ព័ត៌មានជាតិ
អ្នកដំណើរចាក់វ៉ាក់សាំងរួច កំពុងធ្វើចត្តាឡីស័ក ត្រូវអនុញ្ញាតឱ្យចេញចាប់ពីថ្ងៃនេះតទៅ
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានអះអាងថា អ្នកដំណើរដែលបានចាក់វ៉ាក់សាំងកូវីដ-១៩ ពេញលេញ ហើយកំពុងធ្វើចត្តាឡីស័កនៅតាមមណ្ឌលចត្តាឡីស័ក, សណ្ឋាគារ និងគេហដ្ឋាន នៅទូទាំងប្រទេស ដែលមិនមានវិជ្ជមានកូវីដ-១៩ ត្រូវអនុញ្ញាតឲ្យចេញពីការធ្វើចត្តាឡីស័ក ចាប់ពីថ្ងៃ១៥ ខែវិច្ឆិកា ឆ្នាំ២០២១ នេះតទៅ។
តាមរយៈសេចក្ដីប្រកាសព័ត៌មានរបស់ក្រសួងសុខាភិបាល ចេញកាលពីយប់ថ្ងៃទី១៤វិច្ឆិកា លោករដ្ឋមន្ត្រីបានបញ្ជាក់ថា ចំណែកអ្នកដំណើរចូលមកប្រទេសកម្ពុជាទាំងបរទេស និងខ្មែរ ដែលបានចាក់វ៉ាក់សាំងគ្រប់ចំនួនរួចរាល់ មិនតម្រូវឲ្យធ្វើចត្តាឡីស័កផងដែរ។ លោករដ្ឋមន្ត្រីបានបន្តថា បើទោះបីមិនតម្រូវឲ្យធ្វើចត្តាឡីស័ក សម្រាប់អ្នកចាក់វ៉ាក់សាំងហើយក៏ពិតមែន ប៉ុន្ដែត្រូវបំពេញកាតព្វកិច្ចមួយទៀត គឺការយកសំណាកដោយប្រើប្រាស់ឧបករណ៍តេស្ដរហ័សនៅក្នុងរយៈពេល១៥ទៅ២០នាទី។ បន្ទាប់ពីលទ្ធផលតេស្តអវិជ្ជមាន បុគ្គលនោះអាចធ្វើដំណើរបានដោយសេរីនៅទូទាំងប្រទេសកម្ពុជា ដោយមិនកម្រិតតំបន់ឬខេត្តក្រុងនោះទេ និងមិនតម្រូវឱ្យធ្វើចត្តាឡីស័កឡើយ។ លោករដ្ឋមន្ត្រីបានបញ្ជាក់ថា ចំពោះអ្នកដំណើរ ដែលមិនបានចាក់វ៉ាក់សាំងហើយធ្វើដំណើរចូលមកប្រទេសកម្ពុជា ត្រូវឆ្លងកាត់ការធ្វើតេស្តរកកូវីដ១៩ ដោយម៉ាស៊ីនPCRនិងត្រូវធ្វើចត្តាឡីស័ករយៈពេល១៤ថ្ងៃស្របទៅតាមនីតិវិធីជាធរមាន។
ការចេញសេចក្ដីប្រកាសព័ត៌មានខាងលើនេះ របស់ក្រសួងសុខាភិបាល ធ្វើឡើងបន្ទាប់ពីមានការសម្រេចរបស់សម្ដេចតេជោ ហ៊ុន សែន តាមរយៈសារសំឡេង ដែលបានអនុញ្ញាតឲ្យផ្សព្វផ្សាយជាសាធារណៈ នៅល្ងាចថ្ងៃទី១៤ ខែវិច្ឆិកា ឆ្នាំ២០២១នេះ។
តាមរយៈសារសំឡេងពិសេសកាលពីរសៀលថ្ងៃម្សិលមិញ សម្តេចតេជោ ហ៊ុន សែន បានមានប្រសាសន៍ថា យើងចាំបាច់កែប្រែការអនុវត្តការធ្វើចត្តាឡ័ស័ក ដែលបច្ចុប្បន្នអនុវត្តចំពោះអ្នកចាក់វ៉ាក់សាំងបានពីរដូសពេលមកដល់កម្ពុជា ត្រូវធ្វើចត្តាឡីស័កចំនួន៧ថ្ងៃ។ ចំណែកធុរជន និងគណៈប្រភូខ្មែរត្រឡប់មកពីបរទេសធ្វើ៣ថ្ងៃ និងត្រៀមអនុវត្តចំពោះអ្នកទេសចរវ៉ាក់សាំងត្រូវធ្វើ៥ថ្ងៃនៅតំបន់ដែលខ្លួនស្នាក់នៅ។
សម្តេចតេជោបានបន្តថា សម្រាប់អ្នកដែលចាក់វ៉ាក់សាំងរួចទាំងជនជាតិខ្មែរ និងបរទេសចូលមកកម្ពុជាធ្វើដំណើរតាមផ្លូវអាកាស ផ្លូវទឹកនិងផ្លូវគោកមិនតម្រូវឱ្យធ្វើចត្តាឡីស័កទៀតទេ ប៉ុន្តែត្រូវយកសំណាករកមេរោគកូវីដ១៩ ដោយឧបករណ៍តេស្តរហ័សដោយត្រូវរង់ចាំត្រឹម១៥ទៅ២០នាទីប៉ុណ្ណោះ។ បើលទ្ធផលតេស្តអវិជ្ជមាន បងប្អូនមានលទ្ធភាពចេញដំណើរទៅកាន់កន្លែងណាមួយក្នុងក្របខណ្ឌទូទាំងប្រទេស ដោយគ្មានការកំណត់ទៅតាមចំណង់ចំណូលចិត្តតែម្តង។
សម្តេចបានបន្តថា ចំពោះអ្នកដែលមិនបានចាក់វ៉ាក់សាំងត្រូវធ្វើធ្វើចត្តាឡីស័ក១៤ថ្ងៃ និងធ្វើតេស្តដោយម៉ាស៊ីនPCRដដែល។ សម្តេចបានបញ្ជាក់ថា ការអនុវត្តនេះ ដោយគ្មានការរើសអើងទាំងបងប្អូនខ្មែររស់នៅបរទេស អ្នកធុរកិច្ច ជនបរទេស គឺអនុវត្តដូចៗគ្នា។
ជាមួយគ្នានេះដែរ សម្តេចបានស្នើដល់ក្រសួងទេសចរណ៍ក្រសួងសុខាភិបាល ក៏ដូចជាផ្នែកពាក់ព័ន្ធនានាអនុវត្តវិធានការនេះ ចាប់ពីថ្ងៃទី១៥ខែវិច្ឆិកាឆ្នាំ២០២១នេះតទៅ៕
អត្ថបទ៖ សំអឿន
វៀតណាម ត្រូវរងគ្រោះដោយរលកកម្តៅបន្ថែមទៀត ដល់ដាច់ខែ
គម្រោងជីកស្ទឹងស្រែងបង្វែចរន្តទឹកអាចបង្កើនសមត្ថភាពស្រោចស្រពផ្ទៃដីជាង ១ ពាន់ហិកតា
ព្យុះព្រះអាទិត្យ ដ៏កាចសាហាវ វាយប្រហារភពផែនដី
មន្ត្រីជាន់ខ្ពស់ ចង់ប្រែក្លាយ ប.ស.ស ជាស្ថាប័នឈានមុខក្នុងការបម្រើសេវាជូនពលរដ្ឋនៅកម្ពុជា
អ៊ីស្រាអែល នៅតែផ្គើនអាមេរិក ចេញបញ្ជាឲ្យជនស៊ីវិល ឆាប់ជម្លៀសចេញពី Rafah ខណៈខ្លួន វាយសន្ធាប់
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
ព្យុះព្រះអាទិត្យ ដ៏កាចសាហាវ វាយប្រហារភពផែនដី
ផ្ទុះខ្លាំង! មិនដល់២៤ម៉ោងផង វីដេអូ Surprise មង្គលការអតិថិជនរបស់ក្រុមហ៊ុន វឌ្ឍនៈ ប្រ៊ូវើរី ដោយកញ្ញារ៉ាប៊ីមានអ្នកទស្សនាជិត ៣លាននាក់ Videos Inside
-
សេដ្ឋកិច្ច៧ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៧ ថ្ងៃ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ agoស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ជីវិតកម្សាន្ដ១ សប្តាហ៍ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ២ ថ្ងៃ agoរុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)