ព័ត៌មានជាតិ
អគារតេជោអភិវឌ្ឍន៍តម្លៃជាង ៧០លានដុល្លារ នឹងក្លាយជាកន្លែងស្រាវជ្រាវផ្នែកវេជ្ជសាស្រ្តឌីជីថលទំនើបបំផុតនៅកម្ពុជា
អគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត នឹងក្លាយជាមជ្ឈមណ្ឌលបណ្តុះបណ្តាលដល់និស្សិតសម្រាប់ធ្វើការសិក្សា និងស្រាវជ្រាវផ្នែកវេជ្ជសាស្រ្តតាមប្រព័ន្ធឌីជីថលដ៏ទំនើបនៅក្នុងប្រទេស។ អគារនេះ ត្រូវបានបើកដំណើរការជាផ្លូវការ នៅព្រឹកថ្ងៃទី ២៣ ឧសភា នេះ។
![](https://www.kampucheathmey.com/wp-content/uploads/2023/05/Screenshot-2023-05-23-080631-1024x540.png)
លោក ម៉ម ប៊ុនហេង រដ្ឋមន្រ្តីក្រសួងសុខាភិបាល បានលើកឡើងនៅក្នុងពិធីសម្ពោធជាផ្លូវការថា គម្រោងសាងសង់អគារទាំងមូល និងសម្ភារៈសរុបមានទឹកប្រាក់ចំនួនជាង ៧០លានដុល្លារ ដែលថវិកាទាំងនេះ ជាការឧបត្ថម្ភរបស់សម្តេចតេជោ ហ៊ុន សែន និងសប្បុរសជន។
បើតាមលោក ម៉ម ប៊ុនហេង អគារនេះស្ថិតនៅសង្កាត់ស្រះចក ខណ្ឌដូនពេញ តាមបណ្តោយផ្លូវព្រះមុនីវង្ស មានបណ្តោយ១៥៣ម៉ែត្រ ទទឹងជាង ២២ម៉ែត្រ កម្ពស់ ១២ជាន់ ក្រោមដី២ជាន់ ផ្ទៃក្រឡាសរុបជាង ៤ម៉ឺនម៉ែត្រក្រឡា សាងសង់ស្របតាមស្តង់ដារមន្ទីរពេទ្យអន្តរជាតិ បទដ្ឋានបច្ចេកទេសបារាំង មានគ្រែ ៤២៦គ្រែ។
![](https://www.kampucheathmey.com/wp-content/uploads/2023/05/Screenshot-2023-05-23-080616-1024x621.png)
លោក រដ្ឋមន្រ្តីបានឱ្យដឹងដូច្នេះថា« ជាន់ទី១ និងទី២ ក្រោមដីជាចំណតយានយន្ត, ជាន់ផ្ទាល់ដីមានបន្ទប់វះកាត់តូចពីរ បន្ទប់សង្រ្គោះបន្ទាន់មានចំនួន ៣៦គ្រែ ឱសថដ្ឋាន ភេសជ្ជដ្ឋាន ហាងទំនិញ និងផ្កា ម៉ាស៊ីន ATM និងបន្ទប់ផ្លាស់សម្លៀកបំពាក់បុគ្គលិកសម្រាប់អគារទាំងមូល។ ជាន់ទី២ សម្រាប់ទទួលសង្គ្រោះអ្នកជំងឺកម្រិតធ្ងន់ធ្ងរ មានចំនួណ ៣២បន្ទប់ស្មើនឹង ៥១គ្រែ ក្នុងនោះបន្ទប់លាងឈាមចំនួន ៤, ផ្នែកចក្ខុរោគមានបន្ទប់ពិគ្រោះជំងឺចំនួន ៣ បន្ទប់វះកាត់ភ្នែក២ គ្រែសម្រាកព្យាបាល៤ ផ្នែកឯកទេសត្រចៀក ច្រមុះ បំពង់ក ជាដើម។
អគារតេជោសន្តិភាពនេះ អាចមានសមត្ថភាពផ្តល់សេវាសុខាភិបាលដល់អ្នកជំងឺបាន ២៥ម៉ឺននាក់ក្នុងមួយឆ្នាំ។ នេះបើតាមការបញ្ជាក់របស់លោក ម៉ម ប៊ុនហេង។
លោក ម៉ម ប៊ុនហេង មានប្រសាសន៍ថា សមិទ្ធផលដ៏សំខាន់នេះ កើតចេញពីការដឹកនាំដ៏ឈ្លាសវៃរបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា ជាពិសេសការរក្សាបានសន្តិភាព ស្ថិរភាពនយោបាយ សន្តិសុខសណ្តាប់ធ្នាប់ សុវត្ថិភាពសង្គម ការគ្រប់គ្រងបានជំងឺកូវីដ-១៩ ការរក្សាបានកំណើនសេដ្ឋកិច្ច ការលើកកម្ពស់កិត្យានុភាពកម្ពុជា ថ្នាក់តំបន់ និងលើឆាកអន្តរជាតិ ជាដើម។ អគារនេះ ក៏មានចំណតឧទ្ធម្ភាចក្រផងដែរ។
សម្ដេចតេជោ ហ៊ុន សែន នាយកដ្ឋន្រ្តី បានមានប្រសាសន៍ថា ក្នុងនាមរាជរដ្ឋាភិបាលកម្ពុជា បានថ្លែងអំណរគុណដល់សប្បុរសជន ដែលបានចូលរួមផ្តល់ថវិកាសាងសង់អគារព្យាបាលនេះឡើង ហើយសម្ដេចក៏បានថ្លែងអំណរគុណឧបនាយករដ្ឋមន្ត្រី អូន ព័ន្ធមុនីរ័ត្ន ដែលបានយល់ព្រមទម្លាក់ថវិកា៣០លានដុល្លារ ដើម្បីសាងសង់អគារព្យាបាលនេះផងដែរ។
![](https://www.kampucheathmey.com/wp-content/uploads/2023/05/Screenshot-2023-05-23-080730-1024x626.png)
![](https://www.kampucheathmey.com/wp-content/uploads/2023/05/Screenshot-2023-05-23-103240-1024x629.png)
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក