ព័ត៌មានជាតិ

រោមច្រមុះមិនមែនចេះតែដកតាមចិត្តចង់ទេ ប្រយ័ត្នមានគ្រោះថ្នាក់ដល់ជីវិត

បានផុស

២ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

អ្នកខ្លះ អាចប្រើកន្ត្រៃដើម្បីកាត់ចុងរោមច្រមុះវែង ។ ប៉ុន្តែមនុស្សមួយចំនួន ជ្រើសរើសវិធីដក។ ទង្វើនេះនឹងនាំឲ្យមានការឈឺចាប់ រហូតដល់ហ៊ាទឹកភ្នែក ឬឈឺចាប់ក្នុងច្រមុះជាដើម។ ទោះជាយ៉ាងណា ការដករោមច្រមុះក៏អាចមានគ្រោះថ្នាក់តាមរបៀបដែលយើងនឹកស្មានមិនដល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដករោមច្រមុះពិតជាអាចបង្កហានិភ័យឆ្លងមេរោគខួរក្បាល?

បណ្ឌិត Premyot Ngaothepprutharam អ្នកឯកទេសខាងជំងឺច្រមុះ និងអាឡ័កស៊ី នៃនាយកដ្ឋាន Otolaryngology មហាវិទ្យាល័យវេជ្ជសាស្ត្រ Siriraj Hospital បញ្ជាក់ថា ការដករោមច្រមុះ ពិតជាអាចប្រឈមនឹងការឆ្លងមេរោគខួរក្បាល។ ដោយសារតែសរសៃនៅក្នុងច្រមុះ ជាសរសៃឈាមវ៉ែន ដែលមិនមានរបាំងការពារ ឬមិនមានសន្ទះបិទបើកនៅក្នុងសរសៃឈាមទេ។ លើសពីនេះទៀត តំបន់ច្រមុះ និងបបូរមាត់ខាងលើ ប្រសិនបើមេរោគចូលតាមរយៈសរសៃដោយផ្ទាល់ ទៅ fossa នោះសរសៃឈាមវ៉ែននឹងមានវត្តមាននៅមូលដ្ឋាននៃខួរក្បាល។ ជាពិសេសប្រសិនបើសរសៃឈាមវ៉ែននេះ ត្រូវបានរលាក វាអាចចូលក្នុងតំបន់ខួរក្បាល បណ្តាលឲ្យរលាកខួរក្បាល ឬក្នុងករណីខ្លះ អាប់សក្នុងខួរក្បាល អាចកើតឡើង។

គ្រោះថ្នាក់នៃការដករោមច្រមុះ

ក្រៅពីការដករោមច្រមុះ មានហានិភ័យនៃការឆ្លងមេរោគក្នុងខួរក្បាលដែរ។ វាក៏អាចមានហានិភ័យនៃការហូរឈាមច្រមុះផងដែរ។ ដោយសារតែតំបន់សក់ច្រមុះ មានសរសៃឈាមច្រើន។ ប្រសិនបើយើងដករោមច្រមុះខ្លាំងៗ នោះអាចបណ្ដាលឲ្យមានការដាច់រលាត់ ហើយទៅជាហូរឈាម។

វេជ្ជបណ្ឌិតបានណែនាំ ប្រសិនបើចង់ដករោមច្រមុះដោយសុវត្ថិភាព យកល្អគួរតែកាត់រោមដោយប្រើកន្ត្រៃ ។ ប៉ុន្តែត្រូវប្រយ័ត្នចំពោះចុងកន្ត្រៃ និងប្រើកម្រិតណា តើមានហានិភ័យនៃការចាក់ច្រមុះរបស់អ្នកនៅកន្លែងផ្សេងទៀតដែរឬទេ? បើមិនប្រយ័ត្ន អាចបណ្តាលឲ្យរបួស ដូច្នេះត្រូវជ្រើសរើសកន្ត្រៃដែលមានចុងមូល មិនមុតខ្លាំង។

ទោះជាយ៉ាងណាក៏ដោយ រោមច្រមុះក៏មិនគួរកាត់ឲ្យខ្លីពេកទេ ព្រោះរោមច្រមុះវែង នឹងជួយបណ្ដេញធូលី ឬសារធាតុពុល។ ប្រសិនបើរោមច្រមុះខ្លីពេក ធូលីអាចចូលទៅក្នុងរន្ធច្រមុះ ហើយនោះជាមូលហេតុនៃការរលាកច្រមុះ ការបំពុល ឬសារធាតុរលាកផ្សេងៗ។ ជាពិសេសធូលីនឹងរអិលចូលទៅក្នុងផ្លូវដង្ហើម ធ្វើឲ្យមានគ្រោះថ្នាក់ដល់ជីវិតក៏មាន៕

ប្រែសម្រួល៖ សាង ស្រីល័ក្ខ

ចុចអាន៖អ្នកចូលចិត្តកាច់ម្រាមដៃលេងមានគ្រោះថ្នាក់ដែរទេ? សំឡេងទាំងនោះ ឮដោយរបៀបណា?

ចុចអាន៖ចុចទីតាំងទាំង ១៤ លើរាងកាយនេះ អាចបំបាត់អាការឈឺចាប់នានា

Related Topics:សុខភាពរាងកាយ