ព័ត៌មានជាតិ
កម្ពុជាមានគ្រឹះស្ថានឧត្តមសិក្សាជិត១៣០កន្លែងនៅទូទាំងប្រទេស
យោងតាមរបាយការណ៍របស់ក្រសួងអប់រំយុវជននិងកីឡា ឆ្នាំសិក្សា២០២០-២០២១ បានឱ្យដឹងថា នៅទូទាំងប្រទេសមានគ្រឹះស្ថានឧត្តមសិក្សាចំនួន១២៨កន្លែង ក្នុងនោះគ្រឹះស្ថានឧត្តមសិក្សាសាធារណៈចំនួន៤៨កន្លែងនិងគ្រឹះស្ថានឧត្តមសិក្សាឯកជនចំនួន៨០កន្លែង នៅតាមរាជធានីខេត្តចំនួន២០និងស្ថិតក្រោមការគ្រប់គ្រងក្រសួងស្ថាប័នចំនួន១៦។
ក្រសួងអប់រំបានបន្តថា ក្នុងចំណោមគ្រឹះស្ថានឧត្តមសិក្សា១២៨នោះ ក្នុងនោះគ្រឹះស្ថានឧត្តមសិក្សាដែលស្ថិតក្រោមការគ្រប់គ្រងរបស់ក្រសួងអប់រំ យុវជននិងកីឡា មានចំនួន៨០ ក្នុងនោះសាធារណៈ១៣ និងឯកជន ៦៧ មានបុគ្គលិកអប់រំ១៦ ៦៧៦នាក់ ស្រី ៣៤៧៥នាក់ និងនិស្សិតកំពុងសិក្សាមាន ២០១,៩០០ នាក់ ស្រី១០២ ៥៩៩នាក់ ស្មើ ៥០,៨ភាគរយ។ គ្រឹះស្ថានឧត្តមសិក្សា ៤៥ផ្តល់សេវាអប់រំថ្នាក់ក្រោយបរិញ្ញាបត្រក្នុងនោះគ្រឹះស្ថានបណ្តុះបណ្តាលថ្នាក់បណ្ឌិត២១ ។
ក្រសួងអប់រំបន្តទៀតថា គ្រឹះស្ថានឧត្តមសិក្សាផ្សេងៗស្ថិតក្រោមការគ្រប់គ្រងពីក្រសួងស្ថានប័នចំនួន១៥ក្នុងនោះមានក្រសួងការងារនិងបណ្តុះបណ្តាលវិជ្ជាជីវៈ គ្រប់គ្រងចំនួន២៥ ក្នុងនោះរដ្ឋមាន១២និងឯកជនមាន១៣។ ក្រសួងកាពារជាតិ គ្រប់គ្រងគ្រឹះស្ថានរដ្ឋចំនួន៥ ក្រសួងធម្មការនិងសាសន៍គ្រប់គ្រងគ្រឹះស្ថានរដ្ឋចំនួន៣ ក្រសួងសុខាភិបាល គ្រប់គ្រងគ្រឹះស្ថានរដ្ឋចំនួន២ និងក្រសួងកសិកម្មរុក្ខាប្រមាញ់និងនេសាទគ្រប់គ្រងគ្រឹះស្ថានសិក្សារដ្ឋចំនួន៣។
ក្រៅពីនេះ ក្រសួងស្ថាប័នចំនួន១០ទៀត គ្រប់គ្រងគ្រឹះស្ថានសិក្សាឧត្តមសិក្សាចំនួន១ក្នុងនោះរួមមាន ក្រសួងសេដ្ឋកិច្ចនិងហិរញ្ញវត្ថុ ក្រសួងមហាផ្ទៃ ក្រសួងសាធារណការនិងដឹកជញ្ជូន ក្រសួងសង្គមកិច្ចអតីតយុទ្ធជននិងយុវនីតិសម្បទា ធនាគារជាតិនៃកម្ពុជា ក្រសួងរ៉ែនិងថាមពល ក្រសួងប្រៃសណីយ៍និងទូរគមនាគមន៍ ក្រសួងវប្បធម៌និងវិចិត្រសិក្បៈ ទីស្តីការគណៈរដ្ឋមន្ត្រីនិងក្រសួងរៀបចំដែនដីនគរូបនីយកម្មនិងសំណង់។
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា មានប្រសាសន៍នៅថ្ងៃទី២៦ ខែវិច្ឆិកានេះថារហូតមកដល់ពេលនេះ ក្រសួងអប់រំយុវជននិងកីឡាបានអនុញ្ញាតឱ្យគ្រឹះស្ថានឧត្តមសិក្សារដ្ឋនិងឯកជនចំនួន៥៥ទីតាំងបើកដំណើរការសាកល្បងឡើងវិញ។ តាមផែនការរៀងៗខ្លួនឈរលើអនុស្សារណ:នៃការយោគយល់រវាងគ្រឹះស្ថានឧត្តមសិក្សានិងក្រសួងអប់រំ យុវជន និងកីឡា។
លោក រស់ សុវាចា បានបន្តទៀតថា មុននឹងបើកដំណើរការសាកល្បងឡើងវិញ គ្រឹះស្ថានឧត្តមសិក្សារដ្ឋនិងឯកជនត្រូវដាក់ពាក្យស្នើសុំជាមុនសិន និងអនុវត្តទៅតាមគោលការណ៍ណែនាំរបស់ក្រសួង។
លោកបណ្ឌិត ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាបានមានប្រសាសន៍នៅថ្ងៃទី២៦វិច្ឆិកានេះថារហូតមកដល់ពេលនេះមានគ្រឹះស្ថានឧត្តមសិក្សាឯកជនប្រមាណ៩០ភាគរយហើយបានបើកដំណើរការឡើងវិញខណៈ១០ភាគរយទៀតកំពុងរៀបចំឯកសារស្នើសុំទៅក្រសួងអប់រំព្រោះថា មានឯកសារជាច្រើនដែលត្រូវបំពេញហើយមុននឹងបើកត្រូវរៀបចំឯកសារឱ្យវាស៊ីជាមួយអ្វីដែលយើងបានរៀបចំទៅតាមស្តង់ដារ អេស អូភី ស្របទៅតាមវិធានសុខាភិបាលនិងក្រសួងអប់រំយុវជននិងកីឡា។
លោកបណ្ឌិត ហេង វ៉ាន់ដា បានបន្តថា ម្យ៉ាងទៀតមុននឹងបើកដំណើរការឡើងវិញគ្រឹះស្ថានឧត្តមសិក្សានីមួយៗត្រូវចុះអឹម អូយូជាមុនសិនជាមួយក្រសួងអប់រំទើបអាចបើកបាន៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល