត្យប្រព័ន្ធសុវត្ថិភាពសំណង់ជាប្រចាំ ក្នុងនោះត្រូវពិនិត្យបច្ចេកទេសដងស្ទូច, សំណាញ់ហ៊ុមព័ទ្ធការដ្ឋាន, របាសំណាញ់ជ្រែង ។ ចំពោះដងស្ទូចត្រូវចតស្របផ្លូវលេខ៧០ នៅពេលសម្រាក និងត្រូវអនុវត្តវិធានការសុខាភិបាលឲ្យបានម៉ឺងម៉ាត់ ។
៣. មិនត្រូវដាក់សម្ភារៈសំណង់លើចិញ្ចើមផ្លូវសាធារណៈ ។
៤. ក្នុងករណី ម្ចាស់ការដ្ឋាន ចង់ស្នើសុំធ្វើការបន្ថែមលើសម៉ោង ត្រូវដាក់លិខិតស្នើសុំមករដ្ឋបាលខណ្ឌដូនពេញ ជាមុនសិន ។
ក្នុងករណីម្ចាស់ការដ្ឋានមិនអនុវត្តតាមការណែនាំរបស់ក្រុមការងារ រដ្ឋបាលខណ្ឌនឹងអនុវត្តវិធានការរដ្ឋបាលយ៉ាងម៉ឺងម៉ាត់ ។
បន្ទាប់ពីធ្វើកំណត់ហេតុចប់ក្រុមការងារខណ្ឌដូនពេញបានអានកំណត់ហេតុ ជូនតំណាងម្ចាស់ការដ្ឋានស្តាប់ចប់សព្វគ្រប់ ហើយតំណាងម្ចាស់ការដ្ឋានបានឯកភាពតាមការណែនាំរបស់ក្រុមការងារទាំងស្រុងផងដែរ៕
អត្ថបទ៖ រស្មី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល