ព័ត៌មានអន្ដរជាតិ
លោក ហ្សេលេនស្គី ថា ទាល់មានខែលការពារអាកាស ទើបប្រជាជនអ៊ុយក្រែន យកកូន
តាមសេចក្តីរាយការណ៍របស់ Reuters កាលពីថ្ងៃព្រហស្បតិ៍ទី២៨ខែមីនា, ប្រធានាធិបតីអ៊ុយក្រែនលោក វ្ល៉ាឌីមៀរ ហ្សេលេនស្គី និយាយថា ទីក្រុងកៀវ ត្រូវការប្រព័ន្ធការពារដែនអាកាសបន្ថែមទៀត ដើម្បីជួយឲ្យប្រជាជនអ៊ុយក្រែន មានកូនបន្ថែម ខណៈបច្ចុប្បន្នអ៊ុយក្រែន ជាប្រទេសមានអត្រាកំណើតទាបបំផុតលើពិភពលោក។
![](https://www.kampucheathmey.com/wp-content/uploads/2024/03/image-1640-1024x683.png)
ក្នុងជំនួបជាមួយសិស្សសាលានៅទីក្រុង Sumy ជិតព្រំដែនរុស្ស៊ី, លោកហ្សេលេនស្គី ត្រូវបានគេសួរថាតើ លោកមានគម្រោងផ្តល់ជំនួយហិរញ្ញវត្ថុដល់ឪពុកម្តាយថ្មីថ្មោងដែរឬទេ ស្រាប់តែប្រធានាធិបតីអ៊ុយក្រែនរូបនេះឆ្លើយថា “យើងមិនត្រឹមតែត្រូវលើកទឹកចិត្តផ្នែកហិរញ្ញវត្ថុប៉ុណ្ណោះទេ, ប៉ុន្តែតាមគំនិតខ្ញុំ វាហាក់ដូចជាថា អ្នកចង់បានកូន ក៏គិតពីបញ្ហាសន្តិសុខជាចម្បងដែរ”។
លោកលើកឡើងថា រដ្ឋាភិបាលគួរតែបន្ថែមទីតាំងការពារខ្លួនពីការវាយប្រហារអាកាស នៅតាមសាលារៀននិងសាលាមត្តេយ្យ ក៏ដូចជាការទទួលបានខែលការការពារដែនអាកាសពីដៃគូបរទេស និងឧបករណ៍ផលិតក្នុងស្រុកផ្សេងទៀត។
![](https://www.kampucheathmey.com/wp-content/uploads/2024/03/image-1639.png)
សូមបញ្ជាក់ អត្រាមានកូនសរុបរបស់អ៊ុយក្រែន បច្ចុប្បន្នគឺ ០.៧ ដែលជាកម្រិតទាបបំផុតនៅក្នុងពិភពលោក។ វិទ្យាស្ថានមួយដែលផ្តល់មូលនិធិដោយរដ្ឋាភិបាល បានប្រាប់កាសែត The Times កាលពីដើមឆ្នាំថា ប្រជាសាស្រ្តរបស់ប្រទេសនេះ ត្រូវរងផលប៉ះពាល់បន្ថែមទៀតដោយសារប្រជាជនយ៉ាងច្រើន ត្រូវជម្លៀសខ្លួនទៅលោកខាងលិច និងបាត់បង់ទាហាននៅលើសមរភូមិ។
លោកស្រី Ella Libanova ប្រធានវិទ្យាស្ថានសម្រាប់ការសិក្សាប្រជាសាស្រ្តនិងសង្គម នៅបណ្ឌិតសភាវិទ្យាសាស្ត្រជាតិអ៊ុយក្រែន បាននិយាយថា “អាយុរស់ជាមធ្យមរបស់បុរស បានថយចុះពី ៦៦-៦៧ឆ្នាំ មុនពេលសង្រ្គាមមកត្រឹម ៥៧-៥៨ឆ្នាំ ហើយមានតែប្រទេសអាហ្រ្វិកចំនួនបួនប៉ុណ្ណោះដែលមានអាយុរស់ទាបជាងនេះ នោះគឺ ឆាដ នីហ្សេរីយ៉ា ឡេសូតូ និងសាធារណរដ្ឋអាហ្រ្វិកកណ្តាល”។
![](https://www.kampucheathmey.com/wp-content/uploads/2024/03/image-1641.png)
កាលពីខែមិថុនាឆ្នាំមុន វិទ្យាស្ថានអ៊ុយក្រែនសម្រាប់អនាគត (UIF) ក៏បានប៉ាន់ប្រមាណដែរថា មានតែប្រជាជន២៩លាននាក់ប៉ុណ្ណោះ ដែលនៅសេសសល់ក្នុងប្រទេសនេះ ពោលគឺធ្លាក់ចុះពី៥២លាននាក់ក្នុងឆ្នាំ១៩៩១ ពេលដែលអ៊ុយក្រែនប្រកាសឯករាជ្យ៕
អត្ថបទ៖ សុខ សុវណ្ណ
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ