KPT+

អ្នកចូលចិត្តកាច់ម្រាមដៃលេងមានគ្រោះថ្នាក់ដែរទេ? សំឡេងទាំងនោះ ឮដោយរបៀបណា?

បានផុស

៥ years មុន

នៅ

ថ្ងៃចន្ទ ២២ វិច្ឆិកា ២០២១

ដោយ

អ្នកដែលមានទម្លាប់កាច់ម្រាមដៃខ្លាំងៗ នឹងប៉ះពាល់ដល់ឆ្អឹងកង ឬផ្នែកផ្សេងទៀតដែលទេ? អ្នកនិយមកាច់ម្រាមដៃលេងៗពេលទំនេរ មកសិក្សាស្វែងយល់ទាំងអស់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើការកាច់ម្រាមដៃញឹកញាប់ ប៉ះពាល់ដល់រាងកាយដែរទេ?

វេជ្ជបណ្ឌិត Thidakan Rujipatanakul ឬ វេជ្ជបណ្ឌិត Ping អ្នកឯកទេសស្បែក និងថ្នាំប្រឆាំងភាពចាស់ មន្ទីរពេទ្យ Samitivej Sukhumvit បញ្ជាក់ថា ការសិក្សាលើមនុស្ស ៣០០ នាក់ដែលបានកាច់ម្រាមដៃរបស់ពួកគេអស់រយៈពេល៣៥ ឆ្នាំ បានរកឃើញថា ការកាច់ម្រាមដៃជាទៀងទាត់ គឺមិនមានគ្រោះថ្នាក់ដល់សុខភាពនោះទេ។ ប៉ុន្តែអាចមានផលប៉ះពាល់ផ្សេងទៀត ដូចជាហើម ឬខូចទ្រង់ទ្រាយកដៃ។ ដោយសារតែជាលិកាបានរងរបួសអស់រយៈពេលជាយូរ។ រួមទាំងកម្លាំងនៅក្នុងកណ្តាប់ដៃ ត្រូវបានកាត់បន្ថយ ខណៈពេលធ្វើវាជាបន្តបន្ទាប់ក្នុងពេលយូរ។

សំឡេងឮចេញពីការកាច់ម្រាមដៃ កើតឡើងបានយ៉ាងដូចម្ដេច?

ព័ត៌មានពីមន្ទីរពេទ្យ Wichaiyut បង្ហាញថា កាច់ម្រាមដៃ សំឡេងដែលអាចឮគឺបណ្ដាលមកពីការប្រេះបែក នៃពពុះខ្យល់ចេញពីវត្ថុរាវដែលមានឈ្មោះថា synovial fluid ដែលនឹងដើរតួជាសារធាតុរំអិល។ វាអនុញ្ញាតឲ្យសន្លាក់បត់បែន លាតសន្ធឹង ឬធ្វើចលនាដោយរលូន ។ នៅពេលដែលយើងកាច់ម្រាមដៃជាមួយនឹងសម្ពាធ និងល្បឿនច្រើនជាងយើងពត់ម្រាមដៃធម្មតា។ នេះនឹងធ្វើឲ្យសម្ពាធនៅក្នុងសារធាតុរាវ synovial ថយចុះរហូតដល់វាបណ្តាលឲ្យមានពពុះនៅក្នុងសារធាតុរាវ synovial ដែលបណ្ដាលឲ្យមានឧស្ម័ននៅក្នុងសារធាតុរាវ synovial មិនរលាយនិងបំបែកទៅជាពពុះខ្យល់។ សំឡេងបានមកពីការផ្ទុះនៃពពុះខ្យល់នៅក្នុងសារធាតុរាវ synovial ។

បើទោះបីជា ការកាច់ម្រាមដៃ មិនត្រូវបានគេរកឃើញថា បណ្ដាលឲ្យខូចឆ្អឹង ។ ប៉ុន្តែប្រសិនបើអ្នកប្រព្រឹត្តបែបនេះជាញឹកញាប់ នឹងធ្វើកន្លាក់ដៃកាន់តែយ៉ាប់យ៉ឺន។ ជាលទ្ធផល កម្លាំងនៃការច្របាច់ដៃ ត្រូវបានកាត់បន្ថយ៕

ប្រែសម្រួល៖ សាង ស្រីល័ក្ខ

ចុចអាន៖តើការកាច់ម្រាមដៃ អាចមានបញ្ហាដែរឬអត់?

ចុចអាន៖តើចំណុចខ្មៅលើខ្ទឹមស ជាផ្សិត? បើហូបទៅ មានហានិភ័យ នៃជំងឺមហារីកទេ?