ផ្ទុះរោងចក្រឈើនៅវៀតណាម ផ្តាច់ជីវិតមនុស្ស ៦នាក់

តាមសេចក្តីរាយការណ៍របស់ VN Express នៅថ្ងៃពុធទី១ខែឧសភា, ហេតុការណ៍ផ្ទុះដ៏ខ្លាំងមួយនៅរោងចក្រឈើ ក្នុងខេត្ត Dong Nai ភាគខាងត្បូងប្រទេសវៀតណាម បានបណ្តាលឲ្យមនុស្សចំនួន៦នាក់ បាត់បង់ជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ កើតឡើងនាវេលាម៉ោង៩ព្រឹកនៅរោងចក្រ Binh Minh ខណៈជាបឋមត្រូវបានគេសន្មត់ថា មូលហេតុគឺបណ្តាលមកពីទុស្សេខ្សែភ្លើង។

តាមការបញ្ជាក់ពីមន្ត្រីក្នុងតំបន់ ការ​ផ្ទុះដ៏សាហាវ​នេះ​ ​បណ្តាល​ឲ្យ​មនុស្ស​៦​នាក់ ​ស្លាប់​នៅ​នឹង​កន្លែង រីឯ៧នាក់​ផ្សេង​ទៀតរង​របួស ត្រូវបញ្ជូនទៅមន្ទីរពេទ្យភ្លាមៗ។

ពាក់ព័ន្ធនឹងគ្រោះថ្នាក់នេះ ​ក្រុមគ្រួសារ​ជនរងគ្រោះ​​បានឲ្យដឹងថា កម្មកររោងចក្រ​ទើបតែ​ជួសជុល​ឡ​ចំហាយ​ទឹកហើយប៉ុណ្ណោះ ស្រាប់តែ៣នាទី​ក្រោយមក ក៏កើតមានការផ្ទុះតែម្តង​។

ទោះបីជាយ៉ាងណាក៏ដោយ វៀតណាម មិនបានផ្តល់ព័ត៌មានលម្អិតទាក់ទិនគ្រោះថ្នាក់នេះទេ ដោយគ្រាន់តែបង្ហើបថា ក្រុមហ៊ុនផលិតកម្មនិងជួញដូរឈើ Binh Minh បានធ្វើប្រតិបត្តិការអស់រយៈពេលជាងមួយទសវត្សរ៍មកហើយ ដោយមានការវិនិយោគផ្ទាល់ពីបរទេស៕

អត្ថបទ៖ សុខ សុវណ្ណ

ចុចអាន៖ វៀតណាម តាមរកស្រ្តីដែលលក់ម្នាស់ឲ្យទេសចរបរទេស ៣ផ្លែ ២០ដុល្លារ